إعـــــــلان

Collapse

.

,
See more
See less

وكيل دايو الغير محترم حكاية متجددة مبتنتهيش لو بتفكر تشترى الدايو لانوس أدخل

Collapse
X
 
  • Filter
  • الوقت
  • Show
Clear All
new posts

  • وكيل دايو الغير محترم حكاية متجددة مبتنتهيش لو بتفكر تشترى الدايو لانوس أدخل

    فى البداية السلام على كل عضو فى المنتدى الأكثر من رائع بجد أنا بحب المنتدى دة جدا لأنوا بيفيدنى جدا وبيزودنى بالمعلومات إللى بحب أعرفها وبيعرفنى على أراء أحسن أعضاء فى الدنيا أنا مش عاوز أطول على أحسن ناس بس الموضوع محتاج حبت تفاصيل شوية علشان أنا دمى محروقت شوية من الموضوع دة
    فى البداية يوم الجمعة 15/08/2008
    كنت فى مشوار بالعربية اللانوس 2006 مع أخويا فى مشوار والمهم وأنا بلف بالعربية فجأه حسيت بطقطقة فى قلب الدريكسيون محطيتش فى بالى وقولت ممكن تكون طوبة دوست عليها المهم خلصت مشوارى وأنا مروح لاقيت الموضوع متماشى جدا مع النقر بتاعت الطريق إللى متعودين عليها فى كل شوارعنا الحبيبة المهم أبتديت أحس أنى مقلق والموضوع أمتد للمطبات كمان وأنا طالع أو نازل من على المطب الطقة دى برضوا بتحصل بحسها فى الدريكسيون والمطبات وإللى زاد على كدة أنى بقيت بحسها فى الدواسات مع الدريكسون تمام المهم كلمت الصيانة علشان أعرف فى اية واحل المشكلة قبل ما تكبر وتفتح فى حتة تانية المهم أخدت ميعاد يوم السبت الموافق 23/08/2008
    وروحت علشان أعمل الصيانة أخدت كتيب الصيانة زى العادة أنا عربيتى عاملة بالظبط 12500 كيلوا وهى من 14/6/2006 المهم المشى إللى مش كتير فى الوقت الطويل دة حاجة خلت التوكيل المحترم بتاعنا دة يعترض على أن أزاى عربية فى سنتين تعمل صيانتين بس وربطولى أن كل 3 شهور أعمل صيانة فى المركز بتاعهم وبينى وبينكم أنا واحد مش فاضى للموضوع بتاع طول بالهم دة لأنى بضيع أكتر من 6 ساعات علشان صيانة مبتاخدش أكتر من 30 دقيقة وفى الأخر لو ليك أى ملاحظات كنت قايل عليها بعد ال 6 ساعات أنتظار بتلاقى العربية زى ما ودتها أخدتها بل كمان أسوء ما بتكون موديها والمعاملة زى الزفت أصل دى ناس مش فاضية وشغلهم كتير ياعينى عاوزين يقلبوا الزبون علشان يخلصوا ويلموا فلوس وبس المهم أنا مشكلتى إللى بحكى فيها هى أن عربيتى فيها مشكلة فى البارات بعات العجل مع الدريكسيون والموضوع دة فى عدد كليوات قليل زى إللى أنا عاملها تعتبر عيب صناعة المهم أنهم قالولى أنى خارج من الصيانة بسبب عدم أنتظامى فى مواعيدها وطالبين منى رقم خرافى علشان الحاجات دى تتغير مع أن المفروض أنها تبقى على حسابهم لأنها حاجة بتاعتهم خلاصة الكلام الكتير أن أنا ليا رأى فى كام حاجة وهما
    1- الوكيل غير محترم بالمرة
    2- عربية أنا من رأئى أنها مش محترمة وخسارة فيها كل مليم أتدفع فيها
    3- من عيوب العربية ضعف المتور من ناحية التجميع والتسارع وصوت العربية العالى وسوء التقفيل ورداءة الخامات مستخدمة وسوء العزل وضعف التكييف ومعدل الأستهالاك العالى للبنزين مع أنها 1500 وضعف الفارمل الواضح جدا وأخيرا وليس أخرا الأتزان والأمان فهو والحمد لله 0 % لأن العربية بتروح بعد ال 120
    فى النهاية أنا بقول الكلام دة علشان أوضح صورة لكل الناس إللى ممكن تفكر فى العربية دى أنا ممكن أنصحهم نصيحة أخوية أبعد عن العربية دى لأن حرام فيها الفلوس وخسارة توكيل زى دة يكون موجود إللى بيفكر يشترى عربية يشيل الدايو من حساباتوا لأنوا لو جابها هيزعل أوى من قراروا أسف على التطويل أصدقائى الأعزاء بس أنا كان لازم أطول علشان الأفادة وعدم تكرار الخطأ لأن فلوسنا غالية علينا وحرام نرميها

  • #2
    اخى العزيز ممكن تكون مريت بتجربة سيئة مع التوكيل بس عموما هذا ليس له علاقة بالسيارة نفسها
    حيث ان معظمنا من مالكى سيارات اللانوس سعداء جدا بها رغم وجود مشاكل بها كاى سيارة اخرى ، بس من ناحية اخرى لو اتيحت لى فى فرصة الاختيار كنت حاختار اللانوس برضه لعدة اسباب مشروحة بالتفصيل على صفحات هذا المنتدى و ليس هناك حاجة لاعادة كتابتها - بالنسبة لموضوع التوكيل انا اتذكر فعلا ان هناك نظام للصيانة مكتوب بالكتالوج يعتمد على حد اقصى من الكيلو متر او الشهور لعمل الصيانة الدورية و عند تخطى هذه المدة يكون التوكيل غير مسئول عن تحمل مشاكل السيارة مثل التى ذكرتها و التى تعتبر بالفعل مسئولية التوكيل تغييرها بدون مقابل ، انا لا ادافع عن التوكيل ، فانا عندى خبرة سابقة فى التعامل معهم و لى عليهم الكثير من التحفظات و لكن فقط انا احاول ان انقل لك رأى الشخصى .

    تحياتى

    Comment


    • #3
      بص حضرتك ،،

      أنا رأيي زي رأي أ / كريم ،،

      تقرأ شروط الضمان كويس ،،

      انا شايف حضرتك قايل انك عامل ثلاث صيانات عندهم في 12 الف كم ،،

      يعني اعتقد ان حضرتك كنت ملتزم بالصيانة الدورية طبقا لعداد الكيلومتر

      انا اول مرة اسمع ان التوكيلات بتشترط صيانة كل مدة معينة بغض النظر عن الكيلومتر اللي العربية قطعتها

      المدة الزمنية اعتقد بتحدد فقط نهاية الضمان ،،

      و علي هذا الأساس تكلمهم و تفهمهم انك فاهم حقك كويس و لو ملقيتش استجابة تطلع لمدير مسئول اعلي و هكذا ،، و لو ملقيتش استجابة و اعتقد ده صعب لأن ليهم اسم كبير بيخافوا عليه تشتكي لجهاز حماية المستهلك

      Comment


      • #4
        شكرا على أهتمامكوا إللى فعلا أسعدنى وياريت المشكلة تتحل لأنى فعلا مستاء جدا أن عربيتى تبقى عاملة 12000ك بس وفيها مشكلة تخلى الواحد زعلان من أختياروا إللى ضحى بحاجات تانية علشانوا أنا بتكلم من منطلق أنى حقى بيضيع بسبب جملة بنسمعها كتير وهى سوء أستخدام
        وأنا والله العظيم مبعملش العربية بشىء من الأهانة أنا بحترم جدا أستخدامى ليها وفى عدد كيلوات قليل ألاقى حاجة تنكد عليا ولتانى مرة أنا بشكر مروركوا الكريم

        Comment


        • #5
          لا يا باشا

          يؤسفنى انى اقولك يا باشا انك غلطان طبعا لان فى بند بعقد الصيانة بيقول الصيانة الدورية كل 5000 كيلو او كل ثلاث شهور ايهما اسبق فبالتالى حضرتك المفروض تكون روحت خلال السنتين دوول 8 مرات واللى اعرفة برضة ان الضمان سارى حتى اما 60000 كيلو او ثلاث سنوات ايهما اسبق
          السبب : اكيد فية حاجة تيكنيكال فى الموضوع مثل ان لازم فية ميكانيكا فى العربية تتشحم او يتغير زيت بفعل الرطوبة او اى حاجة بقى احنا مش فهمنها
          وبرضة ممكن يبقى السبب ان ممكن ببساطة ناس تشترى دماغها وتشيل سلك الكيلوات علشان ماتروحش تعمل صيانة وتتكلف ولما يحصل حاجة يحط السلك ويروح للصيانة على انة تبع الضمان ويكون معدى اساسا 100000
          يعنى كذا حاجة والله انا شايفها واقعية انهم يحددوا وقت للصيانة مرتبط بزمن دورى لاننا وللاسف شعب ممكن يشتغل وكالة ناسا للفضاء مش دايو ايجيبت
          If you touch my car, i will touch your girl

          Comment


          • #6
            أنا موافق كلام حضرتك تماما بس فى نقطة أنا عاوز أتكلم فيها وهى أنى لسة مخلصتش سنين الضمان بتاعتى إللى هى 3 سنين وكمان أنا مش متاح ليا كل 3 شهور أنى أعمل صيانة بسبب الأنشغال وكمان العربية عاملة 12200 ك ودى على ما أظن أنها لسة زيرو ولا {اى حضرتك اية هل فى مبرر ليهم يخرجنى من الضمان قبل ما أستنفز الوقت المحدد ليا كمستخدم 3 سنين ضمان

            Comment


            • #7
              ممكن يكون استعمال حضرتك عنيف و بتنزل في مطبات كتير
              و دا يخلي العفشه كلها تتبهدل في اقل من 10 الاف كيلو كمان.
              انا ركبت لانوس كتير و عربيات عامله فوق ال 100 الف كيلو
              و مكنش فيه مشكله زي دي.
              لو انت واثق ان المشكله عيب تصنيع
              يبقي تعمل زي ما استاذ احمد انور قال بالضبط

              Comment


              • #8
                انتا بتروح انة توكيل وساكن فين وعلى فكرة انا سواقتى سريعة جدا والطبيعى بتاعى داخل القاهرة 80-110 حسب الطريق وطرق السفر بمشى من 120-170 حسب بردة الطريق والسبات كويس جدا بس لازم تكون مرصص وظابط زواياوفعلا زى ما بيقول الاستاذAhmed Anwer انة فى شروط ولازم تقراها كويس
                :fun_10_9_134[1]:

                Comment


                • #9
                  سعد زغلول قالها مافيش فايده
                  و برجع و اقولها برضه مافيش فايده
                  كلامك يا Mraslan صحيح عربيه ناجحه في البيع من حيث حجم المبيعات لكن كعربيه فهيا فاشله بس صدقني ارحم بكتير من النوبيرا و عن تجربه
                  تيجي لعربيه زي النوبيرا كانت زيرو و كنت ملتزم بالصيانه و بالكتالوج و مش بفوت صيانه و برضه كانت بتعطل
                  ده في مره عملت فصل مانساهوش طبه الريدياتر وقعت من نفسها و لسه ماكملتش 50 الف كيلو طب ازاي الله اعلم ة كنت ليله عيد
                  الفرامل و الطنابير داااااااااء لا يمكن الشفاء منه زيه زي الايدز ماتعرفش تخلص منه
                  المقصات كانوا بيقولوا مرتين تغير بيض و مره مقص و مره البيض كل 20 الف
                  البنزين طب تصدقوا و تأمنوا بالله و الله العظيم سافرت بيها انا و الحج الحج بيحلفلي انها بتاخد اكتر من المرسيدس ال 230 الي كانت معاه
                  مالها
                  متور محترم لحد 120 و بعد كده بتنام
                  ثبات مالوش حل بجد زي ثبات الفيكترا
                  صاج محترم بالامانه
                  غير كده عربيه و لا بمليم تمشي يوم و يوم لا
                  بس بالامانه بعتها و كسبت فيها بعتها ب 66 ههههههههههههههه
                  ازا اردت الحكمه فالزم الصمت
                  و ازا اردت الرزق فالزم الاستغفار
                  و ازا ارد المهابه فالزم قيام اليل
                  لا اله الا انت سبحانك اني كنت من الظالمين
                  حزين لما يحدث لاخواني في غزة :120146b

                  Comment


                  • #10
                    الانوس حلوه علشان حاجه واحده بس هيا احسن عربيه ب 60 الف زيرو غير كده اشرب بقى بنزين و صيانه مش بتخلص و فرامل ضايعه و ثبات وحش مش بتثبت الا بجنط تقيل و بتعيب بسرعه ..........................
                    ازا اردت الحكمه فالزم الصمت
                    و ازا اردت الرزق فالزم الاستغفار
                    و ازا ارد المهابه فالزم قيام اليل
                    لا اله الا انت سبحانك اني كنت من الظالمين
                    حزين لما يحدث لاخواني في غزة :120146b

                    Comment


                    • #11
                      مينفعش نعمم الكلام اللى بتقولوه دة... مش عشان واحد لقى عيب فى عربيتة تبقى عربية "فاشلة"

                      و نرجع تانى و نقول و نعيد و نحكى قصة النوبيرا اللى عليها الالموتور ال2000... لو كانت ضعيفة و اى كلام كانت ماتت... و قصة اللانوس اللى عاملة 928 الف كيلو بموتورها الاصلى و قصة كام الف واحد شاريين العربية من الزيرو و عملوا اكتر من 100 الف كيلو بدون مشاكل

                      كل دة غير قصة الالاف اللى شاريين دايو م ليين شوارع مصر.. كل الناس دى مبتفهمش مثلا؟؟ اكيد الناس دى شايفة ان العربية كويسة... صحيح هى مش مرسيدس ولا BMW بس برضة مش صفيحة زبالة

                      قصة استهلاك البنزين اللى زى المرسيدس 230 بش مبلوعة لان معايا فى الشغل واحد معاة 230 و استهلاكها ضعف اللانوس... و موضوع طبه ارادياتير لا يمكن يحصل لوحدة... لازم حد فك الطبة و ركبها اى كلام

                      قصة الفرامل بتاعت الانوس معاك حق فيها بس دلوقتى احنا عاررفين حلها... و كذلك قصة الرشاشات... موضوع الصيانة عمال على بطال مش منطقى لان احنا عندنا عربيتين لانوس و مبيحصلش فيهم حاجة و الحمد لله... دا محمد عبدة افتكرنى زعلان منه لانى بقالى زمن مرحتلوش

                      مش عشان مشكلة فى عربية تبقى الماركة كلها وحشة... و مستحيل تبقى عربية معيوبة و كل الناس دى راكبنها زيرو و مطلوبة للدرجة دى فى سوق المستعمل

                      MMamdouh
                      [CENTER]What is the difference between ignorance and apathy?...I don't know & I don't care[/CENTER]

                      [CENTER][SIGPIC][/SIGPIC][/CENTER]


                      [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                      [marq="Error"]what goes around... comes around[/marq]


                      [CENTER][URL="http://www.cardomain.com/ride/567267"]MMamdouh's Lanos on CarDomain
                      [/URL][/CENTER]

                      [URL="http://www.nilemotors.net/Nile/showthread.php?t=85421"]
                      [/URL]

                      Comment


                      • #12
                        الدايو عربيه محترمه بسبب سعرها مش اكتر
                        عربيه كبيره و شكلها محترم و صاج محترم بسعر قليل
                        بس عربيه يعني توفير وقت و توفير فلوس مش جري كتير و امكانات
                        و على فكره عربيات كتيره مشت اكتر من الي حضرتك قلت عليه و عربيات اقل من لانوس كمان و كمان هندي مش كوري
                        مش دي القضيه
                        القضيه يعني توفير وقت و فلوس و ماشفش وش الميكانيكي لفتره كبيره من الزمن دي القضيه عندي علشان كده انا كرهت العربيه بس هيا اقيم بكتير من فلوس الي تتدفع فيها
                        ازا اردت الحكمه فالزم الصمت
                        و ازا اردت الرزق فالزم الاستغفار
                        و ازا ارد المهابه فالزم قيام اليل
                        لا اله الا انت سبحانك اني كنت من الظالمين
                        حزين لما يحدث لاخواني في غزة :120146b

                        Comment


                        • #13
                          مفيش شك ان من اكبر اسباب نجاح دايو (ان لم يكن السبب الاكبر على الاطلاق) هو سعرها... تخيل من 10 سنين ممكن تشترى لانوس على الزيرو ب 39500... والدى اشتراهات بالسعر دة من ابو غالى موتورز و كانت اللانسر ال98 اللى فيها تكييف و باور تزيد عن السعر دة حوالى 10 الاف جنية... دا اللانسر الفاضية ايامها كانت ب 42 الف

                          دلوقتى لو بعناها مستعملة حتجييب اكتر من كدة اساسا و حتتباع بسرعة لانها مطلوبة فى السوق و ناس كتير بتفكر فى النقطة دى قبل ما تشترى... معرفش ليه بيفكروا فى البيع قبل الشراء بس هو دة السوق فى مصر... و طبعا قطع الغيار و سعرها حدث ولا حرج... دا طقم المساعدين بتوع اللانوس ارخص من طقم المساعدين فى الفيات 128

                          MMamdouh
                          [CENTER]What is the difference between ignorance and apathy?...I don't know & I don't care[/CENTER]

                          [CENTER][SIGPIC][/SIGPIC][/CENTER]


                          [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                          [marq="Error"]what goes around... comes around[/marq]


                          [CENTER][URL="http://www.cardomain.com/ride/567267"]MMamdouh's Lanos on CarDomain
                          [/URL][/CENTER]

                          [URL="http://www.nilemotors.net/Nile/showthread.php?t=85421"]
                          [/URL]

                          Comment

                          Working...
                          X