البوجيهات مهببه

[amr anwar]

ارجو الأفاده من خبراء منتدانا الكرام انا خواف شويه وعلشان كده بعمل صيانه للعربيه فى غير مواعيد الصيانه بدرى شويتين امس روحت للميكانيكى ينضف رشاشات وبوابه وبص على البوجيهات لقى البوجيه الرابع مزيت والبوجيهات كلها مهببه وسودا (محروقه)سألنى البوجيهات دى بقالها قد ايه قلتله 3 شهور وعملت بيهم 3 الاف كيلو فقلى لازم نغيرهم وغيرت فلنر بنزين برده على 3 الاف لنى فتره حطيت بنزين 80 وعاوز استفيد من خبراتكم مش المفرود الفلتر والبوجيهات يتغيرو على 10 الاف
وايه سبب السواد الجامد (هباب) على البوجيهات وموضوع البوجيه المزيت
اسف للأطاله

[aldesha989]

من البوابه او البوجيهات

البوجيهات علشان تهبب

بنزين كتير وهواء

[abo_lamar]

اكشف على حساس الشكمان يا باشا

[tarek_2005]

مقولتش اي معلومة مفيدة عن عربيتك وحالتها علشان نعرف نرد عليك
الموتور عامل كام الف
سنة صنع السيارة
اخر صيانة تمت ليها ايه

[أحمد جودة]

هباب البوجيهات مش مقلق دي ظبطة هواء مع بنزين واكيد لو لاحظت العربية هتلاقيها بتستهلك بنزين بزيادة شوية عن الطبيعي

بالنسبة للزيت مقدرش افيدك بس بتحصل معايا احيانا مع ان الموتور عندي سليم ومظبوط وقاللولي ممكن يبقي زيت زيادة او ممكن تركب كراسي للبوجيهات علشان تبعدها

[amr anwar]

مقولتش اي معلومة مفيدة عن عربيتك وحالتها علشان نعرف نرد عليك
الموتور عامل كام الف
سنة صنع السيارة
اخر صيانة تمت ليها ايه

اسف لتأخرى فى الرد نظرا لمتابعه الأوضاع الحاليه رنا يعديها على خير
عربيتى نوبيرا 2 موديل 99 الخليجى موتور 1500 الموتور مسقطه من سنه يعنى مش عامل كتير لكن العربيه عامله 180000 الف كم اما موضوع الصيان فهو ده المشكله اللى بكلم فيه انا وصلت لمرحله انى مغير بوجسهات على 3000 نوعها ngk وبغير معاها فلتر بنزين ودى فتره قريبه وزى ما قولت ىحالتها بتبقى صعبه والعربيه بتاكل بنزين جامد

[amr anwar]

هباب البوجيهات مش مقلق دي ظبطة هواء مع بنزين واكيد لو لاحظت العربية هتلاقيها بتستهلك بنزين بزيادة شوية عن الطبيعي

بالنسبة للزيت مقدرش افيدك بس بتحصل معايا احيانا مع ان الموتور عندي سليم ومظبوط وقاللولي ممكن يبقي زيت زيادة او ممكن تركب كراسي للبوجيهات علشان تبعدها

كلام حضرتك بالنسبه للبنزين حقيقى فعلا استهلاك البنزين عالى
لكن اعمل ايه بالضبط فى ظبطه البنزين مع الهوا

[amr anwar]

اكشف على حساس الشكمان يا باشا

انا مغير حساسا شكمان قريب

[لا لحكم المرشد]

متابع

[Ahmed Nasser]

اللى عندك غالبا رشاشات
اما الزيت غشوف فية كربون على البوجية ولا لأ

[amr anwar]

اللى عندك غالبا رشاشات
اما الزيت غشوف فية كربون على البوجية ولا لأ

يعنى الرشاشات عايزه تتغير
وفعلا فيه كربون على البوجيهات

[Ahmed Nasser]

الكربون كدة علامة على ان شنبر الموتور خفيف حاول تعملة متمشيش علية كتير