تسريب الزيت ده سببه ايه

[sherif younis]

السلام عليكم يا أعضاء أحلى منتدى
النهاردة وأنا باغسل العربية وبعد ما رفعتها لقيت تسريب زيت تحت الماتور ناحية عجلة السائق
المهم علشان خبرتي ضعيفة وعارف أن خبرتكم كبيرة صورت التسريب وقلت أعرضه عليكم
علشان أعرف سبب التسريب وعلاجه
ولكم مني جزيل الشكر

الصورة الأولى


الصورة الثانية

[dr.hazem]

متابع...

Sent from my LT18i using Forum Runner

[مصطفى-حسن]

دة ياباشا غالبا زيت باور
هتلاقية بيتسرب من عند المواسير بتاعة الباور اللى فى صدر العربية
فك قربة المية وارفعها وانت تشوف المواسير دى

اصل انا كان عندى نفس المشكلة

لكن لو الزيت ناشف (مش جديد) كبر دماغك
هتلاقية كان عيب واتعمل والميكانيكى منضفش مكان الزيت القديم بعد ما خلص شغل

لكن لو الزيت جديد اعمل زى ما قلت لك

[MITSUKERO]

اغسل العربية من تحت في بنزينة و بعدين شوف

بس اظن اويل سيل كوبلن لان دي نقطة التقاء الكوبلن بالفتيس و الزيت ده زيت فتيس

قيس زيت الفتيس برضة و شوف

[Mohamed ELOoL]

دة اولسيه الكوبلن ب 12 جنيه الواحد بس هات الجنبين ... لسة مغيرو من شهر و انا بغير المقصات

و الزيت دة زيت فتيس

[sherif younis]

أشكر كل من تفاعل مع الموضوع
وأهم حاجة أنكم طمنتوني انه الزيت مش من الموتور
هقيس زيت الفتيس والباور
وهشوف التسريب منين بالضبط
لكم مني جزيل الشكر

[tarek_2005]

اويل سيل كوبلن داخلي وعلشان متدوخش انا مغيرهم من منصور الاصلي ب 59 جم الواحد علشان الي في السوق كلهم مضروبين وبيتلفوا بسرعه