فيوز المروحة

[islamnasser10]

النهاردة وانا ماشي لقيت دخان طالع من الكبوت قلبي وقع في رجلي ونزلت لقيت مايه خضرا في الارض
فتحت الكبوت لقيت الماية بتطلع من اربة الماية وبتغلي
بصيت علي مؤشر الحرارة مظبوظ
بطلت شوية الماية اللي بتغلي تهدي وبعدين ركبت وطلعت علي اقرب كهربائي
قعد يلعب في علبة الفيوزات وقالي فيوز المروحة ساح وجه يخلع الفيوز اتكسر وطلعه بالعافيه بمفك وقالي الفيوز ده عايز يتغير
ووصل سلك مكان الفيوز المراوح اشتغلت وخد 15 جنيه وقالي هات الفيوز من اي حد وركبة عادي

السؤال بقي
امشي علي السلك ده عادي امان ولا اجيب الفيوز في اقرب وقت
والفيوز تمنه كام والمحل اللي هشتري منه ملزم يركبهولي ولا هياخد فلوس علي التركيب كمان
وفيه سؤال برضة ايه اللي سيح فيوز المروحه من الاول اصلا ماهو ممكن الجديد يسيح برضة لنفس السبب ويبقي المشكلة متحلتش

[blazer]

اكيد حصلت مشكله فى دايره الكهرباء بتاعة المراوح
طبعا غلط انك تمشى على السلك
المفروض متمشيش بيها خالص الا لما تركب الفيوز ودى حاجه سهله جدا المهم تجيبه نفس الامبير بتاع القديم

[shur3000]

ركبة انت بس يبقى نفس الفولت

[م. محمد نافع]

علي فكره انت عندك مشكله في مؤشر الحراره
ازاي درجه حراره المياه تعلي وضغط المياه يرتفع و صمام الامان اللي في غطاء القربه يفتح و كل ده ومؤشر الحراره مضبوط
المفروض كنت تلاقي المؤشر فوق الربع الثالث
اما بالنسبه للفيوز فمفيش مشكله حضرتك هتشتري الفيوز نفس الامبير تقريبا 30 امبير وهتركبه بدون قلق لانه لو كانت المشكله ما زالت موجوده او لو حصلت مشكله تانيه الفيوز هيضرب تاني ومش هتعمل مشكله

[islamnasser10]

جبته وخليت الراجل ينضف مكان القديم ويركب الجديد وخد 15 جنيه

[islamnasser10]

علي فكره انت عندك مشكله في مؤشر الحراره
ازاي درجه حراره المياه تعلي وضغط المياه يرتفع و صمام الامان اللي في غطاء القربه يفتح و كل ده ومؤشر الحراره مضبوط
المفروض كنت تلاقي المؤشر فوق الربع الثالث
اما بالنسبه للفيوز فمفيش مشكله حضرتك هتشتري الفيوز نفس الامبير تقريبا 30 امبير وهتركبه بدون قلق لانه لو كانت المشكله ما زالت موجوده او لو حصلت مشكله تانيه الفيوز هيضرب تاني ومش هتعمل مشكله

اعرف منين مؤشر الحرارة شغال ولا لا
لما بدور العربية وهي بايته بيبقي تحت خالص وبيطلع تدريجي لحد قبل النص بشوية اعتقد كدة شغال
فيه حاجة اقدر اعرف منها المؤئر سليم ولا لا

[م. محمد نافع]

فيه حركه بيعملوها بيلمسوا السلك بتاع مؤشر الحراره اللي بيكب في وش السلندر في جسم الموتور ويفكوه خالص في واحده بيرفع المؤشر للاخر وفي التانيه بينزل المؤشر تحت خالص
علشان تتأكد انه شغال كويس

[mhopa2440]

لي ملاحظة هامة جدا

معني ان الفيوز يسيح يعني ارتفاع درجة الحرارة بصورة كبيرة والعيب دا اكيد من المروحة

حضرتك لازم تعمل التجربة دي عشان مش توقع ف المشكلة تاني انك تتاكد ان المروحة سيلمة

هفتك فيشة المروحة خالص وتعمل توصيلة للمروحة مباشرة على البطارية وتشغلها وتلاحظ الاتي
سرعة تشغيل المروحة سيلمة ولا أيه
السلك اللي انت عملته من البطارية للمروحة هيسخن ولا لأ لو السلك بدا يسخن والمروحة شغالة اعرف كدا ان شربون المروحة اتاكل شوية واتحرك من مكانة ولمس مع بيعض يعني عمل قفلة جوة المروح وهي بتشتغل بردو لعند السلك ما يسيح بس طبعا مش تسيبه يسيح لو سخن افصل بسرعة

هتشوف كهربائي شاطر يغير لك شربون المروحة بس الافضل انك تشتير موتور مروحة جديد وتركبه على القميس والريش اللي عندك

انا لو اشتغلت سيلمة والسلك مسخنش يبقى عندك عيب تاني لازم تتاكد منه

بس انا ارجح موضوع ان شربون المروحة ملمس لان الموضوع دا كان عندي كل مااركب فيوز يضرب ولما عملت التجربة دي السلك التوصيل سخن فكيت المروحة ف البيت ولقيت الشربون ملمس بس انا اشتريت دماغي واشتريت موتور جديد وانا اللي ركبته

[tarek_2005]

وبجانب المشاركة السابقة اعمل حسابك هتغير غطاء القربة قريب

[islamnasser10]

النهاردة وانا راجع من برج العرب لقيت دخان طالع من الكبوت تاني بس الحمد لله كنت دخلت اسكندريه
ركنت علي طول وبطلت العربية ولقيت واحد كان ماشي جنبي جالي وقالي انا ميكانيكي كنت شغال في توكيل دايو وممكن اساعدك
قولتله كان عندي مشكلة في فيوز المروحة وغيرته
الظاهر رجعت متشتغلش تاني والماية بتغلي وبتنط من الاربة
شال الفيوز وحط الكوبري اللي معايا من الاول المروحة مشتغلتش برضة
راح عامل وصلة سلك من المروحة للبطارية علي طول وقالي روح للكهربائي يشوفهالك وبالنسبة للموتور ممكن يجيب منك وش سنلدر بسبب السخونية وانه واخد هوا
فك الخرطومين اللي واصلين بالاربة وقعد يحط مايه علشان يطلع الهوا وبعدين قفل كل حاجة لقي الغطا بايظ بتاع الاربة قالي هجبلك واحد بسرعه
قولتله ماشي ومردتش اروح معاه علشان كان معايا والدتي في العربية
جاب الغطا الماني وركبه وخد 110
عارف اني اتضحك عليا بس هو نجدني وطلعلي منين معرفش
فصلت سلك المروحة من البطارية بعد ماركنت لحد مانزل واروح لكهربائي يشوفلي مشكلة المروحة دي الموتور هيضيع مني ومش ناقصه عمرة حرام

[islamnasser10]

وبجانب المشاركة السابقة اعمل حسابك هتغير غطاء القربة قريب

اتغير النهارده ياكبير ومش بمزاجي

[mido_kora]

السلام عليكم..

حل المشكلةطلع ايه ؟ تغيير المروحة ؟