عفشة النوبيرا

[sanhoty2000]

رجالة دايو نوبيرا
عاوز اعرف مكونات عفشة النوبرا 2 عشان عاوز اغير العفشه كلها عشان بسمع تخبيط وترزيع من الامام و الخلف و العفشجى قالى المساعدين خفاف فقولت بالمره اغير كله جديد وكنت سمعت عن مساعدين مونورو غاز على زيت ايه رايكم فيهم وهما ولا اجيب كونى ؟؟؟
وياريت اعرف باقى مكونات عفشة النوبيرا

[sanhoty2000]

متابع

[midooo_119]

مساعدين مونرو او البوجى ماركة المانى و بتعمل مساعدين لعربيات زى الbmw

[Ahmed Nasser]

طقم مساعدين منرو 1400ج بس هتظبط العربية جامد اوى

فيه بقى باقى مكونات العفشة اللى بتتغير
جلب مقصات
بطاحات
كوبيات
كاوتش ميزان

حدد اللى بايظ عندك الاول عشان تشوف ميزانيتك كام

[sanhoty2000]

احمد باشا وميدو باشا شكرا ليكم بس انا بسمع صوت دبدبه على اقل مطب و تزيق وصوت جاى من ورا تزييق العفشجى قالى المساعدين خفاف بس يمشوك شويه فانا قولت خلاص اغير العفشه كلها بالمره شغل يعنى على ميه بيضه عشان ابقى عارف كل حاجه فى العربيه عشان انا لسه شاريها بقالى 2 شهر وبظبط فيها كل شهر حاجه فارجو منكم معرفت مكونات العفشه كلها واسف على تاخير فى الرد نظرا لظروف عملى ولكم منى جزيل الشكر

[Ahmed Nasser]

مانا ياباشا قولتلك الحجات اللى هتتغير فى المشاركة اللى فوق

[sanhoty2000]

يعنى اغير دول بس عشان اخوك جديد فى موضوع ميكانيكا السيارات وبخاف من اشتغالات الصنيعية و انت اكيد عارف اشتغلات الصنيعيه

[Ahmed Nasser]

يعنى اغير دول بس عشان اخوك جديد فى موضوع ميكانيكا السيارات وبخاف من اشتغالات الصنيعية و انت اكيد عارف اشتغلات الصنيعيه

لأ ياباشا انت هتغير التالف فقط
وبعدين روح لاكثر من عفشجى يعملك مقايسة بالحاجات الللى هتتغير

[Sherif Khalifa]

تغير كل مكونات العافشة هيفرق معاك كتير جدا و ياسلام لو كويتش جديد
انا فضلت ارقع فيها حاجة حاجة و صرفت فلوس على الفاضى و المشاكل متحلتش غير مع تغير كل حاجة ( و طبعا الميزانية بتحكم)

- طقم مساعدين KYB or monoro حسب ما تحب انا جايب KYB وعجبنى جدا
- مقصات (انا جبت الاصلى و الاسبانى و غيرت جلب و كلة مكملش كام شهر) انا جبت مقصات CTR ,و الحمد لله تمام و معرفش السبب هل هما نوع جيد و لا تغير كل العافشة فرق فى الحمل على جلب المقص الله اعلم
-بارات طرف CTR
- 4 صوابع ميزان امامى و خلفى
- 2 بطاحات
- 2 كباية مساعد
- بيتجاب كمان كويتش حماية للمساعد من التراب

- و تتأكد ان كليبرات الفرامل مش مبوشة
لو مبوشة هتجيب صوابع جديدة يا تعملهم جلب عند الخراط و دا الى انا عملتة
لاتى حست ان الكلبرات نفسها هيا الى فتحتها وسعت (و دا بيعمل فرق فى الصوت جامد)
و تربط على علبة الدركسيون و الصلبة كويس و إن شاء الله تكون نتيجة مرضية