الكاوتش

[shekooo]

ايه رايكم يا جماعة انا نازل اشترى فردتين كاوتش ومش عارف محتار بين الجى تى gt والكومهو فلو حد جرب يقولى اجيب الافضل فيهم لان سعرهم يعتبر واحد

[mh3]

بس انا جربت في عربيتي نوبيرا 2004 الفولدا جل جامد جدا وسعره حوالي 500جنيه هو نوع كوتش الماني افضل من الكومهو وجي تي عموما الوتش موجود عند واحد في السابع اسم المحل جي تي ده اسم المحل

[Dr.Solom]

Kumho ecsta spt

Sent from my Sony Xperia™ Z smartphone

[Ahmed Nasser]

kumho ecsta spt

sent from my sony xperia™ z smartphone

+11111

[tone]

طول عمري بجيب كومهو
لكن بيقولوا الجي تي أفضل لأن أندونيسيا أصلا بلد المطاط

[shekooo]

يعنى اتوكل على الله واجيب كومهو اكستا

[swimmer25]

أان لفيت زيك وسالت
الهانكوك عمل مع واحد صاحبي بلالين
الجنرال والكونتننتال بردو بيعملوا بلالين
الكومهو مش بيعيش اوي
الجوديير زبالة...دي تجربتي مع موديلين منه
اليوكوهاما عجبني جدا بس لسه مستخدمتوش كتير
البيريلي الريفيوز عنه حلوة اوي وبيعيش وتماسكه علي الاسفلت عالي بس طبعا غالي بس مش اوي

فيه بقي الفالكين...وده جنابه ناشفه فتوقعت انه مش هيعمل بلالين زي الجنرال والكونتننتال جنابهم طرية اوي...نقشته حلوة وحلو جدا مع الفرامل ومش بيسخن بسرعة
قلت اجربه وعملت بيه 3000 كم..مالوش صوت خالص

[shekooo]

الحمد لله نزلت عند الايمان اللى فى الدقى اللى بيقولوا عليه اولاد بيومى واشتريت Kumho ecsta وبجد فردة حلوة اوى وجبتها 410 جنيه بالتركيب والترصيص كمان وكنت عرفت ان فيه ناس اشتكت من التعامل معاهم وانا قلت للحج الكبير بتاعهم وبجد راجل محترم جدا حتى اما كلمته فى التليفون امبارح قبل مااروحله كان ذوق جدا مع العلم الفردة دى لقيتها عندى فى العمرانية 485 جنيه من غير تركيب المهم نزلت النهاردة جبتها وفعلا قابلت اللى فى المحل اللى اسمه حسام واقرع كده وفعلا اسلوبه مش تمام فى المعاملة وسالت على الحج مالقتهوش المهم خدتهم من غير اى تعامل معاه وبعد ماركبتهم كلمت الحج عالموبيل واشتكتله منه وانه بيعامل الناس معاملة مش كويسة وممكن حضرتك تدخل على نايل موتورز وهتلاقى ناس كتيير بتشتكى منه لانه بيعامل الناس معاملة وحشة فكان قعد يقولولى حقكم على وماتزعلوش وانا هخليه يحسن اسلوبه مع الناس واتاسفلى وطلب ان ماحدش يزعل منه والمحل محلكم ودى نمرته لو حد عاوز يستفسر منه على اى حاجة 01223966154 ودى تجربتى النهاردة

[hassabooo]

مبروك عليك يا باشا .. انا جيت نفس الكاوتش ده في نوبيرتي بعد ما قرأت عنها هنا في نايل موتورز من 3 شهور ب 420 جنية من عبدة امين اللي في المعادي .. و هي عن تجرة حلوة اوي في الفرامل و طرية و نقشتها حلوة كمان

[Ahmed Nasser]

الف مبروك ياباشا

[shekooo]

الله يبارك فيكم جميعا