الكاوتش إتلوح .

[mero100]

حسيت من يومين ان مشي العربيه مش مظبوط .... رحت لفني الزوايا اللي بتعامل معاه .... و اول ما طلع العربيه علي المجري ....مسك الكاوتش بايديه االاتنين ....و قاللي الكاوتش ملووح ..... خصوصا الفرده اللي ادام شمال .

و قاللي لازم اغير الكاوتش خلال يومين بالكتير لانه خطر المشي بالكاوتش كده .

و الحل المؤقت اللي قاله اني أركب الاستبن ورا شمال و اطلع العجله اللي ورا شمال لأدام شمال .... و اخلي العجله اللي ملووحه جامد اللي خارجه من ادام شمال ...تبقي استبن .

المهم انا قلقان و متضايق من مشي العربيه .

عاوز نصايحكم في اختيار نوع كاوتش محترم .... و ياريت لو حد غير قريب ...يفيدني

و شكرا .

[MITSUKERO]

بص ميشلاااااااااااااااااااااااااااااااااااااان

انا جربت اليوكوهاما و الجود يير و اللاسا

اللي اقدر اقولك عليه بين الانواع دي كلها هو الميشلان فظيع بجد بيستحمل جدا

و خد رأي باقي الاعضاء في باقي الانواع

[Abo Yasso]

جربت النيكسن فى اكتر من عربيه وشايف انه ممتاز

[swimmer25]

نفس اللي حصل عندي مع كاوتش جوديير عمل 30 الف بس و كمل 4 سنين ونص...بس عندي 3 فرد اتلوحت واضطريت امشي بيهم شوية لحد ما اغير بس محصلش حاجة الحمد لله

إنت كاوتشك نوعه عشان نعلم عليه هو كمان ؟ وعمل كام الف وكام سنة ؟

عموما اعمل زي ما قالك...خليه استبن بس خد بالك لانه لو قديم فعلا هيتلوحوا واحدة ورا التانية

[MMamdouh]

كومهو سولس ....مش وحش و سعرة كويس

MMamdouh

[mero100]

كومهو سولس ....مش وحش و سعرة كويس

mmamdouh

و الله يا محمد انا سمعت ان كومهو اكستا افضل من الكومهو السولس ... من حيث الصوت علي الطريق و من حيث انها مش بتلم حصي .

طيب ....هل الكومهو عموما ناشف ؟؟

و هل ميشلان فرنساوي 100 % ؟؟....

لو حد يعرف اسعار الكومهو و الميشلان يقوللي يا جماعه .

[mostafa mahmod]

طب و السوال اللوحه دى بيبقى سببها ايه اصلا و هل حلها التغيير و لا ممكن نحط جواها اطار ( جوانى )

[MinaLove_1]

بص ميشلاااااااااااااااااااااااااااااااااااااان

انا جربت اليوكوهاما و الجود يير و اللاسا

اللي اقدر اقولك عليه بين الانواع دي كلها هو الميشلان فظيع بجد بيستحمل جدا

و خد رأي باقي الاعضاء في باقي الانواع

انا متفق تماماااااا مع الكلام ده ومع اكتر من تجربة مع زميلي فعلا مـيشــلان هو الافضل
بس هو سعره زياده حبه دا لانه فعلا نضيف و انشاء الله خير .

[MMamdouh]

و الله يا محمد انا سمعت ان كومهو اكستا افضل من الكومهو السولس ... من حيث الصوت علي الطريق و من حيث انها مش بتلم حصي .

مفيش اكستا فى المقاس بتاعك للاسف

طيب ....هل الكومهو عموما ناشف ؟؟

لا

و هل ميشلان فرنساوي 100 % ؟؟....

مش عارف

لو حد يعرف اسعار الكومهو و الميشلان يقوللي يا جماعه .

اخر مرة حد معرفة اشترى السولس كانت الفردة ب290

MMamdouh

[mero100]

ربنا يخليك يا بوحميد و شكرا لكل الاعضاء :-)

سألت علي الميشلان لقيت الفرده ب 450 و انجليزي و معلوماتي من زمان ان الميشلان فرنساوي .

و الكومهو في حدود 340

انا مرتاح للكومهو لاني شفته تقريبا بينزل في الالنترا الجديده .

الهانكوك مش برتاحله لاني بحس انه ناشف .... جبته في عربيتي القديمه و كان ناشف جدا مع ان تاريخ الانتاج كان حديث .

[hossam_elwani]

ربنا يخليك يا بوحميد و شكرا لكل الاعضاء :-)

سألت علي الميشلان لقيت الفرده ب 450 و انجليزي و معلوماتي من زمان ان الميشلان فرنساوي .

و الكومهو في حدود 340

انا مرتاح للكومهو لاني شفته تقريبا بينزل في الالنترا الجديده .

الهانكوك مش برتاحله لاني بحس انه ناشف .... جبته في عربيتي القديمه و كان ناشف جدا مع ان تاريخ الانتاج كان حديث .

كلامك سليم

[Dr.Solom]

Bridgestone my01 or continental or goodyear

[MITSUKERO]

انا سألت علي الميشلان في المنوفية من شهر كان ب 380 جنية مقاس 175 -70 - 13

اوعي يكون غلي ده انا عايز 4 فرد للانسر

[mero100]

و ايه ماغليش يا باشا :-)

[Ahmed Nasser]

طب و السوال اللوحه دى بيبقى سببها ايه اصلا و هل حلها التغيير و لا ممكن نحط جواها اطار ( جوانى )

اللوحة دى سببها ان الكاوتش جاب اخرة
وسعتها لازم يتغير لانة ممكن يضرب فى اى وقت