نوبيرا 2 1999

[eslam atia]

[justify]السلام عليكم ورحمة الله وبركاتة
معروض عليا نوبيرا 2
اللون ابيض
الموديل 1999
اوتوماتيك
العداد 146000
الحاله العامة جيده جدا
الدواخل فابريكة
راشة حزام نظافة
يوجد بارومة في منطقة الاعتاب الخلفية وأخري بالجانب المجاور للشكمان
لما كشفت عليها الميكانيكي قالي هتحتاج كنترول فتيس وصاحبها قالي في بوش خفيف في عمود الكرنك
ولما رفعتها اساسيتها سليمة جدا
كاوتشات جديدة
جميع الكماليات
تكيفها تلج بمعني الكلمة
زجاج كهرباء
سنتر
مرايات ضم ( هتحتاج مكنة الجمب اليمين )
العفشة 85 %
الفرامل 100 %
الفرش الداخلي نظيف جدا
فكنت عاوز اعرف يعني ايه كنترول للفتيس
وموضوع البوش لعمود الكرنك ايه نظامة
مع انه قالي الموتور لم يحل مطلقا ،،
صاحبها عاوز فيها 41500
مستني رأيكم بكل أمانة
وجزاكم الله عنا كل خير
[/justify]

[Ahmed Nasser]

بص ياباشا
حاول تحدد البوش اللى فى الكرنك ايه بالظبط لانة ممكن تكون حاجة بسيطة وتطلع هلالات
وممكن يكون الموتور اساسا بيرزع حاول تحد واحدة من دول

اما بالنسبة لكنترول الفتيس
فالعربية دى فتيسها اتو كهربا والكنترول بتاعة ممكن يكون فى اى سى ضارب ولا حاجة

[eslam atia]

جزاك الله خيرا علي اجابتك
الموتور مش بيرزع
ولكن لما جيت اجري بالعربية قالي انه حاطط بنزين 80 لانة مفيش 92 ولا 90 ساعة ما راح يفول
فحسيت انها مكتومة ومش بتجري ولا بتجمع بسرعة وقالي ان دا سببة البنزين ولما كان فيها 90 كانت صاروخ
انما موضوع الكنترول فصراحة انا اول مرة اركب اوتوماتيك فمش عارف اذا مان الموضوع هين ولا دي مشكلة كبيرة
ورأي حضرتك في السعر دا
وجزاك الله خيرا

[Ahmed Nasser]

طالما مافيش ترزيع فى الموتور يبقى كدة دة بوش الهلا لات

اما الكنترول اسئل عليه استيراد

اما بالنسبة للسعر روح لسمكرى شاطر وخلية يبص على البارومة اللى فى العربية وشفها هتتكلف كام
وخلية هو اللى يدى سعر للعربية لانى مش هعرف اقولك على سعرها وهى فيها بارومة

[eslam atia]

معلش شوية استفسارات
يعني ايه بوش الهلا لات ؟
والكنترول دا يعني تغير فتيس بأكملة ؟ ويتكلف كام مثلا ؟؟
ولما العربية اترفعت الميكانيكي قال بكل أمانة ان العربية فيها بارومة اسفل البابين الخلفيين من ناحية الاعتاب
وامرها سهل وبسيط ، اما صاحب العربية فليه سمكري سعرة حنين اوي وقال هتتكلف حوالي 300 ج
والسعر نزلتة الي 40500
بس برضه مش عارف احكم الا لما الاقي اجابة علي الاسئلة
انها موديل 99
وحكاية كنترول الفتيس
والبوش اللي في عمود الكرنك
والبارومة
وجزاك الله عنا كل خير

[Ahmed Nasser]

كنترول الفتيس زى كنترول الموتور وتخلاتى بتقول ان سعرة عامل 600ج ولا حاجة اسئل على عند بتاع الاستيراد
الهلات دى لما بتبوش هية اللى بتخلى الكرنك يروح يمين وشمال (من طنبورة الكرنك للفتيس)
البارومة طالما امرها بسيط يبقى خلاص
ما موديل العربية 99
فدى بقى مش هتفرق معاك لان العربية تقفيل كورى خمات وجودة وتقفيل احسن بكتير
وللعلم نفس العربية والموديل موجود 2 مع اصحابى

وانا عن نفسى معايا نوبيرا97 مفكرش ابدا ابدلها بنوبيرا 2009
تحياتى

[eslam atia]

جزاك الله كل خير استاذ احمد

[Mohamed ELOoL]

يا باشا العربية من كلامك زي الفل و زي مااستاذ احمد قالك الحاجات الي فيها بسيطة و موضوع البرومة دي امرها سهل اوي

العربية عاملة 149 الف كيلو و موديل 99 يعني حالتها حلوة ماشاء الله

و سعرها 40500 دة تمن عربية لانوس موديل 99 حالتها معقولة اليومين دول

توكل علي الله ( بالتوفيق )

[olaya]

شكرا للافاده

[eslam atia]

جزاكم الله خيرا
رفع الله قدركم

[amr anwar]

السعر ده ممتاز ومغرى جدا مفيش نوبيرا بالسعر ده دلوقتى