التليين

[Forzamilan]

السلام عليكم
انا لسة عامل طقم شنبر .. و عايز اعرف ايه نظام التليين من الآخر عشان تعددت الأقاويل
١- اول ١٠٠٠ ولا ٥٠٠ كيلو
٢-السرعة و مؤشر الrpm آخري كام
٣-فعلاً مينفعش مطلعات او كباري ؟ ( ممكن اتفادي الكباري عادي بس انا شارع بيتنا مطلعاية )
٤-لازم اغير زيت بعد مرحلة التليين دي ولا تمام باللي انا حاطه ( mobil 5000 )


معلش حاجة تانية
انا لسة مغير طقم بوجيهات و اسلاك طبعاً بعد الشنبر و انا لسة مستلم العربية امبارح يعني و مغير حساس شكمان بس فيه و انا ممور رعشة بسيطة كدة احسها و انا حاطط رجلي علي الفرامل و دي كانت موجودة من قبل كدة بس كنت متعشم لما يبقي البوجيهات تمام و مفيش زيت عليها ولا حاجة تبقي العربية هادية ( مع العلم لو دوست سنة بنزين علي الN الrpm اول مينزل تحت الواحد ترعش سنة كدة ) ده ليه سبب معين ؟ و حطيت العربية علي السكانر قبل ما امشي .. كله تمام
آسف للاطالة

[mhf_77]

عشان تكون مأمن خليك لغاية 1000كيلو وتغير الزيت والفلتر بعدها
وفى خلال الفتره دى بص اطلع بيها السلم او امشى على السقف
اعمل اى حاجه فى الحياه براحتك بس الار بى ام ميرفعش عن 3/3.5

[Ahmed Nasser]

بالنسبة للطقم الشنبر انت حامل خراطة
ولا طقم شنبر بس

بالنسبة للرعشة غالبا من قواعد الموتور

[Forzamilan]

عشان تكون مأمن خليك لغاية 1000كيلو وتغير الزيت والفلتر بعدها
وفى خلال الفتره دى بص اطلع بيها السلم او امشى على السقف
اعمل اى حاجه فى الحياه براحتك بس الار بى ام ميرفعش عن 3/3.5

افهم قصد كلامك ان التليين ما هو غير rpm تحت 3.5 ؟ يعني لو احط ٨٠ ٩٠ و هو 2.5 يبقي تمام ؟
مع العلم العربية اتوماتيك تفرق في حاجة ؟

[Forzamilan]

بالنسبة للطقم الشنبر انت حامل خراطة
ولا طقم شنبر بس

بالنسبة للرعشة غالبا من قواعد الموتور

هو وش السلندر بس اللي اتعمله روديه

[mhf_77]

افهم قصد كلامك ان التليين ما هو غير rpm تحت 3.5 ؟ يعني لو احط ٨٠ ٩٠ و هو 2.5 يبقي تمام ؟
مع العلم العربية اتوماتيك تفرق في حاجة ؟

مش هتفرق مانيوال او اوتو
اهم حاجه متحرقش على الغيار لو مانيوال او تعمل كيك داون لو اوتو
وف كل الاحوال عينك على الار بى ام ميزدش عن 3 وللضروره القصوى 3.5 فى حالة لو الموتور (1600) اما لو سى سى اصغر من كده 1300 مثلا فهيكون الرقم برضه اصغر على 2.5 او 3 الا ربع بالكتير
طول ما الموتور مش متحمل عليه فوق الارقام دى اعمل اللى انت عايزه من تكييف لطلوع كوبرى لأى حاجه طالما مش هيزود عدد اللفات

[Ahmed Nasser]

هو وش السلندر بس اللي اتعمله روديه

وطبعا الشنبر ركب زى ما القديم طلع الخراط ماادخلش فية
لو كدة فا كانت تجريبتى بعد تقفيل العربية كانت شنبر بس وكان استندر بدون اى خراطة
قفلت العربية من هنا وكنت بامرك وباشد بيها من هنا

انا مش باقولك كدة عشان تعمل زى
بس بيكون واضح معاك المكنة عايز تلين اد اية لو ليك خبرة فى المكانيكة

بس على العموم خليك زى ما الاستاذ mhf_77 قالك ماتخليش الار بى ام يعدى 3
لمدة 1000 كيلو وبعد كدة غير زيت وابقى احرق على الغيارات براحتك
اعمل كدة عشان تكون مطمن
وربنا يباركلك فيها

[Forzamilan]

وطبعا الشنبر ركب زى ما القديم طلع الخراط ماادخلش فية
لو كدة فا كانت تجريبتى بعد تقفيل العربية كانت شنبر بس وكان استندر بدون اى خراطة
قفلت العربية من هنا وكنت بامرك وباشد بيها من هنا

انا مش باقولك كدة عشان تعمل زى
بس بيكون واضح معاك المكنة عايز تلين اد اية لو ليك خبرة فى المكانيكة

بس على العموم خليك زى ما الاستاذ mhf_77 قالك ماتخليش الار بى ام يعدى 3
لمدة 1000 كيلو وبعد كدة غير زيت وابقى احرق على الغيارات براحتك
اعمل كدة عشان تكون مطمن
وربنا يباركلك فيها

طب معلش من ناحية الشنبر ذات نفسه بقي المفروض احس بيه في ان الزيت مش بينقص و البوجيهات مش بتعرق زيت و مفيش دخانة بس ؟ ولا المفروض في دوسة البنزين مثلاً او كدة ؟ عشان هو ال rpm عندي حاسه بيعلي بسرعة شوية ولا ده شغل كهربة مثلاً ؟ ( انا حاطت بطارية ٧٠ امبير بدل ال٥٠ .. الموضوع ده شكيت فيه يكون ليه علاقة بس علي معلوماتي المفروض ملهوش دعوة صح ؟

[Ahmed Nasser]

اعمل كبس للموتور وانت هتعرف الشمبر كام فى %
اما سرعة دوران الار بى ام غالبا رشاشات وهو الاستهلاك عندك عامل اية

[Forzamilan]

اعمل كبس للموتور وانت هتعرف الشمبر كام فى %
اما سرعة دوران الار بى ام غالبا رشاشات وهو الاستهلاك عندك عامل اية

بص الستهلاك مش بطال بس مقدرش احكملك عليه اوي عشان كل مشاويري جوة البلد و قصيرة الي حد ما .. بس الرشاشات تمام و قصدت و انا بستلمها اتاكد قالي لا تمام

اعمل كبس موتور فين و بكام ..

[Ahmed Nasser]

هتمل كبس فى اى محطة وبيكون تكلفة فى حدود 100 ج وممكن يكون ازيد فى الايام دى

[Forzamilan]

اعمل كبس للموتور وانت هتعرف الشمبر كام فى %
اما سرعة دوران الار بى ام غالبا رشاشات وهو الاستهلاك عندك عامل اية

العربية موديل ٢٠٠٠ بعد الشنبر ده المفروض يبقي الكبس كام في ال ٪ يبقي كويس

[Ahmed Nasser]

حاجة وتسعين %