ياريت لو حد فاهم يقولي الصوت حه من ايه

[beshoylove1]

في صوت عندي في العربيه بقاله يجي 5 شهور وكل مرروح للمكانيكي عشان يشفهولي يدخلني في حاجه جحيده . الصوت طالع من المكنه و مش معروف هو فين بظبط هو عامل صوت شخلهله زي متكون حاجه سيبه و بتخبط مع العلم ان مفيش اي حاجه سايبه . الصوت ده بيطلع اكتر و بيبان اول ما العربيه تتركن و تبرد شويه و اول متسخن يبتدي يروح صوت الزن ده . غيرت بلي الدينامو و بصيت على بلي الشدادات و كل حاجه سليمه . اخر حاجه الميكانيكي قالي دا الصوت جي من الكارتيره تحت ده شكلو مسمار من بتوع البلات سايب و مسمع . و قام فاكك تحت و مجمد عليهم و برضه فضلت زي ما هي . مع العلم اني لو ركنت العربيه يومين مثلا و ممشتش بيها ممكن لما ادورها متعملش الصوت ده . الصوت ده قرفني و اخر حاجه الميكانيكي قالهالي قالي دي شكلها شواكيش و نفوك نشوفها . بس مردتش افك و اهش في مواويل تانيه . يارب حد يكون حصل معاه حاجه زي دي ويفدني عشان انا زهقت . الصوت اول ما العربيه تدور بحس ان في شوخشيخه في الماتور و عماله تزن . م . النيكانيكي قعد يجرب في الفتيس و بليت الدبرياج و برده الصوت مش منها . هو الصوت مسمع في المكنه بس ممكن تكون حاجه مش جوه المكنه نفسها يعني بليه او حاجه كده . وبرده بصيت عالشكنان مفهوش حاجه سيبه

[Mohamed ELOoL]

حاول تفتح الكابوت و تسمع الصوت جي منين عشان نعرف نسعدك

هي العربية لما بتسخن الصوت بيروح خالص ؟؟!!

و بعدين بسيطة ان شاء الله

[aldesha989]

الشواكيش تخبط مش تشخلل والله اعلم

[Ahmed Nasser]

الصوت جاى من انهى حتة فى المكنة حاول تحدد

[beshoylove1]

الصوت قريب من انو يكون في المكنه من وره من عند الرشاشلت كده . بس الصوت مسمع في المكنع كلها و صعب تحديده بظبط .

[beshoylove1]

هو لما بتسخن مش بيروح خالص بس بيبقى خفيف قوي

[Ahmed Nasser]

غالبا صوت كستبانات

[beshoylove1]

انا قريت موضوع في المنتدى هنا كان حد عنده نفس الصوت ده بس مكتبش طلع من ايه و الموضوع ده من 2009

[tarek_2005]

بص علي صاجة الفرن وممكن تفكها وتجرب العربية بدونها بس لفترة قصيرة جداً
بص علي مقاس الزيت جرابه ثابت في مكانه من تحت ولا سايب
بص علي ماسورة فايز الزيت ثابته من اسفل ام لا

[casper9114]

انا كان عندى صوت تخبيط فى المكنة سألت ساعتها مكانيكى على الطريق جاب سماعة ذى بتعت الكاترة و قالى ديى المكنة خبتط روحت للمكانيكى بتاعى كشف و قالى دى طرمبة بص روح الاكتر من مكانيكى و متحكلوش انت عملت اية او غيرت اية و شوف راى كل و احد اية

[beshoylove1]

انا بحاول احدد العيب انا عشان تعبت من تجارب الميكانيكيا . والله كنت بفكر في موضوع السماعه ده اهو ممكن يبين . ... على فكره في واحد صحبي كمان عنده الصوت ده قي عربيته و لانوس برضه . يعني شكلها حاجع نتشره و بتبوظ عند كذا حد

[hassanin_lada]

اخبار طرومبة الميه ايه !

[beshoylove1]

جديده و متغيره من كام شهر .... الصوت عانل زي كاتينه العربيات الادا لنا يبقى الشداد مكسور و تعد تشخلل و تعمل صوت

[hassanin_lada]

طيب شيل السير بتاع الطرومبة كده ودور لو راح يبقي من الطرومبة

شوف كده لو كان ظهور الصوت مع تغير الطرومبة

وبعدين هو انت بتعايرني اكمني معايا لادا
:d

[beshoylove1]

لا خالص انا اصلا كان معايا لادا قبل مجيب لانوس . و للاسف مينفعش تتفصل لوحدها لانها على سير التقسيمه و طبعا مينفعش اشيله