دايو جولييت 99 كوري برجاء اي معلومات عن السياره

[emad_S_D]

السلام عليكم و رحمه الله و بركاته

اريد النصيحه بخصوص شراء سياره دايو جولييت 1999 صاحبها طالب فيها 42000

هل هي سياره عمليه - اقتصاديه ف المصروفا - قطع الغيار - بوجه عام آمنه مع السواقه المعتدله " مابحبش الجري "

برجاء لو فيه اي معلومه حد يرشدني بيها
جزاكم الله كل الخير

[neel]

هي عملية
قطع غيار رخيصة جديد ومستعمل ومرطرطة

لكن انت مقولتش حالة العربية اية

[ahmedalaahosny]

بص ياكبير هى هى الانوس شوف الانوس مرطرطة ازاى ف البلد بس هاتشباك بس على فكرة هى اشيك من اللانوس مجرد اختلاف اذواق تكيف حلو ومكنة نضيفة بتاعه جرى العربية ثباتها مية مية واقتصادية ف البنزين بس اهم حاجة الحالة النضيفة

[Magoda]

عربيه ديه تحفة
وعمليه جدا واقتصادية جدا فى المصاريف وموفرة فى البنزين جدا عشان انجكشن وقطع غيارها هتلاقيها فى اى حته جديد واستيراد واى ميكانيكى بيشتغل فيها وربنا يوفقك بالبيعه بس بالنسبة للسعر معنديش فكرة

[MohammedAladel]

طيب موتورها زى اللانوس العادية ولا زى موتور النوبيرا ؟

[emad_S_D]

جولييت 99

شكرا للجميع علي الردود و الاستجابه

و بصراحه بالنسبه للحاله انا اول مره اتعامل مع عربيه ف انا موكل حد ثقه هو اللي شافها و قالي حالتها تمام

كان نفسي اشتري موديل قريب شويه و كنت مستغلس انها 99 لكن انا مش شايف حد اتكلم علي انها 99 و الكل بيأكد علي الحاله و الموتور بغض النظر عن سنه الصنع
ف باذن الله خير

وانا قولت ازود نفسي بشويه معلومات من التجمع المحترم ده
و باذن الله ربنا ييسر الخير للجميع و ليا

و ياريت لو حد عنده بقي نصايح لمبتدء ف السواقه و التعامل مع الجوليت

و اكرر شكري لكل من ساهم بالرد

"""" الله ف عون العبد مادام العبد ف عون اخيه """""