العربية بتسخن و عداد الحرارة مش بيرفع

[hawary2]

السلام عليكم

انا معايت دايو ﻻنوس موديل 99
العربية عندى بتسخن و عداد الحرارة زى ما هو على الوضع الطبيعى مش بيرفع لما العربية تسخن
انت كنت عايز اعرف المشكلة دى ممكن تكون من ايه و ايه الى ممكن عايز يتغير
ارجو اﻻهتمام

شكرااااااااا

[rotanamasoud]

حاجه من اتنين يا العداد سليم وانت بتشتغل نفسك(طيب ايه اللى عرفك انها بتسخن ازيد من اللازم)
يا العداد بايظ بس ازاى بيرفع لحد درجه الحراره الطبيعيه وبعد كده بيبقى قارى غلط

[aldesha989]

متابع

[حسام السويدي]

انا كنت خايف زيك واتاكدت ان العداد تسليم عندي
والاعضاء هنا طمنوني خصوصا ان ده في الصيف وشئ طبيعي
قدام العداد سليم وبيجي عند العلامه

[monamize4]

عرفت منين ان العربية بتسخن اكتر من قراية العداد ؟؟؟؟

[sakr_skoda]

حساس الحرارة اللى راكب على كوعة المية هو المسؤل عن نقل الاشارة الى العداد بدرجة حرارة الميه وتلفة يتوقف عن اعطاء اشارة صحيحة....*

على فكرة دا انا مسمية اللهو الخفى بجد دوخنى وكلفنى كان عداد الحرارة فول لدرجة انى كنت بمشى 5 كيلو واقف لحد ما تبرد وفى النهاية توصلنا الى السبب وكان اللعين حساس الحرارة اشتريتة لفيفورتى ب 55 جنية وركبته بنفسى فى الشارع من قرفى صاحب المحل قال لو ركب مش حيرجع قلت يارجل جات على دى دا انا صرفت حوالى 1500 ومافيش فايدة واول ما ركبت الحساس بسم الله مشاء الله العداد ظبط ....

[tarek_2005]

حساس حرارة المياه في اللانوس والمسئول عن قراية المؤشر موجود في المنافولد بجوار رشاش بستم رقم واحد شوف فيشته راكبة صح ولا لاء

[hawary2]

عرفت منين ان العربية بتسخن اكتر من قراية العداد ؟؟؟؟

عرفت علشان وانا ماشى بالعربية العربية فجاه بطلت منى و نزلت فتحت الكبوت و بصيت على الموتور لقيت خرطوم المياه ضرب و العربية مفيهاش مية و الموتور سخن و كان المفروض عداد الحرارة يرفع لكن مرفعش

[hawary2]

حاجه من اتنين يا العداد سليم وانت بتشتغل نفسك(طيب ايه اللى عرفك انها بتسخن ازيد من اللازم)
يا العداد بايظ بس ازاى بيرفع لحد درجه الحراره الطبيعيه وبعد كده بيبقى قارى غلط

عرفت علشان وانا ماشى بالعربية العربية فجاه بطلت منى و نزلت فتحت الكبوت و بصيت على الموتور لقيت خرطوم المياه ضرب و العربية مفيهاش مية و الموتور سخن و كان المفروض عداد الحرارة يرفع لكن مرفعش

[rotanamasoud]

عرفت علشان وانا ماشى بالعربية العربية فجاه بطلت منى و نزلت فتحت الكبوت و بصيت على الموتور لقيت خرطوم المياه ضرب و العربية مفيهاش مية و الموتور سخن و كان المفروض عداد الحرارة يرفع لكن مرفعش

بالنسبه لعربيتى مكان حساس الحراره فوق عند مكان اخد الهوا وده له تفسير عندى معرفش ينفع التفسير عندك ولا لا
مكان الحساس العالى لو حصل نسبه هوا او نقص فى الميه الحساس حيقيس درجه المعدن وليست درجه الماء وهنا حيحصل تهييس واعطاء قرائات خاطئه
عشان انا حافظ نظام عربيتى بعرف اذا كانت اخده هوا ولا لا من عداد الحراره
يعنى ممكن العداد عندك قاس قياس طبيعى بس للمعدن مش لدرجه المياه لانها كانت ناقصه فمظهرش عندك خطء فى العداد

[dedi]

لو كشفت عليها اسكانر ممكن تعرف درجة الحرارة و تتاكد انة لو مهيس و تتاكد انة المشكلة من فين و اعتقد انة حساس الحرارة بس من الواضح انة فية انواع منة مضروبة انا غيرت 3 منة و كان قية منة 15 جنية و 25 جنية و احد الاعضاء قال انة اشتراة 55جنية