اشتريت الحاجات دى وعايز رأيكوا

[shur3000]

كان عندى صوت حشرجة اول ما ادور ويروح بعد كدة قلت اغير احتياطى فجبت
بلية كاتينة كورى ب 85 وكان فى ب65ج بس قالوا وحشة وكمان الاصلى جى ام ب 230ج وطبعا بخ

سير كاتينة كونت نينتال المانى ب 60ج وبيقولوا كويس سألت على الجيتس قالوا مش موجود

وجبت ماسورة شجرة ب 50 يبقى ب 195ج وخدتهم ب 185ج

فعايز رأيكوا فى البلية والسير قبل ما اركب

وكمان كان عندى برجلة اول ما ادور ساعات وساعات والعربية كانت بتفصل كهربة وكانت تشتغل اول ما اهز قطاش البطارية. فجبت لقمتين كابل ب 12ج وركبتهم
هل البرجلة كانت منهم.

وسؤال كمان اللقمتين الجداد الراجل مركبش البلاستكة الحمرا + وقالى مالهاش مكان دة عادى ولا لازم تركب

[shur3000]

وياريت المصنعية لانى رايح للميكانيكى كمان ساعة

[ahmad_salama]

متابع

[aymanshebl]

ممكن طبعا العربية تتبرجل من القواطش الغير محكمة لان الارضى او الموجب مش موصل كويس اما بالسبة لحكاية البلاستكة الحمرا هى مهمة جدا لانها بتمنع موجب البطارية من التلميس مع صاج الكبوت او اى جزء من جسم العربية و لو حصل ده فممكن يعمل اضرار كبيرة جدا و ممكن حريق لا قدر الله و اللى قاله ده يندرج تحت بند الفتى

[shur3000]

طب ما هى مالهاش مكان وبعدين الكبوت علية فرش عامة انا هحاول اثبت قلعدتها بسيلكون ونشوف
المهم رأيكوا اية فى اللى انا جبتة

[wael6]

المصنعيه ممكن من 50الى 80 ج ؟
وعلى حسب الاتفاق
وربنا يباركلك

[MITSUKERO]

ماسورة الشجرة اصلي ولا مضروبة ؟

[MMamdouh]

هات البلية الاصلى او على الاقل الجيتس الكندى... بلاش الكورى دى

المصنعية 120 الى 150 جنية

MMamdouh

[shur3000]

رحت النهاردة غيرت السير والبلية الماسورة ما غيرتهاش لان العيب طلع ان افيز الخرطوم اللى جاى القربة مهوى وجبت افيز تانى. والميكانيكى خد 40ج والحمد لله حاسس ان المكنة صوتها هدى ومفيش مشاكل
لكن حسيت وانا ماشى على الاول صوت زى تكة من التابلوة واتكررت مرتين وان بركن ممكن يكون بيتهيألى هشوف بكرة ان شاء الله ورربنا يسهل

[shur3000]

????

[shur3000]

تقريبا التكة اللى سمعتها فى التابلوة ان الباب ماكنش مقفول كويس وكانت لمبة الباب فى التابلوة تطفى وتولع