حطيت جركن زيت مضروب والموتور اتبهدل اخر بهدلة

[Ahmed Nasser]

بسم الله الرحمن الرحيم
السلام عليكم ورحمة الله وبركاته

رجالة الدايو ربنا يعود عليا وعليكو الايام بخير
فى الايام الخيرة دى حطيت جركن زيت شل الاصفر وكان شغال كويس فى البداية
وبعدها وانا مسافر (كنت بدور على بنزين ورجليا خدتنى لغاية مدخل اكتوبر وانا من الفيوم)
وانا ماشى كل حاجة تمام سحب وقرص مافيش بعد كدة وانا على طريق اسيوط الغربى ماشى 140
والدنيا زى الفل فجاة الاقى تنتيش قولت يبقى طرومبة البنزين لان اللمبة كانت منورة
وبعد التنتيش بقى تقطيع ومافيش سحب والعربية سرعتها بتقل بالتدريج واكبس بنزين مافيش
المهم نزلت وفتحت الكبوت الاقى خرطوم الفايظ شغال بيطلع دخان كثيف جداااااا
والعربية بدخن دخنة فظيعة
والكستبانات عمالة ترزع والموتور بيترجرج على السلانسية
قولت اكمل وخلاص ولما ارجع عطيت الاول وجيت اطلع كان الموتور شغال 2 سليندر
برضو مشيت والحمدلله مونت ورجعت من طريق مصر الفيوم والعربية حالتا بتزيد للاسوء
مفيش سحب وبعد ماتقلت دمى على الغيارات جابت 160 بالعافية وبعد تقطيع وتنتيش
ولما دخلت الفيوم نزلت اقيس الزيت كان تحت تحت خالص يدوب معلم بالعافية
المهم زودة ومشيت وصوت الكستبانات بيزيد والموتور بيتحول للاسوء

بعد ماروحت البيت كشفت لقيت طرومبة البنزين تعمل بكفاءة
تغير بوجهات وبرض مافيش سحب
والكستبانات فيها كام كستبان مش شغال وعاملين صوت
والموتور بيترجرج ومافيش سحب بسببهم
وكدة الموتور بقى فية شنبر

عايز اعرف الاسعار اية دلوقتى
عشان ابتدى افك
طقم كستبانات
طقم شنبر
جوان وش سليندر

ولكم جزيل الشكر

[eng.m7md.ali]

زيت شل بقى زفت

ربنا يكون في عونك وحمد الله على السلامة

[Mohamed ELOoL]

معلش يا صحبي ربنا يعوض علك خير

انت جبته من اي محل والا ايه ؟!؟!

[Mohamed ELOoL]

معلش يا صحبي ربنا يعوض علك خير

انت جبته من اي محل والا ايه ؟!؟!

[hossamalsadik]

أنا لسى حطت زيت شيل الصفر من 500كم وكنت بحط موبيل 2000ك الابيض
الناس فضلت ورايا لحد ماحتيط شيل بس الى الأن مفيش مشكله ياخوفى من الى جى
ربنا يستر

[MITSUKERO]

كده هتغير طرمبة زيت و كستبانات و سبايك و كرنك و كاوتش صبابات و شنبر و احتمال بساتم

غير الموتور و ريح نفسك و عوضك علي الله

[المنسي]

ربنا يعوض عليك بس ياريت تقول لنا جبت الزيت المضروب ده منين

[Ahmed Nasser]

زيت شل بقى زفت

ربنا يكون في عونك وحمد الله على السلامة

الله يسلمك
هو كان ممتاز وكل الناس بتشكر فيه
بس هية معظم الماركات المشهورة بتضرب

معلش يا صحبي ربنا يعوض علك خير

انت جبته من اي محل والا ايه ؟!؟!

انا جبتة من محل بتعامل معاه انا واصحابى فى الفيوم

أنا لسى حطت زيت شيل الصفر من 500كم وكنت بحط موبيل 2000ك الابيض
الناس فضلت ورايا لحد ماحتيط شيل بس الى الأن مفيش مشكله ياخوفى من الى جى
ربنا يستر

بعد كدة هات فيسكو 3000 احسن منة بكتير لانة نصف تخليقى
او هات شل بس من مكان مضمون زى البنزينة كدة

[Ahmed Nasser]

ربنا يعوض عليك بس ياريت تقول لنا جبت الزيت المضروب ده منين

جبتة من محل فى الفيوم
وبتعامل معاه انا واصحابى يعنى مش اول مرة اجيب منة

كده هتغير طرمبة زيت و كستبانات و سبايك و كرنك و كاوتش صبابات و شنبر و احتمال بساتم

غير الموتور و ريح نفسك و عوضك علي الله

لأ لأ مش كل دة
لغاية الان الكستبانات بترزع
والعربية بدخن ودة شنبر وش

وان شاء الله لما افك هشوف باقى الحاجات اخبارها ايه

[a_arazik]

الحمد لله قدر الله ماشاء فعل اللهم اجرة في مصيبتة واخلفة خيرا منها

[tarek_2005]

حذرت كتير اوي من الشل ومحدش كان بيصدق كلامي
قدر الله وما شاء فعل بس كان يجب عدم القرص والعربية مش مظبوطة وكان يجب مسايستها حتي لا تذيد الخسائر

[hossamalsadik]

بعد كدة هات فيسكو 3000 احسن منة بكتير لانة نصف تخليقى
او هات شل بس من مكان مضمون زى البنزينة كدة

انا ديما ومن زمان مابجبش غير من البنزينه نفسها بصراحه لا اثق فى محلات الزيوت

[JAM]

لاحول ولا قوة إلا بالله
والله زعلتلك يا أحمد
معلش.. وربنا يقويك.. ولو لقيت نفسك داخل فى حورات كبيرة .. هات شورت بلوك وخلاص
قدر الله ما شاء فعل

[Sherifmidooo]

قدر الله وما شاء فعل والحمد لله ان انت سليم
وربنا يعوضك خير ان شاء الله بس فعلا محلات الزيوت المفروض ان محدش يثق فيها

[S O P H O S]

قدر الله وما شاء فعل
ان شاء الله يكون الاضرار قليلة