الحمد لله __ اتسرقت ، وتحذير للزملاء

[m_medo]

شكرا على النصيحة.... والحمد لله انها جت على قد كدة... والله العربية فى الزمن ده بقت هم كبير

[haitham23]

الحمد لله، قدر الله و ماشاء فعل.

[Sherif Khalifa]

قدر الله و ماشاء فعل

حصل معايا نفس الموقف بالظبط

و اتكسرت جوا المطار فى الاسكندرية

المهم المشكلة الى قابلتنى و ياريت حضرتك تاخد بالك منها خصوصا ان معاك اطفال
ان الزجاج الجانبى معلهوش طبقات بلاستك زى الامامى
يعنى الكسر حولة لبدرة منتشرة فى كل ركن من اركان العربية و لسة بنضف فيها لحد دلوقتى و بكتشف كل شوية انى متعور حاجات خفيفة من اى حتة منطورة جوا العربية
يا ريت تروح اى مكان تنظيف عربيات و تفك الكراسى و تنضق الموكت كويس جدا و الفواصل الى بين قاعد الكنبة و الضهر

[casper9114]

بسيطة الحمد للة , انا مرة نزلت لقيت الازاز الامامى يمين مكسور و خد الفكة الى فى الكنسول 5.25 جنية حاجة كدة و رحت جبت الازاز ب 180 جنية بقيت بضرب كف على كف بس لازم نحمد ربنا

[mhkorayem]

الزجاج جديد في حدود من 120 الي 130 جم
وفي نوعين امان و دكتور جريش
اهم حاجة في معامل شفافيه يجب ملاحظته علشان بيختلف من عربية للاخري هتلاقي سهم مكتوب تحته رقم في البدج الي علي الزجاج الامامي الرقم ده من 1 الي 10 شوفه كام وهات الجديد زيه علشان متلاقيش فرق في لون الزجاج الجديد عن باقي زجاج السيارة

شكرا يا باشا على معلومه معامل الشفافية دي
بصراحه انا اول مره اسمع عنها
بخصوص الزجاج كنت قريت الناس بتشكر في نوع امان ده وبيقولوا ان دزجريش مبقاش زب الاول وأن أمان أفضل منه حالياً والله أعلم

[Mostafa.Ismail]

الحمد لله امبارح حوالى الساعة 10 مساء امام التوحيد والنور بالحرفيين كنت راكن العربية وحاطط شنطة البيبى الى فيها الهدوم والبامبرز والادوية ومستلزمات الطفل الشنطة القماش دى
وكمان كان فيها ( كيس المدام ) يعنى بطاقة وكارنيهات ومفاتيح وموبايل وفلوس والحمد لله الحرامى الله يجحمة وربنا يورينا فية عجائب قدرتة كسر زجاج الباب الخلفى شمال الى ورا كرسى السائق واخد الشنطة الحمد لله على قد كدة
ومن هنا احذر جميع الزملاء بعدم ترك اى شىء فى العربية حتى لو كان ملهوش قيمة عشان ممكن تتعرض لكسر الزجاج بردة على اعتبار ان الحرامى الله يحرقة ممكن يظن ان الشنطة دى فيها اى شىء قيم او فلوى او اى حاجة تانية فياريت محدش يسيب اى حاجة خالص ولو حتى جراب نضارة ولو معاه اى حاجة على الاقل يحطها فى شنطة العربية وربنا يسترها علينا جميعا
المهم اجيب الزجاج دة جديد ولا استيراد ومنين وبكام والسلام عليكم

لو هتحط حاجة فى شنطة العربية كمان حطها فبل متوصل المكان اللى انت رايحلة او قبل المكان اللى هتركن فية ادام الناس.

[CaptaiN-AhmeD]

jتصدق بالله ياباشا ؟؟؟؟

انا كنت حاطط علبة سجاير مارلبورو جنب الفيتيس ودخلت اجيب حاجه من محل اكل ف اليكس طلعت لقيت ازاز اليمين جنب السواق مكسور ومتدشدش عشان علبة السجاير ياخدها وخد نضاره واحد صحبي كانت كوبي كمان ملهاش لزمه!!!! خسرني حوالي 100 جنيه عشان ياخد حاجات قيمتها متعديش 30 جنيه
والله ربنا يعوض عليك وبالنسبه للازاز لو قريب م العاشر دكتور جريش
وفيه الثلاثي الي في مسطرد (نزلة المطريه )

[emad_2020]

الحمد لله ربنا ستر
فعلا مفيش حد يسيب حاجة فى العربية حتى لو هتروح عن العربية ثوانى بردو لا