اشتريت لانوس 99 ولقيت فيها مصيبة

[fathiazab]

اشتريت عربية دايو لانوس 99 وانا بغير السيور الميكانيكي لقى طرف الكرنك اللي راكب فيه الطنبورة مكسور منه حتة ، فقالي لازم عمرة وقال هنشيل سير التكييف عشان ميحملش على الكرنك وتمشي بيها شوية لحد ما تقرر هتعمل ايه ..وانا مضايق جدا ومش عارف اعمل ايه..ارجو من اساتذة المنتدي المحترمين المشورة المخلصة وجزاكم الله خيرا

[neel]

لا مصيبة ولا حاجة يا عم :)

بس محدش بيتعلم ببلاش

مادام مش في النفس ولا الأهل تبقي هينة ان شاء الله

وبلاش عمرة واشتري موتور استيراد او شورت بلوك وفكك من حوار العمرة ده وشيله من دماغك خالص

[fathiazab]

ربنا يجزيك خير .. بس ايه موضوع الشورت بلوك ده ويتكلف كام

[MMamdouh]

ولا عمرة ولا غيرة... اشترى كرنك استيراد مع طقم سبيكة استاندر و ركبهم و شكرا على كدة

MMamdouh

[lad]

ولا عمرة ولا غيرة... اشترى كرنك استيراد مع طقم سبيكة استاندر و ركبهم و شكرا على كدة

mmamdouh

+111111111111111111111

[Ahmed-SAMIR]

ربنا يجزيك خير .. بس ايه موضوع الشورت بلوك ده ويتكلف كام

انا لسه جايب شورت بلوك من شهر ونص كان عامل 2000 ده غير مصنعية الميكانيكى اللى بيركبه وشوية حركات بتطلعلك من تحت الارض وتعد عليك فلوس ع الفاضى والمليان وتلاقى نفسك داخل فى متاهة والكلام ده كله بياخد عطله يوم كامل للتركيب (حوار رخم قوى انك تفك كل مسمار ع البلوكه القديمة وتركبه ع الجديدة على فكرة) وكل ده وانا كنت عامل نفسى برم ومفتح وبوفر اللى مالهوش لازمة.....

نصيحة لوجه الله اشترى موتور كامل بي 500 او 6000 جنيه زيادة ولو تقدر تزود قدهم تانى وهاته بفتيسه شيل ده وسقط ده علشان العربية متتعبكش وتدخلك فى حوارات كتير هتكع فيها اكتر من الفرق ده وانت دمك بيتحرك كل يوم وبعد ما ربنا يكرمك وتخلص هتلاقى عندك هنا فى القسم موضوع لبيع قطع الغيار ابقا يا سيدى اعرض القديم للبيع سواء على بعضه او اجزاء واهو اى حد من الرجاله يستفيد بيه بدل ما تبيعه للصنايعية ويخسفولك بتمنه الارض

[fathiazab]

انا لسه جايب شورت بلوك من شهر ونص كان عامل 2000 ده غير مصنعية الميكانيكى اللى بيركبه وشوية حركات بتطلعلك من تحت الارض وتعد عليك فلوس ع الفاضى والمليان وتلاقى نفسك داخل فى متاهة والكلام ده كله بياخد عطله يوم كامل للتركيب (حوار رخم قوى انك تفك كل مسمار ع البلوكه القديمة وتركبه ع الجديدة على فكرة) وكل ده وانا كنت عامل نفسى برم ومفتح وبوفر اللى مالهوش لازمة.....

نصيحة لوجه الله اشترى موتور كامل بي 500 او 6000 جنيه زيادة ولو تقدر تزود قدهم تانى وهاته بفتيسه شيل ده وسقط ده علشان العربية متتعبكش وتدخلك فى حوارات كتير هتكع فيها اكتر من الفرق ده وانت دمك بيتحرك كل يوم وبعد ما ربنا يكرمك وتخلص هتلاقى عندك هنا فى القسم موضوع لبيع قطع الغيار ابقا يا سيدى اعرض القديم للبيع سواء على بعضه او اجزاء واهو اى حد من الرجاله يستفيد بيه بدل ما تبيعه للصنايعية ويخسفولك بتمنه الارض

اشكرك على اهتمامك ونصيحتك المخلصة ..بس دايما بيقولولي الموتور الاستيراد زي البطيخة وانت وحظك

[fathiazab]

ولا عمرة ولا غيرة... اشترى كرنك استيراد مع طقم سبيكة استاندر و ركبهم و شكرا على كدة

mmamdouh

الاستاذ ممدوح اشكر اهتمامك وربنا يجزيك خير واقتراح حضرتك كان وارد في خيالي..والميكانيكي اللي انا معاه قالي هنفتح الموتور يعني نشتغل صح هنشوف الموتور عاوز ايه ونعمله مش حكاية كرنك وطقم سبيكة يعني بيفضل العمرة الكاملة ...يهمني اسمع راي حضرتك

[tarek_2005]

باشا الشرخ فين بالظبط والعربية كانت دايرة ازاي وشاف الشرخ ازاي فك الكرتيرة السفلية ولا شافه من عند الطنابير
لو من عند الطنابير فقط كبر دماغك منه وشغل تكيفك وسيبك من الميكانيكي ده خالص اما لو كان فك الكرتيرة ولقي الشرخ في فخدة او ركبة من الكرنك غير كرنك وسبيكة زي ما استشاريا واستاذنا قالك

[lanos2004]

اشتغاله من ميكانيكى

[fathiazab]

باشا الشرخ فين بالظبط والعربية كانت دايرة ازاي وشاف الشرخ ازاي فك الكرتيرة السفلية ولا شافه من عند الطنابير
لو من عند الطنابير فقط كبر دماغك منه وشغل تكيفك وسيبك من الميكانيكي ده خالص اما لو كان فك الكرتيرة ولقي الشرخ في فخدة او ركبة من الكرنك غير كرنك وسبيكة زي ما استشاريا واستاذنا قالك

من عند الطنابير وخوفني انه هيقطم ..ولذلك شال سير التكييف عشان يخف الحمل

[fathiazab]

باشا الشرخ فين بالظبط والعربية كانت دايرة ازاي وشاف الشرخ ازاي فك الكرتيرة السفلية ولا شافه من عند الطنابير
لو من عند الطنابير فقط كبر دماغك منه وشغل تكيفك وسيبك من الميكانيكي ده خالص اما لو كان فك الكرتيرة ولقي الشرخ في فخدة او ركبة من الكرنك غير كرنك وسبيكة زي ما استشاريا واستاذنا قالك

من عند الطنبورة ولذلك شال سير التكييف عشان يخف الحمل على الكرنك

[tarek_2005]

غير الميكانيكي ده

[MMamdouh]

الاستاذ ممدوح اشكر اهتمامك وربنا يجزيك خير واقتراح حضرتك كان وارد في خيالي..والميكانيكي اللي انا معاه قالي هنفتح الموتور يعني نشتغل صح هنشوف الموتور عاوز ايه ونعمله مش حكاية كرنك وطقم سبيكة يعني بيفضل العمرة الكاملة ...يهمني اسمع راي حضرتك

انسى الكلام دة... طالما المكنة شغلة تمام يبقى ملوش اى لزمة تفتحها

غير الكرنك و طقم السبيكة فقط

MMamdouh