فتيس نوبيرا اوتوماتيك و مشاكله

[broadband]

انا من ملاك النوبيرا 2 اوتوماتيك و كنت بحافظ على الفتيس بكل الحتياطات الممكنة و فجاة العربية سخنت و انا كنت رايح العاشر طريق مصر اسماعلية الصحراوى
و توقفت و ذودت المياه اللى بتنقص و اكتشفت انه الردياتير بيسرب من الجانب الايسر ناحية العمه
و ثانى يوم روحت للراجل بتاع الردياتيرات و قعدنى معاه بتاع 4 ساعات (اسم على مسمى ) و غييرنا الردياتير
و لما روحت قلت اكشف على زيت الفتيس بما اننا غييرنا الرادياتير و فكينا الماسورتين بتوع القتيس
و هنا كانت المفاجئة
لقيت الزيت خفيف زى المياه و لونه بنى غير شفاف
دماغى مانامتش و روحتله تانى و قالى مافيش مشكلة ابقى غيير الزيت و خلاص
تالت يوم روحت اشتريت فلتر فتيس جديد و روحت على الميكانيكى و قاللى حتستنى معايا شوية و فضلت مستنى بتاع 3 ساعات لحد ما تبرد .
و بعدين فك الكارتيرة و ابتدى يفك البادى فالف و خلعه من جسم الفتيس و سألته ليه قاللى علشان الفلتر جوا العقل(البادى فالف) ده
- و بعدين قفل تما م و حط الزيت و دورت و قلت اجرب و انا مروح و لقيت الان العربية مش بتجيب غير الجير الاول فقط .
- كلمته قاللى الكورى كله كده بياخد وقت علشان الزيت يمشى فى الفتيس كله و يشتغل عادى
طبعا انا ماقتنعتش و حسيت انى داخل على تغيير فتيس
كل ده علشان قلت اغيير الزيت و المصفاه
روحتله تانى يوم راح بعتنى لبتاع الفتيس و طبعا بعد مباحثات علشان يشوف ايه المشكلة و قاللى لازم العربية تبرد تماما علشان يفك الفتيس و يجرب بادى فالف من عنده
و فعلا ركب واحد(بادى فالف) من عنده وغييرنا كابل الكيك داون و رجعنا الزيت بعد ما صفاه بمصفتين علشان التكلفة لانه محطوط بقاله 12 ساعه بس
و قفل الفتيس مع الاهتمام بنظافة كل جزء و ايده كمان و دورنا و و جرب العربية و هى مرفوعه جابت كل الغيارات و و غرمنى 600 جنية
الحمد لله دلوقتى هى ماشية معقول بس محتاجة ضبط الواير بتاع الكيك داون علشان الغيارات مش مظبوطة
و تحذير لاى حد عنده فتيس اوتوماتيك مش بس نوبيرا يروح لبتاع فتيسات لما ييجى يغيير الزيت او المصفاه
لان للاسف الميكانيكية هنا فى مصر هما اللى عملوا سمعه سيئة للنوبيرا مع انها لو لتعاملوا معاها كما قال الكتاب مش حتبوظ و لا الفتيس حايعلق و لكن العامل البشرى هو اللى فيه مشكلة .
و اكرر ان مشكلة النوبيرا هى عدم وجود فنيين فاهمين مشاكلها و طريقة حلها زى كل حاجة هنا و محدش بيقرا و لا بيتعلم كله معتمد على الخبرات المكتسبة من العربيات القديمة و ده بالطبع ماينفعش مع الجديد
مش عارف حايعملوا ايه لما العربيات الكهربا تدخل مصر .. اكيد حيسوؤا سمعتها من الاخر و اول مرة حتروح تتصلح مش حاتشتغل تانى

[HAMADA_PEGO]

انا بغير زيت الفتيس فى البنزينة دا صح ولا غلط

[kagawa]

زيت الفتيس الاوتوماتيك ما يتغيرش يتزود بس
للاسف ما حدش راضي يقتنع بالمعلومه دي

..

..

[Ahmed Nasser]

زيت الفتيس الاوتوماتيك ما يتغيرش يتزود بس
للاسف ما حدش راضي يقتنع بالمعلومه دي

..

..

الكتالوج نفسة بيقول
تغير زيت الفتيس الاوتو كل 40000 ك
ازى بقى انة بينزود بس

[mhopa2440]

كلامك مظبوط مية مية وانا معاك
السمعة السئية المسئول عنها الميكانيكية فقط لاغير

ومجرد ميدخل الميكانيكي اللي مش فاهم يقول العربية مش نافعة خالص

ربنا يوفقك ف الفتيس

اما بالنسبة للاخ اللي بيقول ان زيت الفتيس بيتزود ياريت يكتب مصدر معلوماته بلاش نفتي من عندنا اكتب حضرتك مصدر معلوماتك بس ف سؤال مهم لو تقدر تجاوب عليه (الزيت اللي بينقص دا بيروح فين حضرتك بم انك هتزود الزيت يبقى لازم ينقص والنقص هيروح فين هيتبخر ولا هيتسرب ولا هيختفي يعني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بجد هنتظر ردك)
على فكرة لما زيت العربية تزوده معنا ان الموتور بيحرق الزيت ودا معناه ان الموتور خفيف والشنبر باظ