مشكلة فى فتيس اللانوس ؟.........

[sokasoon]

الموضع ان امبارح خرجت روحت مشوار وانا بطلع بجيب المارش علشان ارجع رجع عادى جدااا

ومشيت جيت وانا راجع وجيت اركن جيت اجيب المارش وفجأه صوت تزيق جامد ايه السبب الله اعلم

الصوت مش بيحصل غير لما اروح مشوار والف بالعربية وارجع واجيب مرش يعمل صوت

لاكن لو نازل الصبح عادى مابيعملش صوت خالص

سألت واحد صاحبى بيقولى ممكن يكون بيعمل كده لما العربية تسخن ماقتنعتش لان ده مش مبرر

مع العلم ان انا كنت لما اجيب مرش كان صوت النقل بيكون مسموع المرش فقط بره العربية مش صوت تزيق

ياريت تفيدونى فى الموضوع ده اعمل ايه

[mina_ramsis]

اللانوس القديمة كان فيها المشكله ديه برده و كل ما اروح اقول للتوكيل عليها يقولولى انت اللى مابدوس على الديبرياج كويس بس طبعا انا كنت بضغط على الديبرياج على الاخر

[Ahmed Hassan]

في الغالب الدبرياج عايز يعلى شويه

[sokasoon]

اولا اشكركم على ردودكم المفيدة

ثانيا طيب اعلى الدبرياج فى التوكيل ولا عند ميكانيكى وخلاص

انا افضل التوكيل ولاكن لو هيه بسيطة وممكن تتعمل عند الميكانيكى يبقا احسن بدل اللف واخد دوور

انتو ايه رأيكوو اعمل ايه

[M_ashraf]

بسيطه عند اي ميكانيكي

[Santino]

المشكلة دي كانت حصلت معايا بالظبط , و سألت المهندس في التوكيل و قالي لمّا بتمشي بالعربية شوية , ديسك الدبرياج بيسخن و مش بيفصل كويس , يعني مجموعة الدبرياج عايزه تتغير , بس أنا خليتهم يعلوا الدبرياج شوية (علي أساس إن الإسطوانة حالتها كوبسة أوي و مفيش تفويت ) - حل مؤقت - و إنتهت المشكلة تماماً الحمد لله :D

يعني من الآخر هي فعلاً مشكلة دبرياج ( غالباً الديسك ) , و علّي الدبرياج شوية ( لو الإسطوانة كويسه ) و إن شاء الله ح تختفي المشكلة دي .

حاجة تانية , إبقي إتأكد من مستوي زيت الفتيس و لو محتاج يتغير غيره ( علشان الزيت لو ناقص بيضايق الفتيس ) .

حاجة كمان - هي تافهة بس ساعات بتفرق - ماتخليش الدواسة اللي في أرضية العربية تبقي تحت دواسة الدبرياج علشان لمّا تدوس دبرياج تبقي دايس علي الآخر .

[Ahmed Hassan]

ممكن تعلي الدبرياج عند اي ميكانيكي... و قوللو يعليه حاجه بسيطه علشان يفضل قريب من الدرجه اللي انته اتعودت عليها.

[sokasoon]

شكرااا جدااا على المساعدة

وان شاء الله هروح للميكانيكى اخليه يعلى الدبرياج

وهشوف النتيجة