الماكينه خفيفه

[samehenany05]

الميكانيكى قالى الماكينه خفيفه ولما اكبسلها اوى بدخن من الخلف ياترى اقدر امشى بيها عادى ولا اعملها طقم شمبر ... انا عاوز امشى بيها شويه لحد ما الظروف تتحسن شويه وبعدين هل موضوع طقم الشمبر ده مضمون ولا انا وحظى وممكن بعد ما اصرف يقولك نغير ماكينه وياترى اعمل حسابى على كام لو شمبر

مع العلم بشغل التكييف عادى وبحمل ناس فى العربيه ومش حاسس بمشاكل غير ان الزيت كان بينقص شويه بس اعتقد ان نقص الزيت ده ان استخدمت نوع رضئ شكله كان بيتبخر بسرعه

[lanos2004]

طقم شنبر لو خامه كويسه ومقاس صح --هيبقه تمام جدا

[samehenany05]

التكلف كام والمصنعيه للميكانيكى وهل لو استنيت لحد ابريل فى مشاكل

[Ahmed Nasser]

التكلفة ياباشا كلاتى
شنبر جى ام 180 وفيه 150 و120
جوان وش سلندر فيه 40 والاصلى 130
وجوان غطا تكهات تقريبا 50ج
وتكلفة المصنعية من 200 الى 250ج
وهتحتاج تغير كاوتش صباب بحوالى 70ج ومصنعية خراط قول برضو70ج
دة طبعا لو شنبر بس

ومتسناش لغاية ابريل عشان متسلخش بساتم وتبوظ الشمايز

[blazer]

هو الشمبر بيتجاب ببمقاس معين ? ولا بيتجاب بلمقاس الاصلى للعربيه

[tarek_2005]

الشنبر بيتجاب في حالته دي (( موتور اول مرة يتفك وتغير شمبر بدون ذهاب شمايز للخراط )) استاندرد

[Ahmed Nasser]

زى ما الاستاذ طارق قال
لو اول مرة بتجيب شنبمر استاندر

اما بقى لو فك قبل كدة
بتجيب 010 و020 حسب ما الشمايز اتاكلت

[samehenany05]

ياترى الموضوع ده مضمون والماكينه بتبقى تمام بعدها ولا انا وحظى

[blazer]

الشنبر بيتجاب في حالته دي (( موتور اول مرة يتفك وتغير شمبر بدون ذهاب شمايز للخراط )) استاندرد

تسلم ياباشا على الرد
يعنى معنى كدا ان الشمبر هو الى بيكون اتضرر ومحتاج يتغير و الشميز تمام