عربية نوبيرا ممكن مساعدة

[yaserhosne]

معروض علياعربية نوبيرا موديل 2004
مطلوب فيها 40000
بس خايف اجيبها لعدة اسباب وهى
موضوع استهلاك البنزين
موضوع العفشة
ممكن حد يساعدنى

[tefa22m]

2004 سعرها 40 الف ؟؟؟؟؟؟؟؟؟؟
على العموم اكشف عليها كويس لو تمام اتوكل على الله فرق البنزين بينها و بين اللانوس لا يذكر

[Lifz_Good]

بص .....
هوا السعر رخيص حبتين
فا اكشف عليها كويس أوي (فليها بالمللي) علشان متندمش بعد كدا انك لم تتأنى في الفحص شوية بسيطة كمان
وربنا يوفقك يا كبير :)

[kokah]

لو اوتوكاتيك لا متفكرش فيها علشان بيباة معيوب دية نصيحة لوجة اللة وانتة حر

[kokah]

واتاكد انها فبريكة دواخل
وزي زقال lifz فليها كويس علشان متندمش

[engwael]

ده مش سعرها اكيد فيها حاجة

[Mohamed ELOoL]

!!!! 40 !!!!

طب ماخودها انا :d

دي اكيد مئلوبة سبع مرات من علي الدائري :d

[m0hsen]

سعر العربية دى لو مش راشة دواخل بيكون فى حدود ال 53 الف الى 55 الف دو لو راشة بره كمان وعدادها فى حدود ال100 الف كم

[yaserhosne]

العربية كانت معاقين ومرفوعة وانا متاكد من المعلومة دى
هو كان طالب 45000 بس انا خلصت على اربعين اشترى ولا اخد مقلب فيها
على فكرة العربية مع واحد معرفة

[AlGazar2]

الى انت خايف منه حاجات بسيطة و ليها حلول رخيصة

استهلاك البنزين طول ما انت مش بتشد و تحرق استهلاك معقول جدا جدا حوالى 100 كيلو لكل 6.5 لتر فى الطوالى و من 8 الى 10 لتر فى الزحمة مع التكييف

بالنسبة للعفشة المشكلة كلها فى نوعية المقصات و الجلب المضروبة الى فى مصر و حلها تركب للمقصات جلب فورد دى بتعيش فيها لغايه ما المقص كله يبوظ و ميبقاش نافع تانى و دى رخيصة برضه مش غاليه
او تجيبلها مقصات استيراد حالتهم حلوه الواحد هيبقى ب 90 او 100 جنية بالكتير

و طالما انت متأكد من حاله العربية و سعرها ارخص من السوق و جاية من بره يعنى امكانيات اعلى من الى هنا بكتير توكل على الله و هاتها

[Ahmedkapooo]

يباشا اكشف عليها كويس اوى اوى العربيه دى ونصيحه بلاش اتوماتيك خالص ضعيف فيها ومش حلو
انا عربيتى رشه بره فقط اتوماتيك موديل 2002 جيبها على 42 الف
مابالك دى 2004 على 40 الف ؟؟؟
وخصوصا ان سعر العربيات كلها رفعت ؟؟
فليها ووديها عند سمكريه كتيره ومكانيكيه كتير اوى واكشف عليها بالاسكان واطمن عليها دواخل اوى اوى