تغيير المحرك لزيادة الأحصنه !!!!!!!!!!!

[Ahmed Seif]

السلام عليكم ورحمة الله جبت عربيه دايو جوليت موديل 2004 وعاوز أركبلها موتور غير الموتور الاصلى لأنى محتاج قوة أشد وأحصنه زياده وأداء أفضل ومحتار بين مواتير الماركات ديه مثل ( بيجو 405 1600-جولف 1600-اوبل فكتر 1600أى موديل- سكودا اوكتافيا 1600 أى موديل- متسوبيشى 1600-هوندا1600 سيفيك-تويوتا 1600) هل ينفع أساسا أغيرالموتور ولغاية كام سى سى1600-1800-2000 ؟ وهل ينفع أركبلها كوتش عرض 195 أو 205 على جنوط إسبور ؟ إقترحوا عليا أعمل أية...شكرا ليكم جميعا وجزاكم الله كل خير.

[Karim_Monir]

ازاي المواتير اللي انت بتقولها دي كلها
انت نسيت حجم الموتور وحوض العربية والالات الجر وقواعد الموتور
وبعدين في 100 طريقة لزيادة الاحصنة غير اللي انت بتقولوة ده من غير ما تبوظ العربية
لانك كدة هاتخش في قصص وهمية
في تربو وفي تكبير بساتم وفيه وفيه ففية
واخرهم النيتروز
لكن تسقيط واتير غير ماركة العربية دي
معتقدش
علي فكرة ف مواتير نوبيرا 2000 سي سي

[ahmed1981]

ما ينفعش تسقط ماتور غير نوع العربية حتى لو نفع بالفهلوة هيبهدل العربية

[NaderNabil]

for the Juliet, as Karim said, nubira 2000 engine, bas it will be very costy and very hard to do, as the lanos Engine bay is small comapred to the 2000cc, u can install the nubira's 1600, and u'll find it easily in Egypt, and it wont require much modification.
we fih alternative tani lanos 1600, it is not available in egypt too much, u'll need to search for it in diffrent place, but it is better than the nubiras one because it doesnt require any modification, it is a straight swap.
but the nubira one is okk bardo

i dont recommend turboing ur engine, i dont think it will be that efficient especially here in Egypt, u'll face a lot of problems, unless u re ready to spend some silly amount of money on an offcial turbo kit from abroad
(raya7 dema3'ak w balash turbo)

another car engines is totally nonsense , it is applicable outside Egypt, where cars do not have the high value like we have here in Egypt, as well as their laws doesn't prevent one from installing a diffrent car engine in it.
but in Egypt ur restricted by the car brand u have, fiat yb2a fiat, daewoo yb2a deawoo

u can install rims in ur car,, i think 195/15 will be great especially on the juliet it really looks cool
Finally hope u know what u want to do with ur car and make a plan keda law nawi begad
there are people who will benfit u more than i do
Take care man

[Ahmed Seif]

شكرا للأستاذ كريم منير والأستاذ أحمد والأستاذ نادر نبيل على الردود السريعه والمفيده

ولو حد عنده رأى تانى يتفضل جزاكم الله كل خير جميعا

[hazem_khidr]

رايي من راي الباشمهندس كريم بس متهيالي ان موتور الاوبل فيكتر يركب عندك علشان الموتور اللي عندك اصلا اوبل و كان نازل في عربيات اوبل قديمه و الالمان عموما بيعمولو مواتير بتركب لمعم عربياتهم ف شوف قواعد الموتور و مقاس موتورك لو يمشبي مع الموتور الفيكتر يبقي ممكن بس تكلفه جامده خلي بالك و احتما يكون حمل علي الشاسيه كمان علشان العمليه مش عمليه قوه زياده و خلاص لازم تعمل حساب العفشه و الشاسيه و الفرامل .
يعني لو حتركب موتور اكبر بالتاكيد ان فرامل العربيه دي متصممه لقوه معينه لما تكبرها يبقي لازم تكبر اقراص الفرامل و تعمل تقويه في الشاسيهات و تجيب مساعدين اقوي من اللي في العربيه و يايات اقووي علشان تستحمل الحمل دا كله .حاجات كتير و حدخل نفسك فعلا في افلام انت في غني عنها الاحسن تروح تجيب جولف او اي عربيه من اللي بتنزل من مصنعها اصلا بمواتير كبير التعديل فيها بيبقي اسهل

[Karim_Monir]

شوف ياحمد
لو عايز تركب بجد
انت لو عربيتك سليمة تبيعها زي ماهيا تجيبلك تمن كويس
وتزود نفس تمن التسقيط وتجيبلك هوندا سيفيك من 92 وانت طالع موتور 138 حصان SIR
عربي بقي تسارعها غريب والجري بيها حاجة تانية وتمنها من 55 ل 60
دي بقي اللي تسقط مواتير وتركبلها تربو او تعملها اي افتكسات
مش جولييت

[أبو_حمزة]

عربية 2004 و تغير لها الموتور .... حرام
لو مش مريحاك بيعها و هات حاجة تانية تسارعها أكبر
و خصوصا انك ها تصرف كتير قوى عشان تعمل اللى انت عايزه صح
بس حرام عربية جديدة تعمل فيها تجارب و ممكن تتبهدل منك

[memoo_1st]

فعلا انا مع رأي الاستاذ كريم حضرتك تبيعها و تجيب سيفيك من 92 وتركبلها تيربو وهتلاقيها معاك طياره

[Abdallah]

فى للانوس موتور 1600 بقوة 106 حصان على ما اذكر وممكن يتعمله بعض تعديلات ويوصل لحد 180 حصان بس هيكلفك كتير لانك هتركب تيربو وهتغير هدرز وحاجات كتير اوى .
بالنسبة لموضوع الكاوتش هيا ممكن يركب عليها جنوط 15 وكاوتش 195/50 ودة فى نظرى اقصى حاجة ليها لانى مركب كاوتش 185/60 ولما بتكون العربية محملة بتحف حفة بسيطة فى المطبات الهوائية.

[MMamdouh]

انا اول مرة اشوف الموضوع دة... اعتقد ان مكانة الصح كان يبقى ف التعديلات او الدايو بس مش مشكلة

اولا ينفع تغير موتور عربيتك و تركب موتور دايو 1600 بيعمل 106 حصان بدوت اى تعديلات فى الحوض... الموتور بالكنترول بالفتيس و الضفيرة ب 3500 جنية

ممكن تركب موتور الليجانزا ال2000 بيعمل 132 حصان بس حتعدل فى مكان تركيب قاعدة الموتور الامامية.. مش عارف الموتور يعمل كام دلوقتى بس احنا بنتكلم فى 5000 جنية او اقل لو دخلت موتورك فى الموتور اللى حتشترية

ممكن تركب جنوط 15 و كاوتش 15/50/195 لعربيتك... و عندى طقم للبيع حالتة ممتازة لو عايز

اوعى تجيب هوندا و تفكر تركبلها موتور... حاجات الهوندا ناااااااااااااار... الموتور الVTEC ال1800 ب 15000 ولا حاجة كدة... بالتمن دة تسقط 5 مواتير فى الجوليت بتاعتك

فى كمان طقم سوست سبور ماركة Merwed ب950 جنية و فى كمان تعديل للفرامل لزيادة اداء الفرامل

على فكرة مش كل مواتير الاوبل تركب... انا بصيت على موتور الفيكترا و الكورسا لقيت اختلاف فى القواعد

MMamdouh

[محمد ابراهيم 1]

سيب العربيه على وضعها أحسن ما دام موتورها سليم علشان قيمتها متنزلش ولو مصمم هات موتور دايو 1600 زى اللى بينزل فى سيارات الدايو الاستيراد بتاعه الاخوه المعاقين واعمل حسابك ان المرور لا يسمح بترخيص السياره اذا تم تغيير محركها لماركه اخرى واعمل حسابك انك حتحتار فى المرور حيره فظيعه عشان تثبت الموتور الجديد على الرخصه بين افراج جمركى وتسول توقيعات الساده الموظفين والمهندس الفنى بالإضافه الى ان الموتور الجديد زى البطيخه انت وحظك يا تطلع حمره يا قرعه يا حمره ومن غير طعم يا حمره ومرشوشه انت وحظك فنصيحه بلاش
محمد ابراهيم

[Abdallah]

سؤال يا ممدوح لو سمحت, السوست دى من النوع الى بتهبط العربية ولا ايه فايدتها بالظبط
انا بفكر اغير البوبينة بواحدة اكبر عشان اركب السبيت فاير, هل ممكن اركب بتاعة النوبيرا عادى ؟؟
ايه التعديلات المفيدة الى ممكن تتعمل فى الدايو غير الفرامل وما هى تكلفتها النسبية ؟؟؟
شكرا لك.

[MMamdouh]

سؤال يا ممدوح لو سمحت, السوست دى من النوع الى بتهبط العربية ولا ايه فايدتها بالظبط
انا بفكر اغير البوبينة بواحدة اكبر عشان اركب السبيت فاير, هل ممكن اركب بتاعة النوبيرا عادى ؟؟
ايه التعديلات المفيدة الى ممكن تتعمل فى الدايو غير الفرامل وما هى تكلفتها النسبية ؟؟؟
شكرا لك.

السوست دى بتقلل ارتفاع العربية من 1.5 الى 2 بوصة بالاضافة الى انها انشف من العادية و بالتالى بتحسن اداء العفشة و الثبت على الطريق

بوبينة اللانوس هى هى بتاعت النوبيرا و الليجانزا فا متغيرش... لو حتجيب بوبينة MSD يبقى خلى بالك لازم تعملها ادابتور عشلن البوبينة بتاعتنا جواها الDriver اللى بياخد الاشارة من الكمبيوتر و الMSD بيحتاج الدرايفر دة فلازم تعمل واحد خارجى عشان تشغلها

انهى دايو؟؟

اللانوس و النوبيرا ممكن تركبلهم مواتير 1600 او 2000 على الترتيب

اللانوس ممكن تركبلها جنبين 1600 بسوست انشف و الفرامل الاكبر

اللانوس ممكن تركبلها ماستر نوبيرا

اللانوس و النوبيرا ممكن تركبلهم بوابة الموتور ال2000

الموتور ال2000 ممكن تركبلة كرنك و بيلات و تخلية 2200

ممكن تركب فرامل سكاكين على اللانوس من اوبل استرا و النوبيرا ليها استيراد

زى ما انت شايف قائمة التعديلات صغيرة جدا مقارنة بال BMW مثلا

MMamdouh

[Abdallah]

نتعرف جنبين اللانوس ال 1600 يعملوا كام فى الحرفيين بمصر ؟؟
ويا ريت ماستر النوبيرا برضة.
انا بفكر اركب تربز على موتو اللانوس ال 1500 ايه رأيك فى الموضوع دة ؟؟