مساعده فى موتور النوبيرا 2001

[haimaN]

طبعا حضرتك لازم تغير الميكانيكي لانه من اولها كدا حرامي حتى لو عمرة كاملة بالكتير قوي 2500

ثانيا انت هتغير طقم شنبر بس + جوان التاكيهات + جوان وش السلندر + وشوية حاجات صغيرة جدا كلها ف النص اللي فوق للموتور

ثالثا مظنش انك هتحتاج شورت بلوك اللي فوق إلا إذا كان عندك مشكلة ف عمود الصبابات غير كدا بلاش تغيره - وطبعا لو غيرته دا ملوش علاقة بالمرور لان الرقم على جسم الموتور اللي تحت

رابعا زي الرجاله ما قالت ف الفترة الزمنية هي شغلة يوم عن الميكانيكي وكام يوم ولا اثنين لما الشنبر يطبع ولازم غيارة زيت

التكلفة ان شاء الله مش هتعدي من 1000 إلى 1500 بكل حاجة على اقصى تقدير

اما الميكانيكي والله موجود ولد زي الفل وابن حلال بتعامل معاه انا واصحابي من اكتر من سنة ونص كل شغله تمام ومحدش رجع ليه على اي حاجة بس المشكلة الوحيده انه ف الزقازيق لأني من الزقازيق - ان شاء الله هتلاقي واحد كويس قريب منك اكيد الاستاذ ممدوح هيقدر يفيدك ف موضوع الميكانيكي دا

ربنا يكرمك ويطمنك والله
انا فعلا روحت عند ميكانيكي مش اعرفه اوى لك قالي نفس كلامك بالضبط
وربنا يسهل ان شاء الله هاستني شوية كده واروح اعمل الموضوع ده