طريقة فك وحدة التكييف بالكامل...بالتفاصيل والصور

[مصطفى-حسن]

قبل ما ابدا بشرح طريقة الفك لوحدة التكييف بالكامل (سخن وبارد وخلط وتوزيع هواء)
لازم الاول تكون خلصت المراحل اللى قبلها اللى انا عاملها فى المواضيع دى
وهيا

http://www.nilemotors.net/Nile/343300-a.html

وبعدين

http://www.nilemotors.net/Nile/342016-a.html

وبعدين

http://www.nilemotors.net/Nile/347720-a.html

وبعد كدة هنيجى لفك الوحدة بالكامل اللى هيا دى للى مش عارفها لانها بتبقى مستخبية تحت التابلوة



للعلم فقط ومن باب المتابعة ان دى كانت مرحلة من ضمن عدة مراحل عملتها بنفسى وبايدى لتفوير صالون العربية بالكامل من اجل عزلها بالارما فلكس عزل صوت وحرارة حتى وصلت لهذة المرحلة



نيجى بقة لطريقة الفك
الاول هتفك اخر وصلتين كهرباء من الضفيرة لمروحة التكييف
هنشتغل هنا


وبعدين نحرر الفيشتين دول


كدة يبقى الوحدة بالكامل مش ممسوكة غير ب 5 مسامير 10
وكلهم فى صدر العربية
بس قبل ما نروح نفك
لازم تبقى فاهم انك وصلت لنقطة الاعودة
لاننا هنفضى شحن التكييف
يعنى لازم تكمل للاخر
ومش هيبقى فاضل عندك غير فك الدواسات بس
ويبقى صدر العربية كلة فاضى اشتغل واعزل بقى براحتك
نفتح الكبوت
وهنشتغل فى المنطقة دى


وهنبدأ الفك


وبعدين هنروح الناحية التانية
بس هنرفع العربية على الكوريك عشان هنشتغل من تحت
هنشتغل هنا بس من تحت





كدة يبقى مش فاضل غير المسمار اللى فوق
بس خلى بالك لازم يكون حد معاك جوة العربية عشان يمسك الوحدة
لان المسمار اللى انت هتفكة هو اخر مسمار ماسكها
نروح على المسمار الاخير مقاس 10 برضو وهو ورا الماستر بتاع الفرامل
ونفكة


وكدة الوحدة مفيش اى حاجة ماسكاها
وهتلاقيها نزلت بالشكل دة




بس فية تنبية بسيط
انا كنت فكيت علبة التلاجة اللى تحت اللى احنا بنفكها عشان ننظف السربنتينة بتاعة التلاجة ظننا منى ان دة بيساعد فى فك الوحدة بالكامل
بس اكتشفت ان دة ملوش لازمة
لانك بعد ما تفك الوحدة كلها بتطلع فى ايدك حتة واحدة
ودة كان الشكل النهائى بعد الفك


ودى صور للوحدة كاملة بعد الفك وهيا قدام المحل عندى
الصور من كل الاتجاهات










وفى النهاية ارجو ان يكون الموضوع مفيد للاعضاء
واى استفسار انا حاضر

[Dr.Solom]

مبدع كالعاده

Sent from my Sony Xperia™ Z smartphone

[ZOoOoMA]

تقرير رائع جدا تسلم ايدك على مجهودك الرائع

[Ahmed Nasser]

بجد تسلم ايديك ياباشا
وانت فعلا مبدع جدااااااااا

[abo_lamar]

الله يفتح عليك يا باشا

[monamize4]

فنان

[Karim_Monir]

احب اسجل اعجابي وتقديري بشدة للعمل اليدوي اللي كنت شاطر فيه قوي زمان وعندي طول بال رهيبة لكن حاليا السن ليه احكامه :-)
خالص تحياتي للجهود والشرح الدقيق

[a_arazik]

مجهود رائع كالعادة

[YahiaAshraf]

موضوع أكثر من رائع بجد

جزاك الله كل خير

[Ahmed-SAMIR]

الله ينور

[fooooot]

الله عليك يا فنان

[MOSTAFA . AHMED]

مجهود يستحق التقدير

[MITSUKERO]

والله ياباشا انت برنس

كده فاضل كيفية عمل فلتر تكييف هههههه انا عارف اني طماع بس انت اللي بتطمعنا في الجديد بالمواضيع الحلوة دي

[مصطفى-حسن]

مبدع كالعاده

sent from my sony xperia™ z smartphone

تقرير رائع جدا تسلم ايدك على مجهودك الرائع

بجد تسلم ايديك ياباشا
وانت فعلا مبدع جدااااااااا

الله يفتح عليك يا باشا

فنان

اشكركم جميعا على الردود المشجعة

[tarek_2005]

عمل ممتاذ ويستحق التقدير