طلب مساعده فى شراء عربيه لانوس

[sword00]

السلام عليكم اعضاء المنتدى الكرام
اخوكم جديد فى عالم السيارات دورت كتير على النت على ورسيت على شراء سياره لانوس هتمشى معايا وسعرها على قد اللى معايا لكن لما نزلت اشترى لقيت الناس بتحاول تنصب عليا وكل واحد بيقول لك عربيتى ميه ميه قبريكه وبعد كده تطلع راشه وفيها مشكله فى العفشه والموتور والخ الخ فانا معايا 40 الف وعايز من حضراتكم تقولوا لى يجيبوا موديل كام وتكون العربيه تمام واهم حاجه الصاج عشان لقيت انه اهم حاجه فى العربيه بالنسبه للسوق ولو فى نصايح لاخوكم تكسبوا فيا ثواب هههههه
صحيح لو عايز مركز خدمه محترم او بنزينه تكشف لى على العربيه انا من بنها فلو حد يعرف حد فى بنها يدلنى

[sword00]

43 مشاهده مفيش حد راضى يفيدنى

[Nashaat Rady]

نصيحتي الوحيدة ليك هي ان لازم حد عنده خبرة بالمستعمل يكون معاك، عشان حضرتك بتقول انك جديد، فلا حرج من المساعدة.

دول موضوعين فيهم معلومات مفيدة جداً عن شراء المستعمل.

http://www.nilemotors.net/Nile/20244-a.html

بيـــع و شــــراء - نايل موتورز - NileMotors.net

و في مواضيع تانية كتير في جميع الأقسام عن المستعمل

و بالتوفيق

[bebom]

لازم تاخد سمكري وميكانيكي او سمكري بس ويكون خبره ومعرفة كويس
وياسلام لو تكشف في التوكيل
لازم تدور بتقل لحد متلاقي الي انته عايزة وجيها اقل حاجة رشة حزام بس يعني فبريكةجوا وبره فبريكة سقف وياسلام لو كمان فبريكة كبوت وشنطة وكاملة عشان اكاملة نفس سعر الهاف وخد بالك حاول العداد يكون قليل