مشكلة فى النوبيرا !!

[minagold]

فى مشكلة حاصلة معايا لو حد يعرف السبب ياريت يقولى انا اخر مرة كنت راجع من السفر و لقيت العربية اخرها بتجيب 140 كم/س وو كمان جايب اخر الدواسة وكأن دة اخر العربية مع العلم انى كنت بجيب بيها 190 و كانت ممكن تعدى السرعة دى كمان .. هى الحكاية دى ممكن يكون ليها علاقة بالرشاشات؟؟ عشان انا لسة مغيرها برشاشات ال BMW .. هى نوبيرا و دى صورة العداد ايام العز

لو حد يعرف السبب ياريت يفدنى و معلش طولت عليكو

[kimo-nubira]

هى كانت بتعمل معاك كده قبل ما تغير الرشاشات ؟؟ والعربيه موديل سنه كام ؟؟

[minagold]

لا قبل الرشاشات كانت تمام و الصورة دى قبل الموضوع دة ايام الرشاشات القديمة هى موديل 2001 cdx

[kimo-nubira]

لا قبل الرشاشات كانت تمام و الصورة دى قبل الموضوع دة ايام الرشاشات القديمة هى موديل 2001 cdx

بص هو كده الارجح انها تكون رشاشات بس بارضو بص على البوجيهات ممكن تكون

حرقها قل وان شاء الله تطلع حاجه بسيطه وبارضو شوف

راي محمد ممدوح هو ان شاء الله اللي هايجبلك المفيد

[m_marmoush]

غير البنزين ..... حصلت معايا قبل كده كنت راجع من الغردقه و مونت 90 من شل اللى هناك و عينك ماتشوف الا النور أخرها كان 110 و بالعافيه مع أنى كنت جاى 160-180 مستريح

[minagold]

بص هو كده الارجح انها تكون رشاشات بس بارضو بص على البوجيهات ممكن تكون

حرقها قل وان شاء الله تطلع حاجه بسيطه وبارضو شوف

راي محمد ممدوح هو ان شاء الله اللي هايجبلك المفيد

انا شاكك فى البوجيهات بردة هشوف و الف شكر يا باشا

[minagold]

غير البنزين ..... حصلت معايا قبل كده كنت راجع من الغردقه و مونت 90 من شل اللى هناك و عينك ماتشوف الا النور أخرها كان 110 و بالعافيه مع أنى كنت جاى 160-180 مستريح

انا بمون 92 دايما و لو على كلامك دة فعلا ممكن يكون دة الحاصل عشان انا كنت فى المنيا و مونت من هناك و المحطة اصلا شاكلها مايطمنش بس ماكنش فى غيرها فيه 92 و انا الغايظنى انى رايح بجيب 190 و المشى العادى كان 160 مستريح

يارت فعلا يكون بنزين و الف شكر يا باشا على ردك

[د/ خالد]

طيب بما انك غيرت الرشاشات برشاشات بي ام يا ريت تفيدنا عن استهلاك البنزين معاك يا باشا يعني جوا البلد بيعمل كام وعلى السريع بيعمل كام وما اظنش انه المشكله في الرشاشات

[minagold]

هو الاستهلاك بتاع البنزين على السريع انا حاسس انو زاد شوية بس بنسبة بسيطة مش حاجة جامدة عن الاول يعنى انا فى الاول كنت بنزل مشوار المنيا و المسافة حوالى 300 كم كانت بتاخد نص الصفيحة لو انا ماشى كويس و فى الجرى كانت بتاخد اكتر من النص بحاجة بسيطة و بعد الرشاشات ممكن تكون نفس النسبة بس بزيادة بسيطة اوى يعنى ممكن تفرق 4 لتر عن الاول بالنسبة للسريع بس جوة البلد لسة مامشتش بيها كتير عشان اشوف الفرق عن الاول .. بس انا متابع الموضوع و اى جديد هقولك يا باشا

[kimmmo2]

يا باشا مين دا الي يعمل 300 كيلو في نصف صفيحه
يا ريت الكلام يكون دقيق شويه دي عربيه مش موتوسكل

[kimo-nubira]

يا باشا مين دا الي يعمل 300 كيلو في نصف صفيحه
يا ريت الكلام يكون دقيق شويه دي عربيه مش موتوسكل

يا باشا هو غالبا قصده على نص التانك مش نص صفيحه بنزين يعني هو يقصد ان الصفيحه = تانك

[minagold]

يا باشا مين دا الي يعمل 300 كيلو في نصف صفيحه
يا ريت الكلام يكون دقيق شويه دي عربيه مش موتوسكل

معلش قصدى نص التانك .. حلو الدقة دى ولا فى اى مشكلة تانى؟!!

[mummy_47]

هب العربية اوتوماتيك ولا عادة

[mahfouz1983]

انا اعتقد ممكن تكون المشكلة من طرمية البنزين جرب وشيك عليها ممكن تكون المتور بتاعها يكون ضعيف ومش بيدي للعربيه كفاية من البنزين

[محمد فريد]

انا اعتقد ممكن تكون المشكلة من طرمية البنزين جرب وشيك عليها ممكن تكون المتور بتاعها يكون ضعيف ومش بيدي للعربيه كفاية من البنزين

+1000000000
موتور الطرمبة هتلاقيه ظاهر تحت الفرش فى الشنطة وداخل عليه خرطوم أسود رفيع شويه