سؤال لمالكي سيارات دايو الاستيراد

[nefary]

كنت بسأل الناس اللي عندهم دايو استيراد العربيات استعمال الخارج عن العربيات اللي اشتروها
اجراءاتها وتخليص ورقها

وسؤال خاص للاعضاء اللي عندهم دايو نوبيرا 2 استيراد
انا شفت في بورسعيد عربيات 1500 . اللي عنده عربية زي دي يا ريت يقول ايه عيوبها ومميزاتها و اداءها عامل ازاي و قطع غيارها كويسة ولا لا وكده

ياريت الاعضاء ترد عليا عشان انا عايز اشتري عربية من دول بس متخوف

شكرا

[ads]

انا معايا نوبيرا 2 موديل 99 العربيه جميله بس يفضل تجيب مانيوال لان فتسها كهرباء ومفيش حد كويس بيفهم فيه لاكن المانيوال كل المكانيكيه شغلين فيه كويس + قوة السحب والشد فى المانيوال احسن واهم حاجه انك تقلب فى العربيه كويس وتاخد حد يكون فاهم كويس فى العربيات

[safaamohamed]

اهم حاجه متكونش مركونه بالنسبه للاجراءات حتدخلها باسم واحد معوق ولا باسمك تفرق الخصومات الاول تختارها وتتفق على سعرها ياريت تمشى بيها شويه لانى ماجربتهاش وفيها عيب مش عارفه اتصرف فيه لحد دلوقتى وبعد كده البائع حيخدك يعملك الاجراءات فى ساعه وتستلمها بعد يومييين ان شاء الله

[magdy_momo]

انا كنت انهعارده في بورسعيد
هات لانوس 1 افضل من حسث قطع الغيار و الاداء

النوبيرا مفيش اقبال عليها هتلاقيها مرطرطه في المخازن

[hazem_khidr]

احنا جايبين نوبيرا 1 معاقين برضه
و لسه عليها مشاكل
و كنت ناوي ابيع السويفت و اجيب واحده
لكن بعد اللي شفته
تغور بنضافتها حتي لو ببلاش

[nefary]

انا عارف ان اجراءاتها تعب بس العربيات تستاهل فعلا. مواصفات احسن وفي عربيات كتير مش مرشوشة ومش تعبانة عكس مصر مفيش عربية موديل 2006 سليمة. أنا محتار فعلا زكنت بفكر في النوبيرا وشفت عربية كانت تحفة , اوتو و كاملة بفتحة سقف و اير باج و اي بي اس. وكان سعرها كويس بس موضوع الموتور ال 1500 ده قلقني و موضوع انها 99 غريب عشان اصلا اول انتاج للنوبيرا 2 في اوروبا 2000 . فانا مستغرب . سمعت برضه ان النوبيرا الاوتو مشاكلها كتير جدا و ان النوبيرا الاوتو اللي في بورسعيد فتيسها مختلف فكنت عايز اسأل اللي عنده النوبيرا دي هيا متعبة برضه ؟ وقطع غيارها نادرة؟

اما بالنسبة للانوس مشفتش عربيات تستحق في بورسعيد الصراحة رغم انها رخيصة.

حاجة اخيرة . انا كنت عايز اعرف لو في حد هنا في المنتدى يعرف طريقة لتخليص الاجراءات حتى الناس اللي معاهم العربيات دي لو يدوني خبرتهم في تخليص الورق ولو في حد ممكن اتعامل معاه

[alaaxb]

السلام عليكم

لو سمحتم انا عايز اعرف النوبيرا 2 الكورى 1500 Cc كام حصان؟
شكرا جزيلا لكم

[mo7a_mo7a]

حاجة اخيرة . انا كنت عايز اعرف لو في حد هنا في المنتدى يعرف طريقة لتخليص الاجراءات حتى الناس اللي معاهم العربيات دي لو يدوني خبرتهم في تخليص الورق ولو في حد ممكن اتعامل معاه

يا ريت انت اللي تقولنا
انت رحت بورسعيد واكيد سالت وسمعت من الناس هناك
يا ريت تكتب بالتفصيل اللي سمعته وكمان تقولنا علي الاسعار هناك عاملة ايه.. لان الحكاية دي مهمة جدا وانا عايز اعرفها من فضلك

[osa_hassan2020]

انا جايب نوبيرا 1 اوتو ومعايا من سنتين ومفيش مشاكل فيها وكل قطع الغيار متوفرة لانها بيتركب فيها قطع غيار النوبيرا 2 ماعدا الفوانيس بس عربية جميلة جدا ومفيش فيها مشاكل والعربية باسمي وهي 1500 Cc

[ahmedabdelhamid]

يعنى يا جماعة العربية تتكلف كام هشتريها بكام وكمان هخلص الورق بكام كلة على بعضة من بورسعيد

[mohamedbook]

سعرها =40
المعاق ياخد=7
فك الحظر=9600 لو المعاق معاة رخصة
فك الحظر=12000 لو المعاق معهوش رخصة
اجراءة اخر وحبشتكنات وترخيص وتغيير سير كتينة السيارة وربط عفشة وخلافة=2500ج
دة غير وجع القلب
الاجمالي40000+7000+9600+2500 =59100
الاجمالي40000+7000+12000+2500 =61500
انصحك هتها جديدة احسن
وبلاش موضوع المعاقيين دة هيأرفك اخر أرف

[alaaxb]

الأخ mohamedbook
السلام عليكم
عايز اعرف هل ممكن فك الحظر بدون ان يكون للمعاق رخصه اصلا؟
لو سمحت جاوبنى اصل ده مهم جدا بالنسبه لى
انا اشتريت سياره من بورسعيد بأسم أخ من المعاقين ولم ترخص حتى الأن.
انا اسمى هانى وتليفونى هو
0168801147
لوسمحت اعطينى تليفونك للتواصل للأهميه القصوى
شكرا جزيلا لك وجزاك الله خيرا

[alaaxb]

يا جماعه ممكن حد يفيدنى فى موضوع فك الحظر ده لو سمحتم

[ahm3d ham>ed]

ياجماعه انا عايز اعرف فتيس النوبيرا 2 1500cc الكهرباء زي فتيس ال لانسر

[magidmahmud]

فك الحظر بيكون 9600 جنيه ولو المعاق مش معاه رخصة بيبقى فيه 2000 جنيه غرامة
أنصحك بلاش لان الحوار كله قرف وطويل