عادم الشكمان متقطع وخروج بنزين نى

[MHMD Alexndria]

الســــــــــــــــلام عليكم ورحمة الله

خبراء المنتدى الكرام عايز اعرف سبب عادم الشكمان متقطع وصوته عالي شويه( كركره) وخروج بنزين نى وصوت الموتور بقى مبرجل شوية والعربية كأنها متلتة بتقطع مني مع اني مغير بوجيهات قريب جدا ياباني 3 شمعه وكانت زى الفل وسحبها ممتاز بس مش عاف ايه اللي حصل فجأة شاكك في سلوك البوجيهات ممكن تكون السبب وخايف جدا تكون رشاشات وحساسات والكلام الكبير ده
منتظر أراءكو

[a_arazik]

حضرتك اولا البوجيهات الاستاندرد بتاعت العربية ngk PBR6ES غيرها الاول وشوف الدنيا هتتظبط ولا لأ

[tarek_2005]

طبعاً البوجيهات الاستاندرد افضل من 3 شمعة مع اللانوس ثانياً
هل فيه دخنة سودة في بداية الدوارة
هل فيه دخنة سوداء مع القرص علي المكنة
هل تاكدت من المخارج الاربعة بتوع البوبينة شغالين تمام

[MHMD Alexndria]

شكرا جزيلا على ردكم على استفساري

لا يوجد دخنة سودا الحمد لله لا مع الدواره ولا القرص
لكن يوجد ريحة بنزين مع العادم قلت شويه بعد ما غيرت سلوك البوجيهات الأربعة بطقم كوري جديد والسحب والتقطيع بعدها اتظبط لكن لسه ما شوفتش معدل استهلاك البنزين ايه اخباره رجع زى ما كان ولا
كان داخل البلد 100 كم 10 لتر بنزين 92 سرعات متفاوتة
في الطوالي 250 كم 18 لتر بنزين 92 عل سرعة 140-160
لكن للأسف اخر مرة بعد المشكلة اللي ذكرتها لحضراتكم بقى 170 كم 24 لتر بنزين 92 داخل البلد
لسه هجرب بعد طقم سلوك البوجيهات ايه الوضع
منتظر اراءكو وشكرا

[tarek_2005]

لو مظبطتش يبقي غير البوجيهات لو لا يبقي عيب بوبينة او (( حساس شكمان ان وجد او بوتشميتر ))

[nix10]

متابع