العفشة !!@

[amr_shaaban]

ايه السبب اللي يخليك راكب في العربية و حاسس بكل طوبة بتمشي عليها عالارض كأن ما فيش عفشةة!!

و يا سلام لو عديت علي cat eye بتحس العربية بتدغدغ

ده يبقا مساعدين ولا سوست ولا ايه بالظبط؟

[walaaeldeen]

السلام عليكم
في الغالب المساعدين
وممكن تكون البيض او البطاحات
خلى عفشجي يكشف عليها افضل
والله المستعان

[Mohamed ELOoL]

مساعدين

[mshmshm3]

استاذي الفاضل
اكيد لما تعدي علي حتة مكسرة او عين القطة بسرعة هاتحس بيها اوي
لانك لما تعدي علي حاجة مكسرة بسرعة المساعد بيطلع و ينزل بسرعة . هنا بتحصل مقاومة من المساعد بينشف مش بيطلع للاخر و بالتالي تحس ان العربية ناشفة و تكشف علي العفشة تلاقيها سليمة الحل انك تمشي علي الطرق المكسرة بالراحة و عين القطة هو ده الهدف منها انك تقلل سرعتك عشان ماتدايقش من الرجة اللي بتحصل
و ده موضوع هايوضح اكتر

http://www.nilemotors.net/Nile/98710-a.html

[MMamdouh]

مساعدين او كاوتش او ضغط هوا فى الكاوتش

MMamdouh

[amr_shaaban]

شكرا لجميع الاخوة اللي اجتهدوا و ردوا علي سؤالي

بالنسبة للكاوتش بتاعي بقالة اقل من سنة ... كومهو ما اعتقدش انة السبب

المساعدين واحد عفشجي قالي زمان انة سلام بس ناشفين!!

و بالنسبة للاخ اللي قالي اني باخد المطبات بسرعة .. انت معاك حق اكيد بس انا بقارن العفشة دلوقتي بحالتها من سنة او اتنين ... بقت ضياع

[ahmedsamy90]

اكشف على المساعدين عند عفشجي كويس ....... زى ماقالوا لحضرتك الاعضاء الافاضل ....... لأن في الغالب مشكلة مساعدين او بيض.

[RedBull_30]

الجلب والتيش

[إبراهيم المصرى]

طالما وصلت الى هذا الحد يبقى اكيد عايزه تتفك واللى فيها يتعمل والاحتمالات كثيره ممكن مقصات او سوست او مساعدين او بطاحات او علبه الدركسيون والاغلب ان السوست مش شغاله ممكن بسبب البطااحات ممكن تفتح الكبوت وتهز العربيه وتبص على البطاحات وتلف الدركسيون يمين وشمال وتبص لو فيه بوش هيبان المهم لازم عفشجى محترم يبص عليها وربنا يوفقك للخير

[mshmshm3]

لو الكاوتش هوا عادي غيره نيتروجين افضل