تسعير موتور استيراد

[Tarek elbeblaw]

السلام عليكم و كل عام وانتم بخير
ديه أول مرة ليه في قسم الدايو
أخويا معاه عربيه لانوس 1 وهو مهمل جدا في الصيانات, و كنت راكب معاه من حوالي شهر و سمعت صوت عالي جدا طالع من الكبوت زي ما تكون حاجه بتتكسر كده و قولتله لازم يشوف ايه المشكله ولكنه طنش
المهم من يومين لقيته بيكلمني و يقولي ان العربيه وقفت منه وانه اخدها على الميكانيكي (والعبد لله اصلا خبرته في العربيات و مشاكلها ضعيفه) و ان الميكانيكي قاله ان شاكوش !!! مكسور جوه الماتور و لازم يحل الماتور !!!! وبعد ما حله قال انه لقى كذا حاجه مكسوره جوه الماتور وان احسنله يجيب ماكنه استيراد جديد.
السؤال دلوقتي نجيب الماكنه ديه منين و تمنها هيكون في حدود كام ؟؟؟
و شكرا

[Ahmed Nasser]

سعر مكنة الانوس 2000ج وطالع

[حسام السويدي]

انا كنت جايبه رمضان الئ فات كاملهدبدون فتيس2800ج

[shaddadfalcon1]

المواتير غليت بسبب ارتفاع سعر الدولار

لسه سائل عليه من اسبوعين بالفتيس عامل 3700 والفتيس لوحده عامل 700 يعني المكنه ب 3000 ونفس السعر لل 2 كامه

اعتقد في بورسعيد هتلاقيها ارخص من كده بكتيير

[Ahmed-SAMIR]

انا اشتريت بلوك من شهرين تلاتة بــ 2000 وكانت كاملة بــ 2500 وبالفتيس بــ 3000 وانصحك تجيبها كاملة وبيع الزوايد اللى مش لازماك

[Tarek elbeblaw]

شكرا للكل على الردود
يعني ان شاء الله اعمل حسابي في حدود 2000 ل 3700 جندي
طاب اتقل عليكو شويه معلهش بسؤالين
1- اجيبه منين احسن من الحرفيين و لا بورسعيد ولا مش فارقه
2- ازاي اقدر اعرف حالة الماكنه وانا باشتريها, يعني اعرف ازاي هي عامله كام كيلو
وسؤال للاستاذ shaddadfalcon1 هو الموتور ال 2 كامه يفرق ايه عن الموتور اللي كان فيها , يعني هيفرق في السرعات او السحب او صوت الماكنه ؟؟
وشكرا

[Ahmed Nasser]

شكرا للكل على الردود
يعني ان شاء الله اعمل حسابي في حدود 2000 ل 3700 جندي
طاب اتقل عليكم شويه معلهش بسؤالين
1- اجيبه منين احسن من الحرفيين و لا بورسعيد ولا مش فارقه

مش فارقة اهم حاجة الحالة بتاع الموتور

2- ازاي اقدر اعرف حالة الماكنه وانا باشتريها, يعني اعرف ازاي هي عامله كام كيلو :n_no[1]:

بتعرف من حالة البوجية ومن خرطوم الفايظ اذا كان مدخل زيت على البوابة ولا لأ

وسؤال للاستاذ shaddadfalcon1 هو الموتور ال 2 كامه يفرق ايه عن الموتور اللي كان فيها , يعني هيفرق في السرعات او السحب او صوت الماكنه ؟؟
وشكرا

الفرق كبير بين الاثنين
بتاعك واحد كامة 86 حصان اما الموتور التانى 2 كامة 110حصان
بس لو بتمش جوة البلد كتير منصحكش بية

[حسام السويدي]

1- لازم معاك ميكانيكي ثقه وشاطر 2- انصحك الحرفين عشان لو لقدر الله في مشكله تروح الحرفين مش تسافر بورسعيد تاني

[mhopa2440]

هو حضرتك لو الفتيس سليم والدينامو والمارش وكمبوروسر التكييف

يبقى هات ماكينة بلوك افضل هتلاقي موفرة ف السعر ومن راي الاثنني كامة افضل لان عمر الموتور بيكون اطول والقدرة الحصانية اعلى زي ماقال الأخ الكريم

ف نقطة تانية ان الموتور اثنني كامة بيكون عمر سير الكاتينة فيه افضل لانه بيلف نصف عدد لفات السير اللي راكب ف موتور كامة واحدة
+ لو انت مسافر مشوار طويل ومحمل ناس معاك الاثنين كامة حاجة كدا تحفة والكامة الوحدة هيتأثر كتير جدا وهتطر تحرق عليه الغيارات عشان تعرف تمشي

وربنا يوفقك

[Tarek elbeblaw]

يا جماعه شكرا ليكو على تعاونكم
بجد انا مش مصدق كمية النصايح ديه , يعني انا مستغرب ازاي واحد ما تعرفوهوش و تتواصلوا معاه بالطريقه الهايله ديه
جزاكم الله خيرا و جعله في ميزان حسناتكم

ان شاء الله اتلايم غلى الفلوس و انزل الحرفيين على نهاية الاسبوع و هحط في دماغي موضوع ال 2 كامه دهوة علشان فعلا العربيه بيتسافر بيها كتييييير
و شكرا

[shaddadfalcon1]

بس ياريت تحط في بالك تعدل الفرامل كمان عشان الموتور الجديد هيبقي قوي جدا علي العربيه وهيغريك في الجري والفرامل اللي موجوده يادوب علي قد ال 1 كامه

[Tarek elbeblaw]

بس ياريت تحط في بالك تعدل الفرامل كمان عشان الموتور الجديد هيبقي قوي جدا علي العربيه وهيغريك في الجري والفرامل اللي موجوده يادوب علي قد ال 1 كامه

شكرا على النصيحه
طاب الفرامل الجديدة دهية يبقى نوعها ايه, يعني اقول للمحل بتاع قطع الغيار ايه بالظبط ؟؟
وهل هحتاج اغير حاجه تانيه لو جبت الموتور ال 2 كامه !!!!
شكرا

[Ahmed Nasser]

شكرا على النصيحه
طاب الفرامل الجديدة دهية يبقى نوعها ايه, يعني اقول للمحل بتاع قطع الغيار ايه بالظبط ؟؟
وهل هحتاج اغير حاجه تانيه لو جبت الموتور ال 2 كامه !!!!
شكرا

هتجيب جنبن لانوس 1600
وطقم جنوط 14

[MMamdouh]

لو جاب جنبين لانوس 1600 هيحتاج يغير كبالن

MMamdouh

[MMamdouh]

لو جاب جنبين لانوس 1600 هيحتاج يغير كبالن

MMamdouh