اختبار كهربي للشطار

[ahmedteam]

منتظرين نموذج الاجابه مع الشرح و التوضيح و التحليل و التفحيص و التمحيص من طارق باشا حيث ان الاجابه السابقه كانت مختصره

[JAM]

ومن ضمن عيوب فيشة الكونتاكت برضه واللى غلبتنى قبل كدا هوا إن الكاسيت كان بيفصل مرة واحدة ومبيشتغلش تانى ألا لو شيلت الفيشة بتاعته وركبتها تانى

[ahmedteam]

و يا سلام بقى لو فى صور توضح مكان الفيشه دى يبقى اخر تمام

[tarek_2005]

دي الفيشة ومكانها ودي بتتغير ودي وظيفتها تحويل حركة المفتاح الي سويتش كهربي

[ahmedteam]

الصراحه انا مش عارف اوصل لحاجه من الصوره هيا دى فين اصلا يا ريت شرح بسيط او صوره من عربيه فعليا مش كتالوج او رسم توضيحى

[tarek_2005]

دي في قطمة الدركسيون من اسفل وموجودة اسفل دراع النور

[Magoda]

بس حلو نظام الفوازير ده الناس بيخلى الاعضاء تصحصح كدته

[Ahmed-SAMIR]

يا طارق باشا ماهى دى فبرة الكونتاكت...اصلها عملتها معايا قبلك
بس خلى بالك ان غلطة الشاطر بألف وانت بالذات من العتاولة الكبار اللى بنسند عليهم :)

[tarek_2005]

يا طارق باشا ماهى دى فبرة الكونتاكت...اصلها عملتها معايا قبلك
بس خلى بالك ان غلطة الشاطر بألف وانت بالذات من العتاولة الكبار اللى بنسند عليهم :)

طبعاً انا مسكتش غير لما عرفت العيب بتاعها وهيا كانت عايزة يتقرط علي مساميرها فقط وهيا سليمة لانها لو تالفة كنت استبدلتها فوراً لانها ممكن تحرق العربية بالكامل لاقدر الله

وبعدين لاعتاولة ولا غيره انا بتعلم منكم