النوبيرا بتغيب فى الدوارة صباحا

[Ahmed Nasser]

بسم الله الرحمن الرحيم
السلام عليكم ورحمة الله وبركاته

مع صاحبى عربية دايو نوبيرا 2 موديل 1999 1500 سى سى فتيس اوتو كهرباء وبوابة كهرباء
العربية موجودة عندنا بقالها حوالى سنة ونصف وتم عمل الصيانة الازمة ليها

دلوقتى العربية لما تقف يوم واحد وتيجى تدور الصبح بتغيب جداااا فى الدوارة (بدور من رابع مرة)
اما لما بتقف يومين تلاتة بدور من اول مرة

حد عندة تفسير
والسلام ختام

[midooo_119]

تاخير الدوارة رشاشات وده حلها
اخيرا غيرت الرشاشات ب m40

[aliyosef]

الراجل بيقول الصبح بس بعد يوم مش على طول

[a_arazik]

ممكن يكون رشاشات

[Ahmed Nasser]

على فكرة استهلاك البنزين ممتاز بالرغم انها اتو بس استهلاكها احسن من عربيتى المنوال
والبوجية بيكون طالع زى ماركب ماعلهوش اى اثار سواد او كربون

[broadband]

1- التأكد من ان الكاتينة مظبوطة
2- التأكد من فلتر الهواء + البنزين (نوعيه جيده)
3-ىالبوجيهات
4-تنظيف البوابة و الحساسات بمنظف الانجيكشن
5- تغيير الرشاشات (انا غييرت الى bmw ) بس ممكن تركب هيونداى او حاجات تانية
و تحت امرك

[Ahmed Nasser]

هحاول اغير الرشاشات بس مش عايز اغيرها على الفاضى لان استهلاك بنزيمها ممتاز

[Ahmed Nasser]

الف شكر ليكم اعضاء المنتدى الكرام
العيب الحمدلله طلع من طرومبة البنزين
بعد مالطرمبة تقف السيكس بلف بيهرب البنزين وبينزل كل البنزين اللى فى المواسير ومسطرة الشاشات
وغير كدة الطرومبة ضعيفة خالص وبتاخد وقت على ما تودى بنزين للمسطرة

تم معرفة العيب بتبديل طرمبة البنزين بتاعتى والعربية ادائها ممتاز جدااا
وبدور من اول مرة
انشاء الله هنغير لها طرومبة بنزين
والف شكر مرة تانية