تحذير من البلي الالماني (الخلفي) للانوس

[tarek_2005]

اعتقد مش شرط ان طقم بلي طلع وحش اننا نحكم علي الماركة كلها انها وحشة

[lanos2004]

هوة ايه البلى الى بيبوظ دة دة انا عمرى مغيرت بلى عجل
يكون بايظ وانا معرفش

[محمد الشامي]

البلي لو بايظ بتلاقي صوته خشن وانت ماشي على سرعه ما بعد 60 كم

ويمكن الكشف على البلي عن طريق انك ترفع كل عجله وتجرب تلفها بإيدك بأقصى سرعه تقدر عليها
وبعد كده قرب من العجله على اد ما تقدر بودنك , او حط ودنك على الرفرف فوق العجله
لو سمعت صوت هادي والعجل بيلف بنعومه الى حد ما يبقا بإذن الله مفيش عندك مشكله في البليه دي
لو سمعت صوت خشونه او زنه او ونه او اي اصوات تعكنن يبقا كده البليه وحشه
وكرر نفس العمليه مع باقي العجل عشان تعرف حاله البلي كله

وفي كشف افضل وادق
وهو تكرار نفس الخطوات السابقه بس بدل ما تلف العجله بإيدك تلفها بالموتوسيكل بتاع الترصيص
لان في الحاله دي بيكون الكشف على سرعه عاليه وخشونه البلي تبان اكتر

وفي كشف كمان وهو انك لما تكون ماشي بالعربيه على سرعه (وليكن 100 كم) افصل الغيار واطفى المكنه (بس خلي بالك الدريسكيون يقفل) وشوف صوت العربيه وهي ماشيه عامل ايه , ولو في خشونه او اصوات اكيد هاتحس بيها ويبقا في عندك بليه او اكتر خشنه , ولتحديد البليه البايظه هاتتبع احد الخطوات الطرق السابقه

[tarek_2005]

وطريقة اخري

ارفع العجلة وضع يدك علي العجلة من اعلي واليد الاخري علي العجلة من اسفل وحاول تهز العجلة للداخل والخارج لو اهتزت البلي تالف لو لا يبقي البلي تمام

[lanos2004]

وطريقة اخري

ارفع العجلة وضع يدك علي العجلة من اعلي واليد الاخري علي العجلة من اسفل وحاول تهز العجلة للداخل والخارج لو اهتزت البلي تالف لو لا يبقي البلي تمام

العجل عندي ماسك نفسه الحمد لله
هوه ممكن علشان انا مبركش في عربيتي حد علشان كده البلي سليم

[محمد الشامي]

بلي العجل مالهوش علاقه بالأوزان او عدد الركاب اللي جوا العربيه
هو ليه علاقه المسافات المقطوعه ومعدل استهلاك البليه , يعني زيها زي اي قطعه غيار في العربيه بيكون ليها عمر افتراضي بيتحدد بناءا على الاستخدام والمسافه المقطوعه

ومش معنى كلامي ان البليه بتتغير كل عدد محدد من الكيلومترات :) لان موضوع البلي ده تحديداً حظوظ
انا كنت مركب بليتين فايكو من سنتين وغيرتهم يوم الجمعه اللي فاتت , واحده منهم كانت سليمه وناعمه جدا والتانيه اتفرطت في ايد الراجل وهو بيطلعها من مكانها بأطراف اصابعه

[lanos2004]

بلي العجل مالهوش علاقه بالأوزان او عدد الركاب اللي جوا العربيه
هو ليه علاقه المسافات المقطوعه ومعدل استهلاك البليه , يعني زيها زي اي قطعه غيار في العربيه بيكون ليها عمر افتراضي بيتحدد بناءا على الاستخدام والمسافه المقطوعه

ومش معنى كلامي ان البليه بتتغير كل عدد محدد من الكيلومترات :) لان موضوع البلي ده تحديداً حظوظ
انا كنت مركب بليتين فايكو من سنتين وغيرتهم يوم الجمعه اللي فاتت , واحده منهم كانت سليمه وناعمه جدا والتانيه اتفرطت في ايد الراجل وهو بيطلعها من مكانها بأطراف اصابعه

فوق 500 الف كل الى اتغير الجنبين الى ورا تقريبا عربيتى مبروكه

[محمد الشامي]

ربنا يباركلك فيها :)

[tarek_2005]

الاجناب الخلفية بتاعة الاوبل نادراً لما بيتغير البلي بتاعها علشان الصرة مقفولة ومبيدخلهاش تراب ولما بتفك الطنبورة مبتحتجش تفك الصرة زي جنبين اللاتنوس الي لازم علشان تفك الطنبورة تتطلع البلي ويتعرض طبعاً للتراب وخلافه ودا الي بيقصر عمره