لمبة الزيت هجننى

[MMIsmail]

يا جماعة عندى حاجه غريبه لمبة الزيت بتنور (ترعش) والعربية مموره ولما ازود بنزين أو أتحرك بالعربية تطفى مش عارف ده إيه

[Ahmed Nasser]

دة معناه ان ضغط الزيت ضعيف وبيترتب على حجات كتير
نوع الزيت
فلتر الزيت
طرومبة الزيت

الاول غير زيت وفلتر وبعدين شوف

[FAR!D]

او ممكن ساعه الزيت (حساس الزيت ) اللي في الكرتيره بايظه او داخلها وسخاه من الزيت ( وعن تجربه شخصيه وكنت حلبس طلمبه زيت على الفاضي) غيرها و شوف هيا مش غاليه او خلي الميكانيكي يجرب واحده من عنده لو فيه

[osamaab]

ابدا بلاسهل والاقل تكلفه
1- غير ساعه الزيت ثمنها حوالى 10:15 جنيه وجرب
2- غير الزيت والفلتر وهاتهم من مكان موثوق فيه علشان الغش فيهم كتير وان شاء الله المشكله تتحل
علشان متتدخلش على الطرمبه وهى اكثرهم تكلفه

[أبو حمزة]

طب ممكن سؤال ساعة الزيت فين وفيشة اللمبة فين علي الموتور ويا ريت صور لو سمحتوا