موبينه نوبيرا 2 .. اصدقائى خبراء نايل موتورز

[MAKandil]

الموبينا عندى فصلت سلك و الميكانيكى قال لازم تتغير ..
السؤال بقى .. اجيب موبينه استيراد احسن ولا اجيب الصينى الجديده ؟؟؟
و الموبينا الاستيراد هتبقى فى حدود كام ؟؟
و هل الموبينا فعلا هيا اللى مأثرة على سحب العربيه ؟؟
شكرا مقدما :)

[engwael]

هات استيراد انا جربت الاصلية الجديدة والاستيراد خليك في الاستيراد احسن وانا كنت جبتها ب 250 من سنه

[Ahmed Nasser]

هية الموبينة اللى عندك فصلت مرة واحدة كدة
وهل هيا بتاع الفبريكة ولا مغيرها
ومشيت عليها اد ايه

[محمد الشامي]

من حوالى 3 اسابيع حصل نفس الموقف مع صديق , وجاب واحده استيراد وماكملتش معاه اسبوع
والحل النهائي كان انه اشترى بوبينه من شارع دمشق أصلي ومغلفه والـ Part No اللي على العلبه مطابق للرقم المكتوب على البوبينه نفسها وعليها العلامه المائيه ومكتوب عليها DAC وتمنها بالعافيه كان 630 جنيه (اصلي اصلي يعني) , وشغاله معاه ما شاء الله زي الفل

[lanos2004]

شوف عندى واحدة زيادة لو عاوزها
استيراد
هديلك عليها ضمان سنه اقل واجب لو باظت خد فلوسك تانى
بشرط تكون بتركب بوجيهات صح-وسلك بوجيه اصلى ومبتغسلش ماتورك وهوة سخن

[AlGazar2]

احمد بك عبد الهادى

على كام الموبينة دى لان عندى بتستعبط شويتين

[lanos2004]

احمد بك عبد الهادى

على كام الموبينة دى لان عندى بتستعبط شويتين

هيه تمنها فى الحرفيين الان 300
250 كويس
دى كانت جايه فى الماتور الاستيراد ومركونه عندى من زمن بعيد جدا
لو عاوز تجربها فى اى وقت اتفضل

[AlGazar2]

هيه تمنها فى الحرفيين الان 300
250 كويس
دى كانت جايه فى الماتور الاستيراد ومركونه عندى من زمن بعيد جدا
لو عاوز تجربها فى اى وقت اتفضل

افضى انا بس و اتاكد ان العيب من الموبينه فعلا و ان شاء الله اتصل بيك و اعدى عليك اخدها

بس اسألك سؤال هو لو الموبينة بتفصل بوجيهين مع بعض و لما اخلى العربية تفصل يشتغلوا تانى و تبقى شغاله عادى بعد كده ده عيب موبينه ولا ده عيب ايه بالظبط