ياجماعة لو سمحتم محتاج حد متخصص في دايو لانوس

[محمد مجدي خالد]

ياجماعة لو سمحتم محتاج حد متخصص في دايو لانوس
العربية كان فيها مشكلة ان دواسة الدبرياج بتلصق في الارض لما العربية بتسخن وتمشي مشوار حوالي 30كم مثلا
ولما تقف وتبرد بتشتغل عادي
روحت اغسلها النهاردة صوت الموتور زاد بعد الغسيل وعلي اوي وحاسس ان العربية مخنوقة اوي مش عارف من ايه وكان دواسة الديبرياج بتضخ بنزين في الموتور مع ان الموتور لسة جديد ومتغير من 4 اربع شهور ومافيهوش مشكلة رحت لميكانيكي عفشة ربنا يسامحه قال ديسك واسطوانة غيرتهم ولسة الدواسة بتلصق روحت له تاني يوم قال لي غير خزنة الدبياج غيرنا الخزنة وبرضو بيلصق قال لي يباة الخرطوم غيره غيرناه وبرضو بيلصق لما خلاص معتش عارفاعمل ايه خربت بيتي مصاريف وصنايعية بصراحة معدومي الضمير ومحدش فاهم حاجة وكل واحد بيطلع بفتوى غير التاني بجد العربية دي جابت لي المرض وعلت عليا الضغط والسكر حد عنده فكرة العيب في ايه ممكن يفيدني

[ahmedhilmy]

انقل موضوعك في قسم الدايو و هناك ما شاء الله وحوش هتلاقي حل لمشكلتك مباشره

[tarek_2005]

غيرت الزيت الباكم اخر مرة امتي واستعملت dot 3 ولا dot 4
غيرت انهي مستر دبرياج العلوي ام السفلي

[محمد مجدي خالد]

غيرت الزيت الباكم اخر مرة امتي واستعملت dot 3 ولا dot 4
غيرت انهي مستر دبرياج العلوي ام السفلي

أشكرك أولا على الرد والاهتمام يا طارق بيه ..تسلم ياملك ......انا النهاردة رحت لواحد غير لي فعلا زيت الباكم واشتريت حاجة اسمها طقم ديبرياج عبارة عن سوستة صغيرة كدا جوة قطعة جلد وتقريبا كانت تالفة وخلاص وبعدها جربت العربية في مشوار اطول من اللي كان بيخلي الدبيرياج يلصق ومالصقشي بعد تغيير الزيت ده وطقم الديبرياج خلاص الحمد لله ....لكن للأسف مازال صوت الموتور عالي جدا بعد الغسلة اياها ورحت لواحد ميكانيكي قال حساس الواجهة ده ممكن يكون عطلان رحت لواحد بتاع كشف الحساسات لكن للاسف معرفشي فين العيب وبيقول لي ان الحساس سليم ومافيش مشكلة في الحساسات لكن مازال صوت الموتور عالي ومش لاقي حد يشخص الخطأ فين بالظبط ميكانيكي يقول لي الموتور سليم وبتاع الحساسات يقول لي الحساسات سليمة لكن محدش عارف ليه صوت الماكينة عالي كدا ...هي ممكن غسلة تقصف عمر العربية كدا وتدهور حالها بالشكل ده

[Mohamed ELOoL]

المشكلة دي كانت عندي اول ماجبت العربية و راحت لحدها

روش عليها wd40

[tiger_mrmr2000]

ساعات الميه بتدخل الدينمو وبتخشن البليه بتاعته والله اعلم