هو التانك كام لتر بالظبط

[fghahkj]

الكتالوج بيقول 48 لتر وهو هو نفس الكتالوج بيقول ان اول لمبه البنزين تنور يبقى موجود 6 لتر طيب انا كنت مسافر مرسى مطروح والامبير على ال e ومشيت لحد ملاقيت محطه بنزين وكانت لسه اللمبه منوره حالا وانا داخل البنزينه المهم فولت العربيه ب 50 لتر طيب اذااااااااااااااااااااى

[mo7eb elrasol]

والله انا كمان محتار فى موضوع تانك اللانوس ده،ومش عارف احسب استهلاك البنزين بالظبط بسبب كده،الزور بتاع التانك ضيق ومرة بتاع البنزينة يفول ع الاخر وعشرة لا

[alaamousa]

اين انت يا lanos 2004 رد على الناس فيه ناس راكبه لانوس ومحتاره
بصوا يا جماعه موضوع التانك ده متغير لسبب ما وهو العوامه اذا كانت معتدله فكل مره تديلك تفويله شكل

[blazer]

متحسبش بلمؤشر اوى خصوصا لو العربيه قديمة لانه غالبا هتلاقى فرق بين قراية المؤشر والحقيقى حوالى 4 لتر مثلا
و المفروض انك متفولش عربيتك للزور و عند اول فصله للمسدس يبقى العربيه اتفولت

[محمد طايع]

ممكن يكون عداد البنزينه ملعوب فيه - فيه ناس كتير معندهاش ضمير

من يومين كده كنت راجع من القاهره ووقفت علشان احط بنزين
نزلت وقفت جنب الراجل وهو بيمون اول ما صفر العداد وجاى يحطلى بنزين ببص على العداد

لقيته كاتب 8 ..... والمفروض انه يبدأ من صفر

قولتله العداد ما صفرش ده كاتب 8

قالى الناحيه دى بايظه بص من الناحية التانيه ( الجنب الآخر ) للمكنه عدادها سليم وده الى بنحسب عليه
قولتله ماشى مون طبعا العداد الى ناحيتى ابتدى يعد من بعد 8 يعنى بعد اول لتر كان الرقم 9 وهكذا

فولت العربيه والعداد المضروب كاتب 29 لتر
قولت لصاحبه الى بياخد الفلوس كام ؟ ( كان واقف الناحيه التانيه عند العداد السليم وما حضرش الكلام الى دار ما بينى وما بين صاحبه قبل التفويل )

جه من ورا لعندى بص على العداد المضروب الى ناحيتى و قالى 29 لتر

قولتله لأ يا باشا العداد ده بادىء من 8 وانا موريه لصاحبك الى ممونلى

كده انا واخد 29 - 8 يبقى 21 لتر

الراجل راح بص الناحيه التانيه ( الناحيه السليمه الى هو جاى من عندها اصلا ) وقالى ... احم ايوه ايوه 21 لتر مظبوط

حاسبته ومشيت وانا بضرب كف على كف يعنى نصب علنى

فاذا مكونتش تابعت العداد بعينك بتاع البنزينه وهو بيفول واذا كانت البنزينه مش مضمونه ما تستبعدش ان يكون حاجه مشابهه حصلت معاك

[Ahmed Amin]

اين انت يا lanos 2004 رد على الناس فيه ناس راكبه لانوس ومحتاره
بصوا يا جماعه موضوع التانك ده متغير لسبب ما وهو العوامه اذا كانت معتدله فكل مره تديلك تفويله شكل

الموضوع مالوش أي دعوة بالعوامة خالص..
لأن التانك مساحة كلية المفروض تتملي زي ما هو مكتوب في الكتالوج,

والعوامة لو أفترضنا ان فيها مشكلة هتخلي التانك ياخد بنزين أقل,, مش أزيد..
يعني تديك قراية غلط ماشي, تخلي المسدس يفصل بدري واقفة ف طريق البنزين,
لكن هتجيب مساحة للتانك زيادة منين تحط فيها بنزين أكتر من المساحة اللترية اللي التانك نازل بيها من المصنع ؟؟؟

احنا مرة كان زمان عندنا بيجو 505 وكان التانك بتاعها باين من تحت بسهولة جنب الاستبن مرة اتخبط وانا راجع بضهري وبقي مطبق شوية لفوق,, دا أدي لأيه بقي ؟

أنو بقي بدل ما كان بياخد 55 لتر ف التفويلة بقي ياخد 50 او 48 لتر لانه مبقاش بالمساحة اللي كان عليها والخبطة الي اخدها اكلت من المساحة اللي جوا اللي بيملاها البنزين..

لكن العكس مبيحصلش ومالوش دعوة بالعوامة.

اللي صاحب الموضوع بيقوله حاجة هيبقي ليه سبب من أتنين:
الأول أن الكتالوج فيه غلطة مطبعية ويبقي أهمال كبير من الشركة انها تكتب حاجة غير الحاجة الحقيقة اللي موجودة بالعربية..

والحاجة التانية أن يكون بقي فيه طريقة جديدة للغش بتخلي صاحب البنزينة او العمال يلعبو في الكاونتر بحيث انو يكتب لك لترات زيادة بدل اللي نزلت لك في التانك.

يعني كل لتر ينزل لك يتكبت لك يكون بيتكتب عال شاشة لتر وربع
1 لتر = 1.25 او حتي 1لتر =1.10 لتر هيجمع معاهم ف الاخر مع كل تفويلة مكاسب خيالية
هيبقي مع كل 5 لتر بتدفع حقهم وبيتكت انك اخدتهم بتكون اخدت 4 لتر بس..

نصيحة لصاحب الموضوع اللي مش عارف أقرا أسمه..
لو عايز تطمن عندك حاجتين تعملهم:
الأولي:
جرب تفول من بنزينة تانية وتكون العربية وصلت للأحتياطي تاني ممكن تكون البنزينة دي عدادها مخرف او لاعبين فيه ومعندهمش ضمير..

التانية: أنك تفول العربية مرة لحد الاخر لحد ما تجيب للزور عشان تتاكد انها اتملت عال اخر, وتروح بيها الجراج او اي مكان فاضي مفهوش زحمة ولا تراب ولا قلق وتنزل البنزين ف جراكن نضيفة وتشوف هينزل كام بالظبط عشان تعرف سعة البنزين بتاعتك الحقيقة..

أنا عملتها مرة وفضيت البنزين عشان كنت عايز انضف التانك كانت شاكك انو فيه وساخة وفضيته من جوا العربية منزلتش التانك, جبت جراكن كبيرة بيضا ونضيفه وكنت مفضي فيها ازايز مية كتير كل واحدة لتر ونص عشان اعرف الجركن هياخد كام لتر بالظبط,
بعد كدا فضيت الجراكن وسيبتها تنشف ف الشمس واخدتهم عال عربية وقسمت ازازة بلاستيك نصين وبقيت باخد بنص الي تحت من التانك, وبالنص التاني عاملة كووز وحاطة عال جرركن وبصب في الجركن بيه..
دا لو أنت فاضي ف يوم وعايز تجربها لو الموضوع مضايقك كدا

[Ahmed Amin]

وأخر حاجة سمعتها من فترة ان في طريقة جديدة للنصب وهيا أن العامل وهوا بيفول التانك لو فضل يدوس ويسيب علي الزرار اللي في المسدس وهوا بيملالك العربية بنزين, دا عامل معندوش ضمير.

لأن دا بيخلي المسدس فيه بوش وهيفضل يعد علي الشاشة لترات اكتر من اللي هتنزل لك ف التانك,,

لأنو بيبقي فيه وقت ما بين ضغتطة علي المسدس الشاشة بتبدأ تعد اللي طلع في الخرطوم وقبل ما البنزين اللي اتعد عال شاشة ينزل كله من المسدس بيشيل ايدية من وبيرجع شوية تاني ف الخرطوم..

لو لاقيت العامل العامل عمال يتكتك عال المسدس عمال علي بطال كدا اعرف ان عايز يخمك..

الصح انك لو هتفول بيشغل المسدس وبيسيبه يفول لحد ما يفصل اول مرة, دا طبيعي وممكن يضغط بعدها مرتين او تلاتة لو عايز يقفل ال 50 جنيه مثلا او ال 60 كدا

أو لو عايز تحط ب 20 جنيه بس او ب 30 جنيه بس بيضغط برضه مرة واحدة ويسيبة وقبل ال 19 جنيه او 29 جنيه بيبدا يمسكه ويتكتت عشان ميعديش الرقم اللي انت طالبة سواء باللتر او بالجنيه..

أتمني أكون أفدتك.

[fghahkj]

متحسبش بلمؤشر اوى خصوصا لو العربيه قديمة لانه غالبا هتلاقى فرق بين قراية المؤشر والحقيقى حوالى 4 لتر مثلا
و المفروض انك متفولش عربيتك للزور و عند اول فصله للمسدس يبقى العربيه اتفولت

يا باشا انا مبتكلمش على المؤشر خالص انا بقول ان التانك المفروض 48 لتر هو خد معايا 50 غير البنزين الى كان موجود بداخله

[fghahkj]

على فكره عامل البنزينه ملهوش علاقه بالموضوع لان انا الى فولت العربيه بنفسى وهى بنزينه التعاون ولسه جديده يبقى على كده تانك الانوس اكتر من 50 لتر

[beshoylove1]

ايوة ازيد من 50 .. ممكن 55 كمان انا كذا مره افول من كذا بنزينه و تاخد 50 لتر و بتبقى لسه اللمبه منوره بس ده لو حفولها للزور لحد الاخر

[mero100]

اعتقد ال 48 لتر المكتوبين في مانيوال السياره ... ده بيبقي سعه التانك لغايه نقطه معينه و لتكن مثلا وش التانك نفسه ( سقف التانك تحت الكنبه الخلفيه )...و ده اللي بيفصل عنده مسدس البنزين ....يبقي كده انت فولت عند اول تكه . يعني اول فصله للمسدس .

اما احنا بقه بنحب نفول للزور .....ف من النقطه بتاعت الفصل دي ( اللي هيا وش التانك ).. لغايه الزور ... ممكن تاخد من 5 الي 8 لتر ....

بس بشرط ان العامل يصبر و هوه بيفول للزور ....لان الزور ضيق و لو فضل يضخ بالمسدس بدون تكتكه واحده واحده...العربيه حتشرق و البنزين حيخرج بره علطول .

اما لو انت عاوز ال 5 لتر او ال 8 الزياده عن اول تكه فصل ... يبقي لازم العامل يكون صبور و يفولها تكه تكه براحه لغايه ما تلاقي البنزين بقي علي وش الزور بدون ما العربيه تشرق .

اول ما جبت العربيه كنت بفول عند اول تكه فصل .... لقيت نفسي بزور المحطات كتير :-)

دلوقتي بروح وطنيه الصبح بدري في الروقان و اخلي العامل يفولها لغايه الزور بالطريقه اللي بقولكم عليها ... تكه تكه .

[fghahkj]

ايوة ازيد من 50 .. ممكن 55 كمان انا كذا مره افول من كذا بنزينه و تاخد 50 لتر و بتبقى لسه اللمبه منوره بس ده لو حفولها للزور لحد الاخر

كده صح يبقى التانك ممكن ياخد حوالى 55 لتر بس فى حاله انه يكون فاضى تماما

[fghahkj]

اعتقد ال 48 لتر المكتوبين في مانيوال السياره ... ده بيبقي سعه التانك لغايه نقطه معينه و لتكن مثلا وش التانك نفسه ( سقف التانك تحت الكنبه الخلفيه )...و ده اللي بيفصل عنده مسدس البنزين ....يبقي كده انت فولت عند اول تكه . يعني اول فصله للمسدس .

اما احنا بقه بنحب نفول للزور .....ف من النقطه بتاعت الفصل دي ( اللي هيا وش التانك ).. لغايه الزور ... ممكن تاخد من 5 الي 8 لتر ....

بس بشرط ان العامل يصبر و هوه بيفول للزور ....لان الزور ضيق و لو فضل يضخ بالمسدس بدون تكتكه واحده واحده...العربيه حتشرق و البنزين حيخرج بره علطول .

اما لو انت عاوز ال 5 لتر او ال 8 الزياده عن اول تكه فصل ... يبقي لازم العامل يكون صبور و يفولها تكه تكه براحه لغايه ما تلاقي البنزين بقي علي وش الزور بدون ما العربيه تشرق .

اول ما جبت العربيه كنت بفول عند اول تكه فصل .... لقيت نفسي بزور المحطات كتير :-)

دلوقتي بروح وطنيه الصبح بدري في الروقان و اخلي العامل يفولها لغايه الزور بالطريقه اللي بقولكم عليها ... تكه تكه .

+111111

[mero100]

و عشان كده مفيش حساب للاستهلاك بدقه .... لانه بيفرق من عامل محطه للتاني.... في طريقه التفويل ... و هل فول عند اول تكه فصل و لا فول للزور و شرقها و قالك فولت يا بيه .....و لا فول للزور براحه سنه سنه .

المهم انا معرفش بصراحه ... هل غلط التفويل للزور و يجب الاكتفاء باول تكه فصل ؟؟؟ الله اعلم .

[blazer]

هو ممكن التفويل للزور اووى يخلى جزء من البنزين يطير من الكانستر خصوصا لو انت واقف فى الشمس وراكن فى يوم حر