بلى العجل الخلفى

[Ahmed-SAMIR]

سؤال اذا كان ممكن اغير بلى العجل الخلفى بنفسى ولا لأ
واذا كانت الاجابة بنعم ياريت تفيدونى عن الطريقة بالتفصيل الممل على طريقة نايل موتورز اللى بتخلى الواحد لو عاوز يفك قمر صناعى ويركبه تانى من غير مشاكل :-)

[tefa22m]

الطريقه ديه عملتها فى عربيتى النوبيرا
1- فك العجله
2- فك الكبايه اللى راكبه فى النصف و شيل التيله من نصف الصاموله
3- فك الصاموله تقريباً 24 هتلاقى البليه الخارجيه اسحبها عادى خالص
4- دقتين كده على الطنبوره و طلعها هتلاقى البليه الداخليه فى الطنبوره من جوه و قبلها اولسيل كاوتش او جوان اسود كده غيره بالمره للأمان و ده اللى بيمنع الشحم بتاع البلى يدخل جوه .
ماتنساش تشحم البلى بشحم رموبيلات نظيف.
ارجو ان اكون قد افدتك

[Ahmed-SAMIR]

الطريقه ديه عملتها فى عربيتى النوبيرا
1- فك العجله
2- فك الكبايه اللى راكبه فى النصف و شيل التيله من نصف الصاموله
3- فك الصاموله تقريباً 24 هتلاقى البليه الخارجيه اسحبها عادى خالص
4- دقتين كده على الطنبوره و طلعها هتلاقى البليه الداخليه فى الطنبوره من جوه و قبلها اولسيل كاوتش او جوان اسود كده غيره بالمره للأمان و ده اللى بيمنع الشحم بتاع البلى يدخل جوه .
ماتنساش تشحم البلى بشحم رموبيلات نظيف.
ارجو ان اكون قد افدتك

متشكر جدا على المساعدة وان شاء الله استنى ردى بعد ما انفذ خريطة الطريق :-)

[Mohamed ELOoL]

هي تقريبا مش بتحتاج لخراط

[Ahmed-SAMIR]

هي تقريبا مش بتحتاج لخراط

انا عارف بس كنت شايفها حوار كبير كنت محتاج اتأكد من حد خبرة اكتر منى علشان فى حاجات كتير لقيتها مش بتحتاج لكذا صنايعي بس مش بالبساطة الكافية انك تعملها لوحدك

[walaaeldeen]

السلام عليكم
البلي الأمامي هو الى بيحتاج خراط لكن الخلفي لأ
والله المستعان

[hisham343]

صريقة الفك سهله جدا بس المشكله في التركيب ، لازم تخلي بالك اثناء التركيب طبعا استخدام شحم جيد ، وبعدين بعد تركيب البليه و الورده هتربط الصاموله(24) بايدك الاول وبعدين (الطريقه اللي انا باستعملها) تبتدي تربط بمفتاح عزم لحد عزم 20 نيوتن و بعدين تفك الصاموله تاني 180 درجه وتشيل المفتاح وتربط الصاموله بايدك ( لاقصي ما تستطيع) وبعدين تحط التيله وتتني الاطراف السفليه بتاعتها وتركب الكبايه بعد م تحط فيها شوية شحم ، الغرض من الطريقه دي وضع البليه في مكان معين علي الاكس المخروطي مع عدم وجود خلوص يسمح باي حركه غير مرغوبه وفي نفس الوقت منزنقش علي البليه ونسبب تلفها بسبب زيادة الاحتكاك والحراره ، الطريقه دي طبعا محتاجه مفتاح عزم ولقم وهي الطريقه السليمه لتركيب البليه.

[Ahmed-SAMIR]

بس انا احدد العشرين نيوتن دول ازاى؟

[hisham343]

تحديد عزم الربط للصاموله عن طريق مفتاح العزم ، هوه مفتاح العزم ده مهم جدا علشان الشغل في العربيه يبقي صح، فيه مشكلتين في الموضوع الاول لازم تعرف عزم ربط كل صاموله وده بيكون علي حسب كاتالوج العربيه، والمشكله التانيه ان مفتاح العزم ده غالي شويه اقل سعر للواحد 200 جنيه وانت محتاج 2 علي الاقل علشان يغطوا مختلف عزوم الربط في العربيه.

[mostafa mahmod]

بص لما الميكانيكى كان بيركب
كان بيلف الصاموله لدرجه معينه و يقوم لافف الطنابير بايده لو لفت بسهوله و نعومه تكمل ربط و تجرب تانى
لغايه ما تلاقيها بتتلف بصعوبه تقوم فاككها شويه لغايه ما تبقى سهله و ناعمه فى الدوران
.
ده اللى انا شفت الميكانيكى بيعمله
و الله اعلم برضه

[Ahmed Nasser]

بس انا احدد العشرين نيوتن دول ازاى؟

لو بتستخدم طقم لقم ووصلة ويد عزم هتعرف تدد العزم اد ايه
بس لازم يكون عندك خبرة جامدة
اولا صامولة زى دى بتربط على عزم 20 يبقى كد هتحط وصلتين وتربط 20% من الفة الكاملة اللفة الكاملة
اما مثلا صامولة صغيرة بتربط 30 هبقةى محتاجة نصف وصلة فقط وتربط 30% من اللفة الكاملة

بس طبعا الكلام اللى انا قلتهولك دة لو مشفتوش على الاقل بيتعمل قدامك متجربهوش !