دبدبة عند االدوارة وبعدين بتروح لما العربيه تسخن...من ايه؟؟

[a7med.7assan]

احلى سلام لرجالة الدايو
وللاستاذ ممدوح والبرنس طارق عبد السلام

العربيه عندى يارجاله لما بدورها بحس بدبه فى العربيه والدبدبه دى بتروح وتيجى لحد العربيه متسخن بعدها مبحسش بيها....وكمان يمكن من فتره مش طويله خالص كنت بشم ريحة شياط وانا فى الصالون فياترى ليه علاقه بموضوع الدبدبه اللى ظهر ده ولا دى حاجه ودى حاجه؟؟

شاكر ليكوا مقدما للتصيحه

[محمود السيد]

الدبدبة دى لان الموتور بيكون لسة بارد واما بيسخن بترواح او بتقل وابق روح لبتاع كاربرتير يظبطلك مسمار الهوا لانه ممكن يكون هو الى بيخلى الموتور يدبدب

[a7med.7assan]

الدبدبة دى لان الموتور بيكون لسة بارد واما بيسخن بترواح او بتقل وابق روح لبتاع كاربرتير يظبطلك مسمار الهوا لانه ممكن يكون هو الى بيخلى الموتور يدبدب

أ \ محمد شاكر لردك
لكن انا معنديش كربراتيبر العربيه انجسكشن وكمان موضوع الدبدبه ده جديد مكنتش بتعمل الصوت ده فى عز الشتا ده مؤخرا بس

[Ahmed Nasser]

الدبدبة دى لان الموتور بيكون لسة بارد واما بيسخن بترواح او بتقل وابق روح لبتاع كاربرتير يظبطلك مسمار الهوا لانه ممكن يكون هو الى بيخلى الموتور يدبدب

الكلام دة مش موجود فى الدايو

[hassanin_lada]

البوجيهات ياباشا عاوز تتغير

[exact]

قد اكون غلطان والله اعلم... لو الدبدبة جاية في المكنة من تحت...يبقى جايز فيه سبيكة بدأت تشاور عقلها... ولو من فوق تبقى مشكلة تاكيهات

[a7med.7assan]

البوجيهات ياباشا عاوز تتغير

أ \ حسنين شكرا لمرورك الكريم
لكن انا مغير بوجيهات من 5000 كيلو بس تقريبا...تفتكر ممكن تكون لحقة تبوظ؟؟ الحقيقه انا مش خبير اوى فى الموضوع ده لكن اعتقد ان 5000 قليل شويه عشان اغيرها...والله اعلم

ومستنى برده رأى حضرتك ورأى رجالة وعمالقة المنتدى

[a7med.7assan]

قد اكون غلطان والله اعلم... لو الدبدبة جاية في المكنة من تحت...يبقى جايز فيه سبيكة بدأت تشاور عقلها... ولو من فوق تبقى مشكلة تاكيهات

أ\ exact

فعلا الدبدبه بحسها من تحت ولو انى مش فاهم بالظبت تقصد ايه ب من تحت لكن اللى فهمت انى بحس بالدبدبه فرجلى لما العربيه تدور ومش بحسها وانا بره العربيه ...بس يعنى ايه سبيكه دى وتغيرها فى خطوره او مكلف ولا الموضوع سهل؟؟؟

[hassanin_lada]

أ \ حسنين شكرا لمرورك الكريم
لكن انا مغير بوجيهات من 5000 كيلو بس تقريبا...تفتكر ممكن تكون لحقة تبوظ؟؟ الحقيقه انا مش خبير اوى فى الموضوع ده لكن اعتقد ان 5000 قليل شويه عشان اغيرها...والله اعلم

ومستنى برده رأى حضرتك ورأى رجالة وعمالقة المنتدى

والله مش عارف هي دي وجهة نظري وشوف باقي الاراء وان شاء لله تكون حاجه بسيطه

لان معايا لانوس فيها الموضوع وهي مش دبدبه هي تقطيع في المكنه (وانا مكسل اغير البوجيهات)

جرب كده الصبح وانت بتدور افتح الكبوت وبص علي المكنه شوف هل في اهتزاز كل كام لحظه

شوف كل الدبدبه دي او التقطيع بيظهر مع هزت المتور وطالما العربيه لما بتسخن مافيش حاجه فيها يبقي انشألله بسيطه

صحيح هي عربيتك موديل كام وحالتها ايه !!

[ashraf_sms]

انا عندي الحكاية ديه في 128 ولما بتسخن بتروح او لما اجي ادوس بنزين

[Mohamed ELOoL]

انا بقول ان دي رشاشات

الرشاشات مش بتوزع كويس اول ما بتدور و هتلاقي عندك الموضوع دة الصبح بس صح !؟!

بتحتاج 6 _ 10 ثواني لحد تبتدي تدوخ كويس و تلاقي المكنة ركزت

[olaya]

شكرا للافاده

[olaya]

شكــــــــرا للافاده

[O.M.S]

السلام عليكم

انا المشكله دي كانت عندي بس كنت بلاحظ ان لمبه الزيت بتقعد منوره شويه والمشكله طلعت في طرنبه الزيت ضعيفه وغيرتها وراحت المشكله , اتاكد من اللمبه منوره لما يكون الصوت موجود ولا لا

[a7med.7assan]

السلام عليكم

انا المشكله دي كانت عندي بس كنت بلاحظ ان لمبه الزيت بتقعد منوره شويه والمشكله طلعت في طرنبه الزيت ضعيفه وغيرتها وراحت المشكله , اتاكد من اللمبه منوره لما يكون الصوت موجود ولا لا

ا / oms
لمبة الزيت ما بتنورش مع الدبدبه والحقيقه الموضوع محيرنى...متشكر لحضترك وياريت لو جتلك فكره تانبه متبخلش علينا بيها