استهلاك بنزين عالى

[islamkhidr]

يا جماعة أنا عند مشكلة كبيرة قوى

أنا غيرت الرشاشات اللى عندى برشاشات BMW

وكانت ماشية كويسة وإستهلاك البنزين كان يعنى كويس

الايام دية بقالها أسبوعين بتاكل بنزين قوى يعنى الصفيحة بكتيرها قوى بتعمل 110 كيلو

أنا مش عارف أعمل إية ؟؟؟؟

[aymanhh]

والله انامش عارف اية حكاية استهلاك البنزين اناعربيتى بتعمل 120 فى الصفيحة وعملت كل حاجة ماعدا تغير الرشاشات وفى ناس اقترحت علية اغيرها لكن انا مش مقتنع لان الرشاشات بعد 2002 مابيحصلهاش حاجة مع العلم ولا تغيب فى التدوير ولا فى دخانة سودة وسحب العربية كويس

[islamkhidr]

والله انامش عارف اية حكاية استهلاك البنزين اناعربيتى بتعمل 120 فى الصفيحة وعملت كل حاجة ماعدا تغير الرشاشات وفى ناس اقترحت علية اغيرها لكن انا مش مقتنع لان الرشاشات بعد 2002 مابيحصلهاش حاجة مع العلم ولا تغيب فى التدوير ولا فى دخانة سودة وسحب العربية كويس

ياااة إستهلاك عالى برضة

أنا بصراحة إحترت قوى مش عارف أعمل إية ؟؟؟

[aymanhh]

عربيتك يا اسلام موديل ...... وعاملة ..... كيلو واية الشغل الي اتعمل فيها
من ساعة ماعرفت انها بتأكل بنزين

[islamkhidr]

عربيتك يا اسلام موديل ...... وعاملة ..... كيلو واية الشغل الي اتعمل فيها
من ساعة ماعرفت انها بتأكل بنزين

عربيتى موديل 2000 أوتوماتيك

عاملة 230 ألف كيلو

اخر حاجة عملتها تغيير زيت الموتور و الفلتر وسير الكاتينة و تربيط العفشة

[aymanhh]

هل زيادة استهلاك البنزين زاد بعد تغير سير الكاتينة

[Strong]

يا جماعة هو كل اللي يقول عندي استهلاك بنزين زايد يعني رشاش أو حساس أكسوجين ؟ أنا شايف إن طالما مشاكل الرشاش مظهرتش زي التأخرفي الدوارة يبقى مفيش داعي لتغييره
أنا كان عندي استهلاك بنزين زايد فكان بسبب إن الفتيس مكنش فيه زيت ، وساعات بيكون بسبب طبيعة الطريق يعني أنا في أماكن معينة الصفيحة بتمشي 200 كيلو داخل المدينة مرتااااح جداااااا وفي أماكن تانية لومشيت 100 كيلو في الصفيحة يبقى كويس علشان بيكون المكان زحمة وباقف كتيييييييييير ده غير إن بتشغيل المكيف الاستهلاك بيزيد كتيييييييييييير

[aymanhh]

كلامك صح بس التفاوت بين 100 و 200 كتير اوى الفرق ممكن فى 30 او 40 تكن كدة فى مشكلة وانا مقتنع ان دة مش عيب رشاشات بس ياريت كل واحد من الاخوة يخش ويقول تجربتة مع موضوع زيادة البنزين عشان كلنا نستفيد

[battikh]

عن نفسي استهلاك البنزين عندي عالي وفيه ريحة بنزين ني من الشكمان جامدة، غيرت موبينة وطقم بوجيهات وسلوك بوجيهات، والمشكلة موجودة رحت كشفت بالسكانر لقيت حساس الأكسجين قرايته ثابتة 250-300 ، غيرته بواحد استيراد قرايته 250-700 لكن ما زالت المشلكة موجودة وريحة البنزين الني موجودة بكثافة وكشفت على الرشاشات بحالة كويسة ، ومش عارف المشكلة منين بالضبط؟
العربية تعمل في الصفيحة حوالي 150

[islamkhidr]

هل زيادة استهلاك البنزين زاد بعد تغير سير الكاتينة

أيوة زاد بعد التغيير

أنا غيرت النهاردة البوجيهات و هجرب وربنا يسهل

[pepo7111]

أنا كمان حصل معايا الموضوع دة بتاع اكل البنزين لما غيرت سير الكاتينة و جميع السيور و الفلاتر و البوجيهات الصفيحة بتعمل من100 الى120 كيلو فى الصفيحة بالعفية مفيش حل للموضوع دة

[pepo7111]

انا مغير رشاشات من 5 شهور

[wildwest100]

ياريت حضرتك تدخل العربية على اسكانر وتكشف عليها برضوا
لا ممكن تكون المشكلة فى حساس الاكسجين

[yusuf_daly]

اسف للمداخلة
انا اضيف بردوا حصل زيادة في معدل استهلاك البنزين بعد تغيير سير الكاتية , مع العلم ان السيارة 2006 وعاملة 55 الف كيلو , الزيوت كلها سليمة ولسة مغير الموبينه و طقم البوجيهات مع طقم صبابات كامل , الصفيحة معايا بتعمل 130 كيلو داخل المدينة ,الاول كانت بتعمل 160 و 190 الى 200 على الطرق السريعة
ياريت لو حد يعرف لنا المشكلة فين

[aymanhh]

ياجماعة اي حد غير سير الكاتينة وزاد معاة استهلاك البنزين وطبعا ضعف اداء دة يعنى من غير تفكير ان الى ركب سير الكاتينة مازبتهوش صح لان غلطة ولو مش مزبوط سنة واحدة عيزيد معاة استهلاك البنزين عشان كدة انا سالت الاخ اسلام انت غيرت سير الكاتبنة
يبقى لازم تروح تكشفوا علية عند واحد ثقة يكون بيفهم يعنى غير الى ركبتة عندة وياريت تقلولنا اية النتيجة