مشكلة في النوبيرا

[asas630]

السلام عليكم:

اولا بيانات العربيية

موديل: 2004
كم:130,000

المشكلة الي عندي كالاتي

- فوران المية وخروجها من غطا الاربة بعد مشوار طويل وذلك يحدث مباشرة بعد التوقف واطفاء المحرك واحيانا اخري لا يحدث مع العلم المكنة درجة حرارة طبيعية

شكيت فورا انها اعراض جوان وش سلندر المهم قمت اعمل كام اشيك كده عشان اتاكد
سبت العربية لما بردت خالص ودورت والمكننة وبدا بتزويد المية حتي المستوي المطلوب وقعدت اسخن كدا وانا شايل غطا الاربة كل شىء عادي حتي وصل مؤشر الحرارة الي المنتصف هنا بدات المية في الخروج من الاربة

عملت اشيك تاني شيلت فيوز الموبينة وعملت كرانكنج كدا لفترة طويلة وشميت المية المفروض لو جوان اشم فيها بنزين

السوال هنا المشكلة فين هل ممكن
الجوان وانا بحاول اقنع نفسي انه مش هوا
طرمبة المية
احدي مراوح الريداتير بتاع التكيف كان بيقول انها تعبانة ممكون تكون السبب

ارجو من اخوتي الخبراء المساعدة

واسف للاطالة.

[AlGazar2]

لو الفوران ده بيحصل بعد ما تقف و تبطل و تنزل تفتح غطا القربة يبقى ده الطبيعى الى لازم يحصل

من كلامك هو ده نوع الفوران فما تقلقش و ما تفتحش غطا القربة تانى و العربيه سخنة عشان ده ممكن يسبب خطوره من طيران الغطا او فوران المياه السخنه ممكن يسبب حروق

[ZOoOoMA]

لو بعد مشوار و بتطفي العربيه و تفتح الغطا المياه بتفور يبقى ده الطبيعي
لكن لو بتبطل الماتور تقوم فايره لوحدها ده ممكن يكون الغطا نفسه عايز يتغير
كانت بتحصل معايا في 128 و طلع في الاخر عيب الغطا

[Ahmed Nasser]

لو انت بطلت العربية وجيت فتحت غطا الاربة طبيعى الفوران
اما لو بطلت والفوران حصل لوحد دة غالبا غطا الاربة محتاج يتغير

[asas630]

هوا الفوران حصل والغطا موجود

[Dr.Solom]

هوا الفوران حصل والغطا موجود

كده يبقى الغطا مش محكوم او زور القربه اتاكل او فيه شرخ
القربه جديدة جى ام ب 70 جنيه
والغطا تجيبه استيراد

[Mohamed ELOoL]

الغطا مش مقفول كويس ... و متعملش كدة تاني عشان كدة ممكن تجيب جوان

( الاربة بتبقي مهوية )

[MMamdouh]

غطا القربة تالف

متجيبش الغطا بتاع الدايو... هات الالمانى

MMamdouh

[kagawa]

انا كانت عندي نفس المشكله بتاعتك بالظبط في عربيتي الاولي ولما وصلت ل 130 الف
زي ما قال الاستاذ محمد ممدوح روحت اشتريت غطا قربه جديد اصالي اللي ب 25 جنيه اوعي
تجيب ابو عشره جنيه
2- غير الميه وعيد ملوها وخرج الهوا كله ولما المراوح تشتغل اقفل الغطا
فوران الميه ده معناه انها واخده هوا
3- اوعي تفتح القربه الا والعربيه بارده خالص الصبح وهتلاقي الدنيا بقت فل
..

[asas630]

الف شكر لكل من الاستاذ /محمد ممدوح والاستاذ/kagawa
اشتريت بالفعل غطا اربة الماني بحوالي 35 ج وزوديت مية وخدت الهواء والمكنة بردة وسخنت للاطمئنان علي المراوح اشتغلت بس لقيت واحدة فيهم سرعتها بطيئة شوية قلقت قمت مشيك علي الفيوز بتاعت السرعة العالية لقيته محروق حليت المروحة ديه ووصلتها بسلك مباشر بالبطارية
لقيت السلك سخن قمت جبت مروحة استيراد بحوالي 100 ج وفيوز سرعة عالية للمراوح 20 امبير وعملت بها مشوار 100كم ومشغل التكيف والحمد لله كله تمام

[asas630]

عندي مشكلة اخري بتحصل الصبح بسيب كده العربية لمدة دقيقة وبعدين اتحرك بعد 5 دقائق يبدا مؤشر الحرارة ليكون في المنتصف لما ادوس فرامل المؤشر ينزل نفسي اعرف ايه علاقة الفرامل بحساس الحرارة وفي السرعات العاليىة في الطوالي الحرارة يتنزل عن المعدل الطبيعي بمقدار نصف شرطة وتثبت علي كدا مع اني لسه مغير لثرموستات الميكانيكي

[Ahmed Nasser]

اكشف على العداد ممكن يكون مهيس زى عندى
واكشف على الترومثتات