مياه فى الدواسة ال جانب السواق

[mo7eb elrasol]

السلام عليكم ورحمة الله وبركاته
مرتين او تلاتة الاقى فى مياه نازلة فى الدواسة بتاعة الكرسى ال جانب السواق.
ده ممكن يكون من ايه؟
وجزاكم الله خيرا

[tarek_2005]

سربنتينة التكيف الساخن ولابد ان يستتبعها نقص في مياه القربة

[mo7eb elrasol]

سربنتينة التكيف الساخن ولابد ان يستتبعها نقص في مياه القربة

بالفعل مياه القربة بتقل
هل المشكلة دى برضه تحصل مع انى مش بشغل التكييف ع الساخن نهائيا؟
ايه الحل؟
وشكرا

[tarek_2005]

دي السربنتينة اتخرمت والافضل الغائها لانها مكلفة اوي في تغيرها وسواء مشغل التكيف الساخن ام لا فهتسرب مياه

[mo7eb elrasol]

دي السربنتينة اتخرمت والافضل الغائها لانها مكلفة اوي في تغيرها وسواء مشغل التكيف الساخن ام لا فهتسرب مياه

تمام
جزاك الله خيرا

[mo7eb elrasol]

هل الغائها يتطلب فك التابلوه
وهل لو طنشت شوية لضيق الوقت فى خطورة من ناحية البارومة او كده؟

[a_arazik]

سربنتية السخن عاوزة تتلغي عشان بتسرب زي ما اخونا طارق قال لان تكلفة تغيرها عالية جدااا

[ozy2026]

هل الغائها يتطلب فك التابلوه
وهل لو طنشت شوية لضيق الوقت فى خطورة من ناحية البارومة او كده؟

لأ ياباشا مش هتحتاج تفك التابلوه
خرطوم المياه اللى داخل عليها من الحوض هيتفك ويتحط فيه طبه و تسد الماسوره اللى مدخله على جوه علشان متدخلش تراب ولا سخونيه ولا ريحه
بس انا كان عندى اضافه كده
ممكن برضه تكون المياه بسبب التكييف انا كان عندى الماسوره اللى بتنزل منها مياه التكييف من تحت العربيه مسدوده فكانت المياه بتنزل فى الدواسه

[mohamed_selim]

ممكن يكون فايظ التكييف (اللى بيطلع منه الميه الناتجه عن التكثيف و المكيف شغال) ممكن يكون مسدود فبدل ما الميه دى تنقط بره بتنزل جوه العربيه

[engwael]

الحق الغيها ومتعملش زي انا اتاخرت عليها فضيت القربة خالص بس الحمد لله اخدت بالي ولحقتها متمشيش بيها كده خالص وعلي فكرة الموضوع بسيط هو كوبري بيركب بين الماسورتين الداخلة والخارجة وهم في حوض العربية مش ورا الطابلوه

[tarek_2005]

الاخوة قاموا بالواجب ومفيش حاجة تانية تتقال عدا
انا سئلتك يستتبعها نقص مياه القربة فقلت نعم ولذا استبعدت فايظ التكيف خالص

[mo7eb elrasol]

جزاكم الله خيرا جميعا
هوه فعلا الميه بتنقص وها ابص تحت العربية اشوف فى حاجة تانية بتسرب ميه ولا لا؟ اذا كان مفيش يبقى ها الغى سربنتينة الساخن زى ماحضراتكو قلتو
والف شكر للجميع