اتخنقت بجد و ندمان فعلا انى اشتريت النوبيرا اتوماتيك

[korg]

اولا تحيه لفرسان المنتدى اللى بجد استفدت منهم كتير
المشكله زى ما البعض عارفها انى كنت اشتريت نوبيرا 2 اتوماتيك كهرباء موديل 99 اتحاد اوربى لما اشتريت العربيه كان فيه مشكلة فى الفتيس و الراجل قالى عليها بمنتهى الصراحة و هى لمبه power كانت بتنور و العربية مش بتسحب المهم بعد دوخه اصلح ولا اغير قولت اريح دماغى و اغير الفتيس المهم غيرت الفتيس و اجرب العربيه سحب زى الزفت و استهلاك عالى للبنزين طبعا مش من الفتيس يقال انه من البوابة المهم بعد التجربة مش شايف فرق بين الفتيس الجديد و القديم و بدأت اللمبة تنور تانى و بعد ما كشفنا عليها بالكمبيوتر قالى كمبيوتر الفتيس محتاج يتغير (( يادى النيله )) المهم غيرته هو كمان بجملة المصاريف و النتيجة برضو ضعف فى السحب و استهلاك عالى للبنزين و مش حاسس بأى فرق .
و موضوع استهلاك البينزين دا اللى بيحصل بالظبط ان بدال البنزين فى السلانسية بيرعش او بيلعب تحت رجلى و العربيه تحس انه حتبطل و ساعات فعلاً تبطل و استهلاك عالى جدا فى البنزين كأن العربية بتبلعه فالميكانيكى قالى البوابة محتاجة تتغير و انا مش مصدقة مش عارف ليه ؟
افيدونى افدكم الله اخلص من العربيه دى و اجيب حاجة مانيوال ولا فيه حاجه تانية ممكن تكون هى السبب و احنا مش وخدين بالنا منها ؟؟
و لكم منى جزيل الشكر

[grumby78]

الفتيس يافندم لما بيتغير استعمال بيبقى عالتجربه يعني لو فيه مشكله رجعه ..

[ashraf_sms]

مش غريبة يكون الفتيس فيه نفس المشكلة بتحصل حاول تتاكد من الفتيس سليم ولا لا ورجعه وجيب واحد افضل ولو بتتعامل مع واحد بس بتجيب منه الفتيس غيره ممكن يكون العيب من عنده والله واعلم وانتظر باقي الردود من الاعضاء برده

[hugan]

اتاكد ان الفتيس استيراد بجد
مش خلع من عربيه في مصر
كتير من التجار والميكانيكه مفيش عندهم ضمير

[CaptaiN-AhmeD]

ياباشا المشكله مش ف النوبيرا انا معايا والحمد لله زي الفل
المشكله زي ماوضح الاخوه الفيتيس دا عالتجربه
واتاكد منه بدل ميكون خارج من عربيه وبيعمل شغل عليك
منفعش ارجعله تاني عادي
مع تحفظي ان حضرتك اشتريتها وهي فيها مشكله رخمه زي دي
في ناس مش بتشتري مستعمل لو الكلاكس مش شغال
بس حضرتك في امر واقع ولازم تعالجه عشان تستمتع بالعربيه ان شاء الله

[semonmak]

المشكلة دى
حلها انك تغير سويتش الفتيس او ما يسمى فى الحرفيين بالسيلكتور
ومكنش له لازمة تغير الفتيس بالكامل من الاساس

ده لو مكنش كمبيوتر الفتيس فيه مشكلة دى اهم حاجة
لكن الفتيس نفسه ملوش علاقة بالعطل اللى بتتكلم فيه ده

[Mosmafa]

البوابة من الاخر حصلت معايا قبل كده

[moko_2004]

يا صديقي العيوب دى كلها عيوب حساسات في المكنة مش الفتيس
اولا اقطع علاقتك بالميكانيكي اللي بتتعامل معاه لأنة اكل على قفاك عيش بفلوس كتير
ثانيا النوبيرا الأوتو سحبها وحش و طلعتها بطة ودة في كل النوبيرا
الحل تعمل زييلو العربية دي تلزمك ونفسك تنطلق بيها تجيب موتور ليجانزا بفتيسة مرة واحدة ببوابة كهربا هيركب كلة في مكانة وهتدفع فلوس كتير بس هترتاح على الأقل 5 سنين و اللي كنت هتصرفة قطع غيار و حساسات هتجمعة مرة واحدة في الموتور الجديد دة
اولا هتقفل امبير العربية بمنتهى السهولة
استلاك البنزين واحد
الترخيص على سعة المكنة السابقة 1497 سي سي
طيب و المكنة و الفتيس القدام تعمل حضرتك في المرور شهادة بيانات و تبيعهمو بتمنهم تخفف تمن الموتور الجديد و انت الكسبان و شكرا

[eleanor]

دى مش مشكله فتيس فى حاجه مش مظبوطه فى الموتور

[ayman111]

السلام عليكم
المشكلة اللي حضرتك بتوصفها مشهورة في العربيات النيسان صني و بتكون عادة من ضفيرة الكهرباء اذا تعرف حد كهربائي شاطر يكشفلك على الضفيرة و يفيدك او تغيرها ان كانت متوفرة على فكرة اللي بيتغير هو الضفيرة الخاصة بالموتور و الحساسات و ده سهل جدا و بيتم خلال ساعتين على الاكثر

[amr_shaaban]

كان عندي مشكلة مشابهه

انا معايا نوبيرا كوري موديل 2000 ... كان بيحصل معايا مشكلة مشابهه.... لمبة البور تعد تنور و تطفي و السحب يضعف ... و ضعف السحب نتيجة ان مع العطل ده الكنترول بيلغي النقلات 1 و 2 .. و العربية بتطلع علي ال 3 فبتحس ان السحب في الضياع

العطل اللي كان بيتكرر عندي هوا حساس الكرنك.......... و بالفعل اما غريتة بواحد جديد راح العطل ده تماما و الحمد لله

انا ما اعتقدش ان تغير كذا فتيس و يظهر عندك نفس العطل!! اكيد سبب العطل حاجة تانية خاااااااالص

و ربنا معاك

[Ahmadhamza84]

أنت متأكد ان المشكلة من الفتيس ؟!!

[korg]

و اخيرا عدت بعد طول عناء و رحلة شقاء

اولا / اسف على التأخير طوال هذه الفترة و لكن كلها كانت تجارب و الحمد لله كلها بائت بالفشل الزريييييييييييييييييييع و خلاص عاوز اجيب جاااااااااااز و اولع فى العربيه و الحمد لله
ثانيا : الرحلة بدات زى ما قولنا فى الأول بتغيير الفتيس و كانت نفس المشاكل موجودة ضعف فى السحب و لمبة power ما زالت على نفس الحال لحد مر غيرت الكنترول بتاع الفتيس و نوعا ما اللمبة انطفئت و لكن الفتيس كما هو نتشه ما بين الأول و الثانى المهم حططها على الأسكنر قالى حساس شكمان ثم حساس كامة ثم كنترول الموتور طبعا انا دماغى بقت بتلف لوحدها
اعمل ايه يا ربى المهم المهندس بتاع الكمبيوتر قالى نجرب الكنترول الأول علشان ظاهر عندى عيوب كتير قولت ماشى غيرته على تجربة نفس العيب قالى حساس الكامة قولت ماشى جبت استعمال نفس العيب قالى هات واحد تانى جديد قلت لاء و قررت الآتى :
حرجع كل حاجة زى الأول بالظبط رجعت الفتيس و الكنترول بتاعة و كنترول الماكينة و حساس الكامة و العربية زى ما هى بالظبط .
غيرت انا من نفسى كنترول الفتيس عيب لمبة البور راح خلاص ... الحمد لله
قولت اتعايش مع العربية و اسايسها و امشى بيها كدا لحد ما ابيعها و رضيت بالنتشه و بضعف السحب المهم جات انباح عملت حاجه غريبه جدا الفتيس رجع يعمل نفس المشكلة تانى و هى الرزعه الجامدة دى و ما يسحبش بس اللمبة مش بتنور المشكلة بقى ان الموضوع زاااااااااااااد جدا جدا جدا بمعنى ان المشكله تحصل كل ما ادوس فرامل بمعنى انى ادور العربية و بمجرد ما امشى و ابتدى اهدى تعمل كل يعنى لو حطيط رجلى على الفرامل كل متر تعمل كدا اضطر ابطل و ادور تانى فا مش عارف هل الفرامل ليها علاقة بالفتيس ولا اولع و اخلص

[فبريكا]

ربنا يعينك ويوفقك لطريق الصواب اعتقد الميكانيكي مش شاطر روح لحد تاني ومتخصص لا تياس.

[gonet]

ياباشا في ميكانيكية كتيرررررر شاطرين حاول تسأل علي حد كويس بيشكروا فيه