ندمان انك اشتريت النوبيرا اوتوماتيك؟؟

[MoMohsen]

معلهش اصلى ماركبتش الا النوبيرا اللى بتيجى من برة بس
اما النوبيرا التقفيل المصرى ماركبتهاش

بالنسبة للفتيس النوبيرا 1 والـ 2 هو هو نفس الفتيس
وطبعا الفتيس لية كنترول وحساسات غير كنترول الموتور
دة بالنسبة لاى نوبيرا بتيجى من برة سواء 1 او 2
بس فية عربيات نوبيرا نزلت الفتيس بتاعها واير عادى جدا زى بتاع النوبيرا التقفيل المصرى

اما الفرق بين فتيس النوبيرا 1 والـ 2
مفيش اى اختلافات نهائى الا النوبيرا 1 ليها ضفيرة للغيارات
بتبين الغيارات فى الطابلوه امامك
اما النوبيرا 2 مافيهاش الكلام دة

الفكرة ان 95% من النوبيرا 2 تقفيل مصرى و اللى بتيجى من برة نادرة جدا لان اغلبها بيكون جاى معاقين و معمول تصالح...
انا بقى اللى اقصدة ان لو نوبيرا 2 الموتور 1600سى سى مع فتيس نوبيرا 1 متعدل او تكون هى نازله فبريكة بالفتيس دة ....هلى الاداء بيختلف و استهلاك البنزين ايه نظامه؟؟

[Ahmed Nasser]

استهلاك البنزين والاداء واحد لو الفتيس الواير العادى
اما الكهربا استهلاك واداء احسن من العادى

[amr anwar]

شكرا للرد والأيضاح

[amr anwar]

ممكن يا استاذ أحمد تقولى مكان كنترول الفتيس فين
هل هو اللى جوه العربيه تحت الفبره اللى جنب الباب اليمين

[AshrafMakki]

لا طبعا فيه فرق و المشكله انه لصالح نوبيرا 1 . الفتيس فى النوبيرا 1 فيه تكنولوجيا اكتر و اكنه ليه كنترولر لكن فى نوبيرا 2 الفتيس عادى جدا زى بتاع اى عربيه اتوماتيك من التمانينات

النوبيرا ون الفتيس بتاعها جامد وبفرق كتير من النوبيرا 2

[Ahmed Nasser]

ممكن يا استاذ أحمد تقولى مكان كنترول الفتيس فين
هل هو اللى جوه العربيه تحت الفبره اللى جنب الباب اليمين

فى الحوض جنب البطارية

[Ahmed Nasser]

النوبيرا ون الفتيس بتاعها جامد وبفرق كتير من النوبيرا 2

النوبيرا 2 اللى بتيجى من برة زى النوبيرا1 بتكون نفس الفتيس

[korg]

اشتريت نوبيرا 2 اوتو و تقريبا كدا بدأت اندم انى اشترتها
انا لما شوف العربيه حستها عوزها شوية نضافة بس بعد ما خلصت فوجئت بالمشاكل سواء من الفتيس او العفشة و إستهلاك البنزين
الفتيس صاحب العربية قالى ان فى الحساس بتاع الرابع عاوز يتغير و بحس فجأة و انا ماشى ان العربيه بتنتش و بعدين لمبة check تنور و العربية ما تسحبش
فا مش عارف اعمل ايه اغير الفتيس و اجيب واحد استيراد اوتو ولا مانيوال ولا احاول اصلحه
و بعدين موضوع تيل الفرامل اللى مش بيقعد دا تقريبا بتستهلك تيل كل شهر
و التخبيط فى العفشة ما ان صاحبها برضو قالى انه لسه جايب مقصين جداد و اسكترا
افيدونا افادكم الله قبل ما احرقها

[midooo_119]

تقريبا كده اغلب الاعضاء اتفقوا ان لو انت محافظ عالفتيس او شاريها من واحد محافظ عليه و تقلل الكيك داون يبقى الفتيس هيشتغل زى الفل ... بالتوفيق للجميع