كوعة المية تقريبا اتكسرت ياااريت الافادة

[mohamedwasel]

العربية سخنت جدن المني امبارح وانا علي الاوتوستراد فوقفت الحمد لله في الوقت المناسب نزلت بصيت علي قربة المية لقيتها فاضية خالص مع اني كنت لسة مزود مية قبلها بيوم فقولت ازود مياة جيت بحص المية لقيت الكولية اللي رابط الخرطوم علي الرياداتير مكسور فالحمد لله سواق نقل كان معدي كان معاه واحد فحطهولي علما بأن طرف الكوع عندي تقريبا اتكسر خالص فالمية بتقع بطريقة رهيبة لان الخرطوم بيربط علي مافيش .

فالكوعة ديه سهل انها تتركب ياعني و تمنها كام و تتجاب منين و مصنعية التركيب في حدود قد اية ياريت الرد والافادة

[truss]

ايه اللى اتكسر بالضبط الكوع اللى فى الردياتير ولا الكوعة اللى فيها الثرموستات اللى فى الموتور؟

[mohamedwasel]

ايه اللى اتكسر بالضبط الكوع اللى فى الردياتير ولا الكوعة اللى فيها الثرموستات اللى فى الموتور؟

gلا هي كوعة الترموستات اللي قي الماتور

[truss]

الكوعة عشان تتغير هيتفك وش التقسيمة (كأنك بتغير سير كاتينة) فبالتالى مصنعيتها تقريباً كأنها مصنعية تغيير سير كاتينة.
سعرها كام ما اعرفش, و بالمرة اكشف على الثرموستات.

[a_arazik]

gلا هي كوعة الترموستات اللي قي الماتور

لو كوعة الثرموستات هي اللي اتكسرت هتحتاج تفك وش التقسية كأنك بتغير سير الكاتينة وتجيب كوعة جديدة وتغيرها واوعي الميكانيكي يفتيلك ويقولك شيل ثرموستات الكوعة عشان بتسخن العربية وشكرااااااااااااااااااااااااااااا

[alaa_tawfik]

ولا اى فك تقسيمه انت بتشترى كوعه كاملة تعملها 60 او 70 جنيه بيبقى فيها الترموستات و تتركب بمسمارين 12 من ادام الموتور عالواقف كده و متخافش دى مش قصه

[samfady]

ولا اى فك تقسيمه انت بتشترى كوعه كاملة تعملها 60 او 70 جنيه بيبقى فيها الترموستات و تتركب بمسمارين 12 من ادام الموتور عالواقف كده و متخافش دى مش قصه

يا باشا الكلام ده فى النوبيرا لكن الراجل معاه لانوس