مراوح الردياتير مش شغالة

[rocket64]

كنت مشغل التكيف على السرعة 4 و فجاة فصل و مراوح الردياتير وقفت بس التكيف لسة بيشتغل على سرعات 1 و 2 و 3 بس مروحتين الردياتير مش شغالين خالص و بالتالى العربية بتسخن
غيرت الكتاوت الى فى علبة الفيوزات الى فى الكبوت بس مفيش فايدة ؟

[hossamalsadik]

المفرود بتشيك على الكتاوت ثم الفيوزات
ثم أختبار المراوح خارجيا لبيان أنها شغاله وتعمل
لو أحترت وملكش فى قصص الصيانه عليك وعلى كهربائى
وشيك على السلوك بردو موضوع أختبار المراوح بتوصيلها بكهربة من البطاريه مباشرة ده هيقولك ان العيب من المراوح نفسها ولا لا ولو أشتغلت يبقى مفيش غير الكتاوت او الفيوزات او سلك او سوكت مش راكب تمام

بالتوفيق

[aldesha989]

وصل الاسلاك بتاعتى على البطاريه على طول زى ما قالك استاذ حسام ولو اشتغلت يبقى اكيد العيب كتاوت او فيوز او سلك مقطوع او ثرموستات الحراره

[rocket64]

المشكلة كانت سلوك المراوح كانت ملمسة- الشيكارتون ساح و عمل قفلة

الحمد للة

[mhopa2440]

المشكلة كانت سلوك المراوح كانت ملمسة- الشيكارتون ساح و عمل قفلة

الحمد لله

خلي بالك من حاجة مهمة جدا جدا جدا جدا جدا جدا


معنى ان السلك يسخن لدرجة انه يسيح معنى كدا ان المراوح فيها مشكلة واحتمال كبير بنسة 99% ان الشربون بتاعها يكون ملمس من جوه المروحة

في الحالة دي المروحة هتشتغل زي الفل بس السلك بتاعها هيسخن لدرجه انه هيسيح ولا قدر الله ممكن يعمل حاجات تانية

الطبيعي ان السلك مش بيسخن خالص لو كان المروحة شغالة على السرعة العالية او البطيئة

شغل التكييف عشان المراوح تشتغل وافتح الكبوت وامسك سلك كل مروحة لوحده لو حسيت انه بدأ يسخن افصل المروحة اللي سلكها بيسخن وروح لكهربائي اما يغير الشربون (بس صعبة شوية) او تغير المروحة بس اوعى تمشي عليها كدا امشي على مروحة واحدة افضل ان مروحة ممكن تسبب ليك مشكلة كبيرة جدا