جوان باب النوبيرا .....منين بيتجتب و بكام؟؟

[broadband]

عايز اغيير جوانات الابواب لان التراب بيخل جوه العربية و بيبهدل التابلوه و فتحات التكييف و العربية كل يوم لازم تتنضف لان الشارع اللى ساكن فيه بيحفروا و بيكسروا طول الليل و النهار

فياريت لو حد عمل القصة دى يقوللى منين و بكام ؟
و شكرااااا

[محمد الشامي]

تقصد الكاوتش بتاع الابواب
هتلاقيه موجود في التوفيقيه وعند بتوع قطع الغيار زي المنير اللي في فيصل مثلا
وكنت سألت سروجي قريب على سعر كاوتش الابواب للانوس قاللي في حدود 150 جم للاربع ابواب , وبصراحه انا مش مقتنع بكلامه :)

[blazer]

طب ما تشترى غطا وتغطيها افضل

[mhopa2440]

طب ما تشترى غطا وتغطيها افضل

ياريت كان ينفع

انا عندي نفس المشكلة وبغطي العربية اول ما انزل منها

الغطاء ملوش اي لازمة لان وانا ماشي التراب بيدخل العربية والروائح بسبب فروق الكاتوش وكما بيعمل فرق كبير ف كفاءة التكييف

الكاوتش المهري دا شئ غبي ولازم يتغير بس انا سمعت ان طقم العربية كلها كاوتش ابواب وداير الابواب ف جسم العربية هيعدي 500 جنية عشان كدا كبرت دماغي لو حد يعرف السعر كام بالظبط يقول

[a_arazik]

متابع

[هيثم الشرقاوى]

يا باشا انا كنت سالت فى الحرفيين عند واحد بتاع استيراد عن الداير بتاع الابواب الى فى جسم العربية مش اللى فى جسم الباب وقالى 75 جنية للداير الواحد ودة من غير اى فصال ومن غير ما الف عند كذا واحد يعنى ممكن تجيبة باقل من كدة بس الداير بتاع الباب نفسة مسالتش علية بس اعتقد انة هيبقى ارخص من الداير الى فى جسم العربية عشان الى فى جسم العربية بيبقى معدن ومغطى بطبقة كاوتش والى على الباب كاوتش طرى فقط وللعلم انا كنت عملت حادثة وغيرت 3 ابواب امامى يمين وخلفى نوبيرا 2 لو عاوز الكاوتش بتاعهم انا تحت امرك قولى مكانك فين واجيبهمللك لحد عندك