عايز اعمل صيانه الـ 5000

[fghahkj]

ممكن حد يدلنى على مركز صيانه يسمحولى اقف جنب العربيه اثناء الصيانه علشان واحد صاحبى عربيتو اتحكت فى الصيانه
انا سمعت ان مركز الصيانه الى فى بنزينه شل الى فى التجمع بيسمحوا
وانا المفروض اتصل احجز من رقم المركز ولا من رقم منصور الاول
كمان هى صيانه الـ 5000 تتكلف كااام

[mero100]

اولا 1000 مبروك :-)

اتصل ب 16424 منصور ... و احجز في الفرع اللي يعجبك .. و اليوم اللي تكون فاضي فيه .

صيانه ال 5000 مجانيه .

بتدفع فقط ثمن الزيت و الفلتر .

و بيتم تنظيف فلتر الهواء و فلتر البنزين و عمل رجلاش للفرامل الخلفيه و كشف علي التيل الامامي و مراجعه السوائل و تربيط العفشه .

و بتقول لمهندس الاستقبال علي اي مشاكل في السياره تكون لاحظتها في خلال اول 5000 كم .

و بالتوفيق .