عملت حادثه خفيفه قدر الله وماشاء فعل

[islamnasser10]

امبارح طريق البحر كان واقف فجأة لقيت في المرايا عربية طايرة من ورا شكله كان سرحان وفرمل علي اخر لحظة ودخل فيا من ورا دخلني في اللي قدامي
قولت هنزل الاقي الشنطة والكبوت راحوا واعصابي باظت
نزلت لقيت الحمد لله الحمد الحمد لله الاكصدامين شالوا الحادثه كلها لان العربيتين اللي ورا واللي قدام اكصدامات فايبر زي حلاتي
والكبوت الفروقات بتاعته مبقتش مظبوطة زي الاول لما تمشي صباعك علي الفروقات تحس انها مبقتش متساوية حتة واسعه وحتة ضيقه
الاكصدام اللي ورا قالولي يترد علي البارد بسيطة
واللي قدام النمر عايزة تتعدل وعايز كلبسات علشان طلع من مكانه والكلبسات اللي ماسكاه اتكسرت
ممكن اعرف الكلبسات دي اجيبها منين ومين يركبها وبكام
والاكصدام سهل يتعدل الفروقات بتاعته ولا ايه

[محمد الشامي]

الاكصدام اللي ورا قالولي يترد علي البارد بسيطة

يعني ايه اكصدام (فايبر) يترد على البارد ؟؟ ولا تقصد الشاسيه الحديد بتاع الاكصدام ؟
لو الشاسيه الحديد فـ مفيش مشكله لو اترد على البارد او غيره لانه كده كده متغطي

واللي قدام النمر عايزة تتعدل وعايز كلبسات علشان طلع من مكانه والكلبسات اللي ماسكاه اتكسرت
ممكن اعرف الكلبسات دي اجيبها منين ومين يركبها وبكام
والاكصدام سهل يتعدل الفروقات بتاعته ولا ايه

الاجزاء اللي بتمسك قشره الاكصدام في الشاسيه الحديد بتاعه لما بتتكسر للاسف ملهاش حل غير انك تلحمها فايبر ومع اول خبطه الاكصدام بيسقط من مكانه ولا كانك عملت حاجه , والتكلفه 50 جنيه تقريبا

انا حصل معايا نفس الحوار وجبت قشره استيراد كانت وقتها في حدود 400 جنيه , وسمعت انها المفروض ارخص من كده :)

[a_arazik]

الحمد لله علي كل حال

[islamnasser10]

ألف حمد وألف شكر