حساس فرامل لانوس ؟؟

[amoro]

حد يعرف قطعة اسمها حساس فرامل للانوس ؟؟؟
اصل انا الاستوبات مش بتنور مع دوسة الفرامل فروحت للكهربائي غير اللمض و برضه ما اشتغلتش
راح فاكك قطعة كده من فوق دواسة الفرامل و قاللي غيرها
جيبتها ب 35 جنيه اصلية 4 طرف (اللي كانت راكبة كانت 2 طرف)
قاللي فيه ناس بتزود اتوبات و لمضفبيجيب ال4 طرف للكل المهم
اخدتها و ركبتها انا لكن الاستوبات شغالة علي طول و مش عارف اعمل ايه تاني؟؟

حد يفيدني

[swimmer25]

أكيد إنت ركبتها غلط...فعملت أكنها كوبري أكنك وصلت السلكين ببعض علي طول
راجع التوصيل تاني

[amoro]

مش عارف بس هي ليها اتجاه واحد بس يعني ما ينفعش تركب غلط

[Moabany]

مش عارف بس هي ليها اتجاه واحد بس يعني ما ينفعش تركب غلط

حضرتك راجع الرجلاش بيكون فيه جزء اول ما تدوس الفرامل يتم تحريرة وبالتالي اللمبات تنور
واول ما تشيل رجلك الدواسة ترجع الجزء ده تاني تقوم اللمبات تطفي
حاول تضبط الرجلاش ده مع الدواسة
ان شاء الله بسيطة

[swimmer25]

مش عارف بس هي ليها اتجاه واحد بس يعني ما ينفعش تركب غلط

أنا قصدي تركيب السلك في مكانه عشان إنت قلت إنك جبت الجديدة 4 طرف
جرب تركب سلك من الاتنين في طرف تاني

[Ahmed Nasser]

يااما مركب اسلاك غلط يا اما الدراع عايز يترجلش

[amoro]

حضرتك راجع الرجلاش بيكون فيه جزء اول ما تدوس الفرامل يتم تحريرة وبالتالي اللمبات تنور
واول ما تشيل رجلك الدواسة ترجع الجزء ده تاني تقوم اللمبات تطفي
حاول تضبط الرجلاش ده مع الدواسة
ان شاء الله بسيطة

يعني ايه رجلاش الدراع مش عارف ازاي

[amoro]

يااما مركب اسلاك غلط يا اما الدراع عايز يترجلش

مافيش اي احتمال الاسلاك تركب غلط هو الحساس في الفيشة الفابريكة
الحساس اتغير في نفس الفيشه مع عدم احتمال عكس الاطراف لان الاتجاه اجباري
ماينفعش يركب الا في وضع واحد فقط
و بالنسبة للرجلاش انا مش عارف ده يعني ايه لان المكان مزنوق جدا و اول مابركب
الحساس في الفيشة الاستبات بتنور علي طول و لما بركب الحساس في الدراع بيفضل منور

[Ahmed Nasser]

بص ياباشا
هتلاقى الدراع اللى طالع من مكنة الاستوب وبيكون لامس بدال الفرامل
شد الجزء دة لبرة تكة واحدة فقط وبعدين جرب لو النتيجة هى هى شد تكة كمان وهكذا
بالتوفيق

[amoro]

بعد محاولات عديدة عرفت الميكانيزم وتم التركيب بنجاح :)
شكرا للجميع