استشاره بخصوص تكييف اللانوس

[محمد الشامي]

السلام عليكم ورحمه الله وبركاته

انا اليومين دول بفكر اظبط تكييف العربيه , لاني من سنتين واكتر لا شحنته ولا شغلته كمان
وطبعا لما جيت اجربه اليومين دول لقيت الكباس مش بيلقط اصلا وده معناه ان مفيش فريون

فـ ياترى على الوضع ده ايه اللي ممكن يتعمل في التكييف بخلاف شحن الفريون وتنضيف التلاجه ؟
وتقريبا متوسط الاسعار للعمليه دي هايكون ايه ؟
والاهم من كل ما سبق مين كويس الواحد يقدر يروحله عشان يقوم بالعمليه دي ؟

ولكم جزيل الشكر مقدماً على المساعده

[MITSUKERO]

انا عملت الموضوع ده السنه اللي فاتت

غيرت كل الاويل سيلز و الراجل كان عمال يقولي ياباشا نسيب السليم قولت له ده اويل سيل كاوتش له عمر و عمره خلص و اصريت علي تغييرهم كلهم

و شحنت بس منضفتش التلاجة لانها كانت نضيفة

التكلفة كانت من سنه تقريبا 230

تفصيلهم : 150 شحن فريون اوروبي 34
50 مصنعية و بصراحة الواد طلع عينه لان الحوض ضيق و كان عمال يكبس و يطمن و اويل سيل الكباس رخم جدا في تركيبة
30 اويل سيلز منهم العادي و منهم الكاوتش علي حديد بتوع الكباس

الصيف ده انا حاسس ان التكييف قل شوية و بأذن الله هروح ابص علي الشحنة و اشوف بس هو شغال الحمد لله بس مش عاجبني
والله اعلي و اعلم

[ZOoOoMA]

انا شحنت الفريون ب 150 جنيه

[Ahmed Nasser]

بص يابو حميد انت اكبس هواء الاول وبعدين امشى يومين ولا حاجة
وبعد كدة شوف القرات قلت ولا لأ

[محمد الشامي]

انا عملت الموضوع ده السنه اللي فاتت

غيرت كل الاويل سيلز و الراجل كان عمال يقولي ياباشا نسيب السليم قولت له ده اويل سيل كاوتش له عمر و عمره خلص و اصريت علي تغييرهم كلهم

و شحنت بس منضفتش التلاجة لانها كانت نضيفة

التكلفة كانت من سنه تقريبا 230

تفصيلهم : 150 شحن فريون اوروبي 34
50 مصنعية و بصراحة الواد طلع عينه لان الحوض ضيق و كان عمال يكبس و يطمن و اويل سيل الكباس رخم جدا في تركيبة
30 اويل سيلز منهم العادي و منهم الكاوتش علي حديد بتوع الكباس

الصيف ده انا حاسس ان التكييف قل شوية و بأذن الله هروح ابص علي الشحنة و اشوف بس هو شغال الحمد لله بس مش عاجبني
والله اعلي و اعلم

انا شحنت الفريون ب 150 جنيه

تسلموا يارجاله على الإفاده :) جزاكم الله خيراً

بص يابو حميد انت اكبس هواء الاول وبعدين امشى يومين ولا حاجة
وبعد كدة شوف القرات قلت ولا لأ

ده عشان اشوف في تسريب في دورة الفريون ولا لا , صح ؟؟؟؟؟
طيب وكبس الهوا ده بيكون بردو عند بتاع التكييف ولا بكمبروسور هوا من عند اي حد ؟
وهل كبس الهوا ده مالهوش تأثير سلبي على وصلات التكييف والكباس والكلام ده ؟

وطبعا جزاك الله خيراً على المعلومه

[Ahmed Nasser]

الهواء اللى بيكبسوهلك بتاع التكييف
لا طبعا مالش اى اضرار بس اهم حاجة ماتزش عن الضغوط المكررة
يعنى الضغوط 250 انت بحد اقى خلي ضغط الهواء 300 انا جربت كدة

[Mohamed ELOoL]

انا عندي نفس الموضوع دة لدرقة ان الكباس مش بيلقط
و لسا مارحطش عملتوا ... بقلق من بتوع التكيف ( معظمهم نصابين )

لو هاتعملو في اكتوبر قلي عملتوا بكام و عند منين .... او نروح مع بعد

[محمد الشامي]

الهواء اللى بيكبسوهلك بتاع التكييف
لا طبعا مالش اى اضرار بس اهم حاجة ماتزش عن الضغوط المكررة
يعنى الضغوط 250 انت بحد اقى خلي ضغط الهواء 300 انا جربت كدة

تسلم يا باشا , بس انت متأكد من الضغط ده ؟ :) اصل انا قرأت في كذا موضوع ان الضغط بيكون 27 و 30 وارقام زي كده , ولا انا فاهم غلط ؟

انا عندي نفس الموضوع دة لدرقة ان الكباس مش بيلقط
و لسا مارحطش عملتوا ... بقلق من بتوع التكيف ( معظمهم نصابين )
لو هاتعملو في اكتوبر قلي عملتوا بكام و عند منين .... او نروح مع بعد

انا كمان الكباس عندي مش بيلقط لان مفيش فريون
ولسا مش عارف هاروح لحد في اكتوبر ولا فين
خاصه واني لغايه دلوقتي ماعنديش معلومات كافيه عن حوار التكييف والفريون والقصص دي

يعني مثلا نوع الفريون اللي يتحط عندي ايه , سمعت ان في مصري وامريكي ومكسيكي
ولسا مش عارف ضغط الفريون بيكون كام , والشحن بيتم على سرعه ولا ايه
وهكذا

يعني عايز اكون فاهم عشان لما اروح لحد هاسمع منه الشغلانه الاول واطابق كلامه بالمعلومات اللي اعرفها ولو اقتنعت بالكلام هاتفق معاه على الشغلانه وربنا يسهل

في واحد في اكتوبر جنب اخوان البطه (بعد الحصري) بتاع كهرباء وتكييف بفكر اعدي عليه وادردش معاه , وهاشوف النتيجه وابلغك وربنا يسهل

[Ahmed Nasser]

تسلم يا باشا , بس انت متأكد من الضغط ده ؟ :) اصل انا قرأت في كذا موضوع ان الضغط بيكون 27 و 30 وارقام زي كده , ولا انا فاهم غلط ؟

المقصود بالـ 250 هى 25
والمقصود بالـ 300 هى 30

[محمد الشامي]

الله ينور عليك

[محمد الشامي]

ياشباب النهارده وانا راجع من الشغل عديت على بتاع تكييف قريب من بيتي , وشرحتله الوضع اللي عندي

وهو سمعلي للاخر وراح جاب اسطوانه الفريون و وصل العداد بتاعه على العربيه وهي مطفيه وبدأ يكبس فريون ويقفل ويبص على العداد وهكذا , وبعد كده جاب قطعه اسفنج مبلله بالماء والصابون وبدأ ينزل رغاوى على خراطيم التكييف

وبعد الكشف قاللي انت ماعندكش اي مشكله غير تغيير بلف عشان بينفس , اللي هو البلف اللي على الشمال وانا واقف مواجه لكبوت العربيه , ونشحن الفريون وكله هايبقا تمام

تمن البلف 20 جنيه
تمن الفريون :-
الامريكي 250 جنيه
الهولندي 220 جنيه
وقالى على كام نوع تانيين واخرهم المصري بس ماركزتش مع اسعارهم لاني عارف ان الامريكي الافضل

المهم ايه رأيكم في الكلام ده ؟ مع مراعاه انه مش هايعمل اي شغل جوا الصالون يعني لا هاينضف تلاجه ولا بلاور , وحتى قولتله اني احيانا بسمع زي صوت شخلله ورق شجر خفيفه مع تشغيل مراوح التكييف فـ جرب يشغل المراوح وقاللي مش محتاج تنضيف , بالرغم من انه اول ما شغل المراوح طلعت تراب اد كده

انا حاسس والله اعلم انه مأفور حبتين وكلامه مش عاجبني , مش عارف ليه
وحتى فكرت فـ حاجه غريبه شويه وهي اني اشتري انا امبوبه الفريون واروح لأي حد يشحنهالي وياخد اللي فيه النصيب , بس المشكله اني ماعرفش هاحتاج فريون اد ايه , والمشكله الاكبر ان مفيش صنايعي هايقبل بأنه يشحن فريون غير اللي عنده (لانه مصلحته في الفريون هي اساس الشغل) , وعلى ما اظن ان اسطوانه الفريون تمنها كلها على بعضها بتاع 60 جنيه مثلا وتكفي شحنتين كمان

فتنصحوني بإيه ؟؟؟؟؟

[Ahmed Nasser]

بالنسبة لنوع الفريون خليك فى فريون 34
بالنسبة لكمية الفريون على مافتكر ان الانوس 650
وهاكدلك عليها تانى

[a_arazik]

الراجل دة مغلواني جدااااااااااااااا الفريون اصلا معظم الناس بتشحن 120 الي 150 وانا شخصيا شاحن ب120 الدورة كلها عشان كان عندي تسريب وشكراااااااااا

[محمد الشامي]

بالنسبة لنوع الفريون خليك فى فريون 34
بالنسبة لكمية الفريون على مافتكر ان الانوس 650
وهاكدلك عليها تانى

ربنا يكرمك ياريس :)
بس انت تقصد فريون 134 ؟؟ وفي منه الامريكي والهولندي والمصري وفي كذا نوع كمان بس مش فاكرهم

الراجل دة مغلواني جدااااااااااااااا الفريون اصلا معظم الناس بتشحن 120 الي 150 وانا شخصيا شاحن ب120 الدورة كلها عشان كان عندي تسريب وشكراااااااااا

تسلم يا باشا على النصيحه , انا اصلا مش مرتاحله

[ZOoOoMA]

غالي جدا اخره 150 انا دفعت 150 شحن و كشف تسريب و الحمد الله طلع مفيش تسريب و تنظيف السربنتينه اللي في الحوض و زي الفل الحمد الله بس التلاجه اللي ورا التابلوه عندي ميته محتاجه تتنظف قووووووي و لسه مش عارف هعمل ايه